វប្បធម៌ ជំនឿ

ទិវានៃក្ដីស្រឡាញ់ រើសរុក្ខជាតិ ៤នេះ ជូនមនុស្សពិសេស នឹងផ្ដល់សំណាងដល់ពួកគេ

បានផុស

២ years មុន

នៅ

ថ្ងៃសៅរ៍ ១២ កុម្ភៈ ២០២២

ដោយ

ចំពោះប្រិយមិត្ត ដែលមានជំនឿលើហុងស៊ុយ ហើយកំពុងស្វែងរកជំនួយខាងអរូបិយ ដើម្បីបង្កើនភាពទាក់ទាញនៃស្នេហាឱ្យផ្អែមល្ហែម ថ្ងៃនេះ កម្ពុជាថ្មី មានរុក្ខជាតិល្អៗ ៤ ប្រភេទ សូមណែនាំជូន ព្រោះគេជឿថា រុក្ខជាតិទាំងនេះអាចជួយរឹតចំណងស្នេហា និងបង្កើនភាពទាក់ទាញ សក្ដិសមទាំងអ្នកមានគូ និងអ្នកនៅលីវ។ រុក្ខជាតិ ៤ប្រភេទនោះគឺ៖

កុលាបកុហម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយដល់រឿងស្នេហា គ្រប់គ្នាប្រាកដជានឹកគិតពី កុលាបក្រហម ដែលជាផ្កាតំណាងឱ្យសេចក្តីស្រឡាញ់ អាចជូនឱ្យមនុស្សពិសេសក្នុងឱកាសផ្សេងៗ។ បើតាមជំនឿ គេជឿថា ផ្កាកុលាបក្រហម ជានិមិត្តរូបនៃសេចក្តីស្រឡាញ់មិនចេះរីងស្ងួតរបស់ដៃគូ។ ចំណែកអ្នកនៅលីវ គេមានជំនឿថា ការដាំផ្កាកុលាបក្រហមនឹងបង្កើនភាពទាក់ទាញ ហើយជួយឱ្យឆាប់ជួបស្នេហ៍ពិត។

ប្រទាលស្លឹកម្លូ

វាជារុក្ខជាតិដ៏ល្អមួយដែលគេនិយមដាំនៅផ្ទះ និងកន្លែងធ្វើការ។ ដាំនៅទីណា វានឹងបង្កើនភាពទាក់ទាញខ្លាំងទ្វេដង។ ក្រៅពីជួយបង្កើនមន្តស្នេហ៍ ប្រទាលស្លឹកម្លូ វាក៏ល្អសម្រាប់ពាណិជ្ជករផងដែរ ព្រោះគេជឿថា វានឹងជួយបង្កើនទ្រព្យសម្បត្តិក្នុងការជួញដូរឱ្យចំណេញជាងមុន ព្រមទាំងផ្ដល់សំណាងថែមទៀត។

ផ្កា Kalong

ក្នុងក្បួនហុងស៊ុយ គេជឿថា បើអ្នកបានដាំផ្កាកាឡុង នឹងជួយលើករាសី រឹតចំណងស្នេហា ហើយបន្ថែមសំណាងដល់ឆាកជីវិតផងដែរ។

ប្រទាលរីករាយ ឬប្រទាលម្រាមដៃ (Adenium)

ផ្កានេះ គេប្រទះឃើញមានដាំនៅតាមផ្ទះ ច្រើនជាងនៅតាមហាងនានា។ ដោយសារពណ៌ផ្កាឈូក ជាមួយពណ៌សនៃផ្កា adenium គេជឿថា វាជាហុងស៊ុយបង្កើនភាពទាក់ទាញដល់អ្នកដាំដុះ ធ្វើឱ្យមនុស្សជិតឆ្ងាយស្រឡាញ់រាប់អាន និងជួយមនុស្សផ្ទុយភេទធ្លាក់ក្នុងអន្លង់ស្នេហ៍៕

អត្ថបទ៖ សន្យា

ចុចអាន៖ រុក្ខជាតិហុងស៊ុយ គេជឿថា ដាំក្នុងផ្ទះ ជួយបង្កើនសំណាងល្អ និងរីកចម្រើនផ្នែកអាជីព