ជីវិតកម្សាន្ដ

បវរកញ្ញា នេត រក្សា បញ្ជាក់មូលហេតុដែលត្រូវដកតំណែង

បានផុស

៤ years មុន

នៅ

ថ្ងៃសុក្រ ១៣ សីហា ២០២១

ដោយ

ថ្មីៗនេះអ្នកគាំទ្រមានការភ្ញាក់ផ្អើលគ្រប់គ្នាក្រោយផ្ទុះដំណឹងថាកញ្ញា នេត រក្សា ដែលជាបវរកញ្ញាលំដាប់រងទី៣ ត្រូវបានស្ថាប័នMCUប្រកាសដកតំណែងយ៉ាងអាថ៌កំបាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងភ្ញាក់ផ្អើលនេះ បន្ទាប់ពីគេឃើញលោក ម៉ែន និមលរ័ត្ន នាយកប្រតិបត្តិកម្មវិធីប្រកួតបវរកញ្ញាចក្រវាលកម្ពុជា បានធ្វើការប្រកាសនៅលើបណ្តាញសង្គមហ្វេសប៊ុកផ្ទាល់ខ្លួនថា នឹងមានការផ្ទេរតំណែងដោយបំពាក់ឆៀងបវរកញ្ញាលំដាប់រងទី៣ទៅឲ្យកញ្ញា សួន ពិសី ដែលជាបវរកញ្ញាលំដាប់រងទី៤វិញ។ ប៉ុន្តែភ្លាមៗនោះគេមិនបានឃើញស្រីស្រស់ នេត រក្សា ប្រតិកម្មឆ្លើយតបជុំវិញរឿងរ៉ាវខាងលើនោះទេ ទើបតែពេលនេះ នាងបានចេញមុខបញ្ជាក់ប្រាប់មូលហេតុស្រាយចម្ងល់មហាជននិងអ្នកគាំទ្រចំពោះបញ្ហាដែលត្រូវបានគេដកតំណែងយ៉ាងភ្ញាក់ផ្អើលនេះ។

ដោយឡែកមុននេះ គេសង្កេតឃើញតាមរយៈការ Liveវីដេអូមានរយៈពេលប្រមាណជា១ម៉ោងនៅលើបណ្ដាញសង្គមInstagramផ្ទាល់ខ្លួន ដោយបវរកញ្ញា នេត រក្សា បានធ្វើការលើកឡើងថា មូល ហេតុដែលត្រូវបានគេដកតំណែង គឺពាក់ព័ន្ធការចុះកុងត្រា(កិច្ចសន្យា)។

កញ្ញា នេត រក្សា បាននិយាយទៀតថា ចំពោះរឿងដកតំណែងនេះ សម្រាប់នាងក៏មិនសូវដឹងលម្អិតដែរ តែអ្វីដែលអាចបញ្ជាក់នោះគឺ ដោយសារអ្នករៀបចំកម្មវិធីចង់ឲ្យនាងចុះកុងត្រាការងារជាមួយ គេ ប៉ុន្ដែនាងមិនព្រមចុះកុងត្រាតាមដែលគេចង់បាន។

នាងបន្ថែមដែរថា ហេតុផលដែលនាងមិនព្រមទទួលចុះកុងត្រា ព្រោះតែខ្លួនចង់មានសេរីភាពពេលវេលាគ្រប់គ្រាន់សម្រាប់ការងារផ្ទាល់ខ្លួន ការសិក្សា និងគ្រួសារ ដូច្នេះហើយនាងមិនសោកស្ដាយតំណែងនេះទេ៕

អត្ថបទ ៖ ចាន់រ៉ា