តាមប្រភពព័ត៌មានបានអោយដឹងថា មុនកើតហេតុ គេបានឃើញបុរសម្នាក់ បើករថយន្តមួយគ្រឿង ម៉ាក Ford Territory ពណ៍ខៀវ ពាក់ស្លាកលេខ ភ្នំពេញ 2BX-9692 បើកបរតាមបណ្តោយផ្លូវព្រះនរោត្តម សង្ស័យងងឹតមុខ ខណៈមកដល់ចំណុចកើតហេតុ ក៏ស្រាប់តែជ្រុលទៅបុករះកង់បីឥណ្ឌា ០១គ្រឿង កំពុងបើកបញ្រ្ចាស់គ្នា ពេញទំហឹង បណ្តាលអោយមនុស្ស០២នាក់ រងរបួសធ្ងន់ស្រាល បញ្ជូនទៅមន្ទីរពេទ្យ។ ចំណែករថយន្តបង្ក ទៅបុករបងបុរី បង្កអោយអ្នកបើករថយន្តសន្លប់មួយសន្ទុះធំ ។ ភ្លាមៗប្រជាពលរដ្ឋ និងសមត្ថកិច្ច បានទៅអង្រួនរថយន្តជាង ១០នាទី ទើបម្ចាស់រថយន្តដឹងខ្លួន រួចសមត្ថកិច្ចបានឃាត់បុរសជាម្ចាស់រថយន្ត ទៅប៉ុស្តិ៍ធ្វើការសាកសួរ។

ក្រោយកើតហេតុ សមត្ថកិច្ចមូលដ្ឋានបានទាក់ទងទៅមន្ត្រីជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីមកវាស់វែងយករថយន្ត និងកង់បី ទៅរក្សាទុករងចាំដោះស្រាយពេលក្រោយ៕ អត្ថបទ ៖ រដ្ឋា

The post មន្រ្តីនគរបាលម្នាក់ សង្ស័យងងឹតមុខបើករថយន្តទៅបុកកង់បី បណ្តាលឲ្យរងរបួស០២នាក់ នៅខាងមុខក្រសួងមហាផ្ទៃ appeared first on Kampuchea Thmey Daily.

ដោយអនុវត្តតាមបទបញ្ជាលោកនាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍សេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ នឹងដើម្បីពង្រឹងសុវត្ថិភាពចរាចរណ៍ និងកាត់បន្ថយហានិភ័យនៃគ្រោះថ្នាក់នៅលើដងផ្លូវសាធារណៈ កម្លាំងជំនាញចរាចរណ៍ នៃស្នងការដ្ឋាននគរបាលខេត្តតាកែវ បានបន្តអនុវត្តវិធានការត្រួតពិនិត្យយ៉ាងម៉ឺងម៉ាត់ចំពោះយានយន្តដែលកែឆ្នៃខុសលក្ខណៈបច្ចេកទេស និងយានយន្តដែលមិនគោរពតាមបទប្បញ្ញត្តិចរាចរណ៍ផ្លូវគោក នៅថ្ងៃទី១២ ខែមិថុនា ឆ្នាំ២០២៦ កម្លាំង នគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តតាកែវ បានចុះដាក់គោលដៅត្រួតពិនិត្យនៅលើផ្លូវជាតិលេខ២ ស្ថិតក្នុងភូមិសាស្ត្រ ក្រុងដូនកែវ ខេត្តតាកែវ។

លោកវរសេនីយ៍ឯក មឿង សារុន នាយការិយាល័យចរាចរណ៍ផ្លូវគោក បានឱ្យដឹងថា ការចុះដាក់ត្រួតពិនិត្យ យានយន្តខុសបច្ចេកទេសនេះក្នុងគោលបំណងទប់ស្កាត់ និងកាត់បន្ថយការប្រើប្រាស់យានយន្តកែឆ្នៃខុសលក្ខណៈបច្ចេកទេស ដែលអាចបង្កគ្រោះថ្នាក់ដល់អ្នកបើកបរ អ្នករួមដំណើរ និងអ្នកប្រើប្រាស់ផ្លូវផ្សេងទៀត។ហើយចំពោះរថយន្តដែរបំពាក់ភ្លើងខុសលក្ខណ បច្ចេកទេសនិងគ្មានបណ្ណបើកបរ លោកបានណែនាំអោយម្ចាស់រថយន្តត្រូវដោះភ្លើងចេញ រថយន្តមានតកន្ទុយក្រោយត្រូវអោយម្ចាស់រថយន្តដោះចេញ ។

ជាក់ស្តែង យានយន្តមួយចំនួនត្រូវបានកែប្រែទំហំតួរថយន្ត បន្ថែមទ្រុងដែក ប្តូរប្រព័ន្ធបច្ចេកទេស ឬដឹកជញ្ជូនលើសទម្ងន់កំណត់ ដែលជាកត្តាបង្កឱ្យបាត់បង់លំនឹងពេលបើកបរ ងាយក្រឡាប់ ឬបង្កគ្រោះថ្នាក់ធ្ងន់ធ្ងរនៅលើដងផ្លូវ។ លើសពីនេះ ការកែឆ្នៃខុសបច្ចេកទេសក៏អាចប៉ះពាល់ដល់ហេដ្ឋារចនាសម្ព័ន្ធផ្លូវ និងបង្កការរំខានដល់សណ្តាប់ធ្នាប់សាធារណៈផងដែរ។

មន្ត្រីនគរបាលចរាចរណ៍ បានអំពាវនាវដល់ម្ចាស់យានយន្ត និងអ្នកបើកបរទាំងអស់ ត្រូវគោរពតាមច្បាប់ចរាចរណ៍ផ្លូវគោក ធ្វើការត្រួតពិនិត្យលក្ខណៈបច្ចេកទេសយានយន្តជាប្រចាំ និងចៀសវាងការកែឆ្នៃដែលផ្ទុយពីបទដ្ឋានបច្ចេកទេសកំណត់ដោយច្បាប់៕

The post នគរបាលខេត្តតាកែវ បន្តរឹតបន្តឹងច្បាប់ចរាចរណ៍ និង ត្រួតពិនិត្យយានយន្តកែច្នៃខុសលក្ខណៈបច្ចេកទេស appeared first on Kampuchea Thmey Daily.

ប្រតិបត្តិការនេះ ត្រូវបានធ្វើឡើងនៅថ្ងៃទី៩ ខែមិថុនា ឆ្នាំ២០២៦ ដោយកម្លាំងជំនាញការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តតាកែវ នៅលើផ្លូវជាតិលេខ២ ស្ថិតក្នុងភូមិត្រាំ សង្កាត់រកាក្រៅ ក្រុងដូនកែវ ក្នុងគោលបំណងទប់ស្កាត់ និងកាត់បន្ថយការប្រើប្រាស់យានយន្តកែច្នៃខុសលក្ខណៈបច្ចេកទេស ដែលអាចបង្កគ្រោះថ្នាក់ដល់អ្នកបើកបរ អ្នករួមដំណើរ និងអ្នកប្រើប្រាស់ផ្លូវផ្សេងទៀត។

ជាក់ស្តែង យានយន្តមួយចំនួនត្រូវបានកែប្រែទំហំតួរថយន្ត បន្ថែមទ្រុងដែក ប្តូរប្រព័ន្ធបច្ចេកទេស ឬដឹកជញ្ជូនលើសទម្ងន់កំណត់ ដែលជាកត្តាបង្កឱ្យបាត់បង់លំនឹងពេលបើកបរ ងាយក្រឡាប់ ឬបង្កគ្រោះថ្នាក់ធ្ងន់ធ្ងរនៅលើដងផ្លូវ។ លើសពីនេះ ការកែច្នៃខុសបច្ចេកទេស ក៏អាចប៉ះពាល់ដល់ហេដ្ឋារចនាសម្ព័ន្ធផ្លូវ និងបង្កការរំខានដល់សណ្តាប់ធ្នាប់សាធារណៈផងដែរ។

មន្ត្រីនគរបាលចរាចរណ៍បានអំពាវនាវដល់ម្ចាស់យានយន្ត និងអ្នកបើកបរទាំងអស់ ត្រូវគោរពតាមច្បាប់ចរាចរណ៍ផ្លូវគោក ធ្វើការត្រួតពិនិត្យលក្ខណៈបច្ចេកទេសយានយន្តជាប្រចាំ និងចៀសវាងការកែច្នៃដែលផ្ទុយពីបទដ្ឋានបច្ចេកទេសកំណត់ដោយច្បាប់។

ស្នងការដ្ឋាននគរបាលខេត្តតាកែវ បញ្ជាក់ថា ការត្រួតពិនិត្យ និងអនុវត្តច្បាប់ចំពោះយានយន្តកែច្នៃខុសលក្ខណៈបច្ចេកទេស នឹងបន្តធ្វើជាប្រចាំនៅតាមគោលដៅសំខាន់ៗទូទាំងខេត្ត ដើម្បីធានាបាននូវសុវត្ថិភាព សណ្តាប់ធ្នាប់ និងការធ្វើដំណើរប្រកបដោយភាពរលូនសម្រាប់ប្រជាពលរដ្ឋគ្រប់រូប៕​

អត្ថបទ៖ វីរៈ

The post នគរបាលខេត្តតាកែវ រឹតបន្តឹងការត្រួតពិនិត្យយានយន្តកែច្នៃខុសបច្ចេកទេសលើផ្លូវជាតិលេខ២ ដើម្បីទប់ស្កាត់គ្រោះថ្នាក់ចរាចរណ៍ appeared first on Kampuchea Thmey Daily.

សមត្ថកិច្ចបានឲ្យដឹងថា រថយន្តបង្កប្រភេទកុងតឺន័រ ម៉ាកFUSO ពណ៌បៃតង ពាក់ស្លាកលេខ ព្រះសីហនុ 3A-2992 សណ្តោងរុឺម៉កកុងតឺន័រ ពាក់ស្លាកលេខ ព្រះសីហនុ 4A-0591 ភ្លាមៗអ្នកបើកបរបានចុះពីរថយន្តរត់គេចខ្លួនបាត់ ទុកតែរថយន្តនៅនិងកន្លែងកើតហេតុ។

តាមប្រភពនៅកន្លែងបានឱ្យដឹងថា មុនកើតហេតុរថយន្តបង្កបើកពីលិចទៅកើត សង្ស័យងងុយដេក ដល់ចំណុចកើតហេតុ រេចង្កូតឡើងខឿនទ្រូងផ្លូវ បុករះបង្គោលស្លាកសញ្ញាចរាចរណ៍ ស្លាកប៉ាណូ បង្គោលភ្លើង រួមទាំងការឺឡា រថយន្តកល់ជាប់ទៅមុខលែងរួច ខូចទ្រូងផ្លូវជាង៣០ម៉ែត្រ។

បន្ទាប់ពីកើតហេតុ សមត្ថកិច្ចមូលដ្ឋានចុះទៅសម្រួលចរាចរណ៍ បានទាក់ទងសមត្ថកិច្ចជំនាញចុះពិនិត្យផលប៉ះពាល់ ការខូចខាត ហើយប្រគល់ឱ្យការិយាល័យចរាចរណ៍ជើងគោក នៃស្នងការនរគបាលរាជធានីភ្នំពេញ យកទៅរក្សាទុករងចាំដោះស្រាយផលប៉ះពាល់សម្បត្តិរដ្ឋជាក្រោយ៕ អត្ថបទ ៖សុខា

The post ទាំងព្រឹកព្រឹលឹម ! រថយន្តកុងតឺន័រឡើងខឿនទ្រូងផ្លូវបុករះ បង្គោលភ្លើង ស្លាកសញ្ញាចរាចរណ៍ខូចខាតជាង ៣០ម៉ែត្រ appeared first on Kampuchea Thmey Daily.

យោងតាមការប្រកាសរបស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ធំ នៅលើបណ្ដាញសង្គមរបស់ខ្លួនកាលពីយប់ថ្ងៃទី៤ ខែមិថុនា ឆ្នាំ២០២៦ ម្ចាស់រថយន្ដបង្កគ្រោះថ្នាក់នេះមានឈ្មោះ ខេង យូរី ភេទស្រី មានអាសយដ្ឋានផ្ទះលេខ០១ ក្រុមទី០១ ភូមិគោកមន ឃុំដំដែកស្រុកសូត្រនិគម ខេត្តសៀមរាប និងអ្នកបើកបរឈ្មោះ ឆោម ឆុង ភេទប្រុស អាសយដ្ឋានផ្ទះលេខ១១៧ ផ្លូវក្រុមទី០៦ ភូមិគោកមន ឃុំដំដែក ស្រុកសូត្រនិគម ខេត្តសៀមរាប។ តាមការប្រកាសដដែល ម្ចាស់រថយន្ដ និងអ្នកបើកបររថយន្ដបង្កត្រូវចូលខ្លួនមកការិយាល័យនគរបាលចរាចរផ្លូវគោក នៃស្នងការដ្ឋាននគរបាលខេត្តកំពង់ធំ ដែលបានកំណត់ ក្នុងរយៈពេលឆាប់បំផុត ចាប់ពីថ្ងៃជូនដំណឹងនេះតទៅក្នុងម៉ោងធ្វើការ ក្នុងករណីមិនចូលខ្លួនតាមការអញ្ជើញ អាជ្ញាធរមានសមត្ថកិច្ចនឹងចាត់វិធានការបន្តទៀតតាមផ្លូវច្បាប់ជាធរមាន។

គួររំលឹកថា លោក ជុំ សុភមករា អគ្គនាយករង និងជាអ្នកនាំពាក្យអាជ្ញាធរជាតិអប្សរា បានបាត់បង់ជីវិតក្នុងហេតុការណ៍គ្រោះថ្នាក់ចរាចរណ៍កាលពីថ្ងៃទី០១ ខែមិថុនា ឆ្នាំ២០២៦ នៅលើផ្លូវជាតិលេខ៦​ ចន្លោះ​គីឡូម៉ែត្រ​លេខ ១៨៣-១៨៤ ចំណុចភូមភូមិព្រៃប្រស់​ ឃុំត្បែង ស្រុកកំពង់ស្វាយ ខេត្តកំពង់ធំ រវាងរថយន្ដដឹកទំនិញវ៉េអងពាក់ស្លាកលេខ កំពង់ចាម 3A-7674​ សណ្ដោង​រឺ​ម៉ក ផ្លាកលេខរឺម៉ក ព្រះសីហនុ 4A-3890​ ជាមួយរថយន្ដម៉ាក Ford។

តាមរយៈកាមេរ៉ាសុវត្ថិភាព ករណីគ្រោះថ្នាក់នេះកើតឡើងដោយសាររថយន្ដដឹកទំនិញវ៉េអង បើកគេចពីម៉ូតូមួយគ្រឿងដែលជិះឆ្លងផ្លូវមិនប្រយ័ត្ន ទើបធ្វើឲ្យរថយន្ដជ្រុលចង្កូតទៅបុករថយន្ដម៉ាក Ford របស់លោក ជុំ សុភមករា ដែលបើកបរនៅចំណែកផ្លូវម្ខាងទៀតបណ្ដាលឲ្យរថយន្ដ Ford​ខូចខាតស្ទើរទាំងស្រុង និងបណ្ដាលឲ្យលោក ជុំ សុភមករា ស្លាប់ភ្លាមៗនៅកន្លែងកើតហេតុ ចំណែកអ្នកបើកបររថយន្ដបង្កម៉ាកវ៉េអង បានចុះរត់គេចខ្លួនបាត់៕

អត្ថបទ៖ សុខុម

The post ករណីគ្រោះថ្នាក់នៅកំពង់ធំ មន្ត្រីជំនាញឲ្យម្ចាស់​រថយន្ដ និងអ្នកបើកបររថយន្ដបង្កចូលខ្លួនដោះស្រាយឲ្យបានឆាប់ appeared first on Kampuchea Thmey Daily.

យោងតាមប្រភពព័ត៌មានពីសមត្ថកិច្ចបានឱ្យដឹងថា នៅមុនពេលកើតហេតុ គេបានឃើញរថយន្តកែច្នៃពណ៌លឿងមួយគ្រឿងដឹកកម្មករ-កម្មការិនីយ៉ាងណែនណាន់តាន់តាប់ ដោយមានអ្នកខ្លះថែមទាំងតោងអង្គុយនៅផ្នែកខាងក្រោយស្តុបរថយន្តយ៉ាងគ្រោះថ្នាក់ថែមទៀតផង ដើម្បីឆ្ពោះទៅកាន់កន្លែងការងារ (រោងចក្រ) ដោយបើកបរវ៉ាជែងខ្វះការប្រុងប្រយ័ត្ន បណ្តាលឱ្យក្រឡាប់ផ្ងារជើងកណ្ដាលផ្លូវក្បែរដងផ្លូវថ្មើរជើងតែម្តង។

ប្រភពដដែលបានបន្តថា នៅក្នុងឧបទ្ទវហេតុដ៏រន្ធត់នេះ បានបណ្តាលឱ្យកម្មករ-កម្មការិនីដែលជិះនៅលើរថយន្តសរុបចំនួន ៤០នាក់ ភ័យស្លន់ស្លោ និងរងរបួសស្រាលចំនួន ២០នាក់ និង៥នាក់ទៀតរងរបួសធ្ងន់ធ្ងរ ត្រូវបានបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យបង្អែក សាមគ្គីរំដួល។

មតិពីមជ្ឈដ្ឋាននៅក្នុងមូលដ្ឋានខេត្តស្វាយរៀង បានលើកឡើងស្រដៀងៗគ្នាថា ក្រុមរថយន្ដដឹកកម្មករកម្មការិនីភាគច្រើនបើកបរធ្វេសប្រហេស ខ្វះការប្រុងប្រយ័ត្ន បើកវ៉ាជែងមិនប្រកាន់ស្ដាំ ដែលបង្កការកកស្ទះនៅលើដងផ្លូវ និងគ្រោះថ្នាក់ជារឿយៗ។ ពួកគាត់នៅតែសម្ដែងការព្រួយបារម្ភពីសុវត្ថិភាព មិនថាតែកម្មករកម្មការិនីរោងចក្រនោះទេ គឺមានប្រជាពលរដ្ឋច្រើនដែលធ្វើដំណើរនៅលើដងផ្លូវ និងសំណូមពរដល់អាជ្ញាធរ មន្ត្រីជំនាញពាក់ព័ន្ធ គួរមានវិធានហៅក្រុមអ្នកបើកបររថន្ដដឹកកម្មករកម្មការិនីទាំងអស់ក្នុងខេត្តស្វាយរៀង មកអប់រំបន្ថែម និងការទទួលខុសត្រូវនៅពេលបើកបរដែលកម្មករកម្មការិនីជាច្រើនបានផ្ញើជីវិតលើពួកគាត់ ជាពិសេសពិនិត្យទៅលើលក្ខណៈបច្ចេកទេសរថយន្ដ៕

អត្ថបទ៖ ភក្ដី

The post រថយន្ដដឹកកម្មករដែលក្រឡាប់នៅស្វាយរៀង ជារថយន្ដកែច្នៃ និងដឹកកម្មករ កម្មការិនីពេញណែន appeared first on Kampuchea Thmey Daily.

សូមជម្រាបថា ករណីគ្រោះថ្នាក់ក្រឡាប់រថយន្ដដឹកកម្មកររោងចក្រនេះ បានកើតឡើងនៅវេលាម៉ោង៦និង១៤នាទីព្រឹក ថ្ងៃទី៤ ខែមិថុនា ឆ្នាំ២០២៦នេះ ខណៈដែលក្រុមកម្មករកម្មការិនី ជិះរថយន្ដធ្វើដំណើរទៅកន្លែងធ្វើការ។ ទោះបីយ៉ាងណា ករណីនេះនៅមិនទាន់បានបញ្ជាក់ជាផ្លូវការណាមួយពីមន្ត្រីអាជ្ញាធរមូលដ្ឋាននៅឡើយទេ៕

The post Update៖ ករណីក្រឡាប់រថយន្ដដឹកកម្មកររោងចក្រនៅស្វាយរៀង មានអ្នកជិះសរុបចំនួន៤០នាក់ និងរងរបួសសរុប ២៥នាក់ appeared first on Kampuchea Thmey Daily.

លោកបណ្ឌិត ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខសង្គម (ប.ស.ស) និងជាអ្នកនាំពាក្យ នៃក្រសួងការងារ និង បណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ២ មិថុនា នេះថា ក្នងរយៈពេល ៥ ខែ ឆ្នាំ ២០២៦ នេះ នៅទូទាំងប្រទេសកម្ពុជា មានករណីកម្មករ-និយោជិត ជួបករណីគ្រោះថ្នាក់ចរាចរណ៍ចំនួន ២ ៨០៨ ករណី មានជនរងគ្រោះសរុបចំនួន ៣ ១៣៤ នាក់ (ស្រី ២ ០៧៧ នាក់) ស្លាប់ចំនួន ៤៦ នាក់ របួសធ្ងន់ចំនួន ៧៩៩ នាក់ និង របួសស្រាលចំនួន ២ ២៨៩ នាក់។

លោកបណ្ឌិត បានបន្តថា ក្នុងចំណោមគ្រោះថ្នាក់ខាងលើ ក្នុងនោះមានករណីគ្រោះថ្នាក់ចរាចរណ៍លើរថយន្តដឹកកម្មករ-និយោជិត មានចំនួន ៩ ករណី មានជនរងគ្រោះសរុបចំនួន ១៩៨ នាក់ ស្លាប់ចំនួន ១៤ នាក់ របួសធ្ងន់ចំនួន ២៨ នាក់ និង របួសស្រាលចំនួន ១៥៦ នាក់។

លោកបណ្ឌិត បានពន្យល់ថា មានកត្តាសំខាន់មួយចំនួនដែលជំរុញឲ្យមានករណីគ្រោះថ្នាក់ចរាចរណ៍កើតឡើង រួមមាន បើកបរលើសល្បឿនកំណត់ មិនប្រកាន់ស្តាំ (បញ្ច្រាសទិស) កត្តាមិនគោរពសិទ្ធិអាទិភាព បត់មិនត្រឹមត្រូវ និង កត្តាយានយន្ត។

លោកបណ្ឌិត បានបន្តទៀតថា ដើម្បីកាត់បន្ថយហានិភ័យដោយសារគ្រោះថ្នាក់ចរាចរណ៍នៅលើដងផ្លូវសម្រាប់កម្មករ-និយោជិត ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម បាននិងកំពុងអនុវត្តសកម្មភាព រួមមាន បន្តចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលធ្វើដំណើរតាមម៉ូតូ ជំរុញឲ្យពាក់មួកសុវត្ថិភាពឲ្យបានគ្រប់ៗ គ្នា។ ជំរុញការកែលម្អរថយន្តដឹកកម្មករ-និយោជិត ឲ្យកាន់តែមានផាសុកភាព និង សុវត្ថិភាព ឲ្យបានឆាប់រហ័ស។ ចុះអង្កេតសិក្សាស្រាវជ្រាវរកមូលហេតុចម្បងដែលបណ្តាលឲ្យកើតមានគ្រោះថ្នាក់ចរាចរណ៍មកលើកម្មករ-និយោជិត ឲ្យបានច្បាស់លាស់។ រៀបចំបទបង្ហាញជាមេរៀន វីដេអូណែនាំ ស្ពត និងជាសារសំឡេងសម្រាប់អប់រំ ផ្សព្វផ្សាយ នៅតាមបណ្តារោងចក្រសហគ្រាស គ្រឹះស្ថាន និង តាមរយៈបណ្តាញសង្គមនានា ដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលប្រើប្រាស់ម៉ូតូ កង់ និង ថ្មើរជើង ឲ្យបានយល់ដឹងច្បាស់ពីច្បាប់ និង សុវត្ថិភាពចរាចរណ៍ផ្លូវគោក។ ជំរុញរថយន្តប្រភេទដឹកទំនិញ និង ម៉ូតូសណ្តោងរ៉ឺម៉កដែលដឹកកម្មករ-និយោជិត ប្តូរមកប្រើប្រាស់រថយន្តប្រភេទដឹកអ្នកដំណើរ និង ជំរុញរថយន្តប្រភេទដឹកទំនិញ ដែលដឹកកម្មករ-និយោជិត ឈរ ឲ្យផ្លាស់ប្តូរមកជារថយន្តប្រភេទដឹកអ្នកដំណើរ ឬ កែច្នៃឲ្យមានកៅអីអង្គុយ។

លោកបណ្ឌិត ក៏បានអំពាវនាវដល់កម្មករ-និយោជិត ទាំងអស់ បង្កើនការប្រុងប្រយ័ត្នឲ្យបានខ្ពស់ក្នុងការធ្វើដំណើរ ទាំងអ្នកធ្វើដំណើរដោយម៉ូតូ និង ទាំងអ្នកធ្វើដំណើរដោយរថយន្តដឹកកម្មករ-និយោជិត ត្រូវគោរពច្បាប់ស្តីពីចរាចរណ៍ផ្លូវគោក ដើម្បីចៀសវាងករណីគ្រោះថ្នាក់ជាយថាហេតុ និង ក្រើនរំលឹកទៅកាន់អ្នកបើកបររថយន្ដដឹកកម្មករ-និយោជិត ទាំងអស់ ត្រូវមានស្មារតីទទួលខុសត្រូវខ្ពស់ និង យកចិត្តទុកដាក់រាល់ពេលបើកបរផងដែរ៕
អត្ថបទ ៖ សំអឿន

The post ៥​ ខែ ដើមឆ្នាំនេះ មានកម្មករ-និយោជិត ៤៦ នាក់ ស្លាប់បាត់បង់ជីវិតដោយសារគ្រោះថ្នាក់ចរាចរណ៍ appeared first on Kampuchea Thmey Daily.