ជីវិតកម្សាន្ដ

រំភើបជំនួស !តា ចេក ទទួលបានថវិកា២ពាន់ដុល្លារនិងសម្ភារ:មួយចំនួនពីអ្នកស្រី ទ្រី ដាណា

បានផុស

៤ ខែ មុន

នៅ

ថ្ងៃសុក្រ ១៤ មករា ២០២២

ដោយ

ភ្នំពេញ ៖ ទីបំផុតតារាកំប្លែងជើងចាស់លោកតា ចេក បានមកជួបអ្នកស្រី ទ្រី ដាណា ដូចដែលការសន្យាហើយនារសៀលថ្ងៃទី១៤ខែមករាឆ្នាំ២០២២នេះ បន្ទាប់ពីតារាកំប្លែងរូបនេះបានជួបគ្រោះថ្នាក់ក្រឡាប់រ៉ឺម៉កកង់បីកាលពីថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពេលមកជួបថៅកែហាងពេជ្រគឺអ្នកស្រី ទ្រី ដា ណា នេះគេឃើញតារាកំប្លែងលោកតា ចេកហាក់នៅមានសកម្មភាពឈឺជើងនៅឡើយ។ ប៉ុន្តែអ្វីដែលត្រូវរំភើបនោះគឺលោកតា ចេកទទួលបានថវិកាឧបត្ថម្ភចំនួន២ពាន់ដុល្លារនិងសម្ភារ:មួយចំនួនទៀតពីអ្នកស្រី ទ្រី ដាណា ផងដែរ។

បើយោងតាមការបង្ហោះពីអ្នកស្រី ទ្រី ដាណា បានលើកឡើងថាបានជួបលោកតា ចេក ហើយ អាណិតគាត់ហើយក៏គួរឲ្យគោរពខ្លាំង។ ជូនគាត់២០០០ដុល្លារនិងអំណោយស្បៀងអាហារមួយចំនួន។ គាត់ថាមិនសុំជំនួយអ្នកណាទេខ្លាចប៉ះពាល់កិត្តិយសសិល្បករចាស់ៗតែបើគេជូន គឺជាបុណ្យ។

លោកតា ចេក បន្តទៀតថា គាត់ចង់ទិញរ៉ឺម៉កស្រាលៗតម្លៃជាង៣០០ដុល្លារដើម្បីដឹកបន្លែផ្លែឈើទៅ លក់ព្រោះអាមុនធ្ងន់ពេកទើបក្រឡាប់។អញ្ចឹងជូនគាត់២ពាន់ដុល្លារគ្រាន់ទុកមើលខ្លួនផងព្រោះមើលទៅគាត់មិនទាន់ជាស្រួលបួលនៅឈឺជើងទៀត ដើរចេញទៅនៅមិនទាន់ត្រង់ផង។

សូមបញ្ជាក់ដែរថា មហាជននិងអ្នកគាំទ្រភ្ញាក់ផ្អើលគ្រប់គ្នាបន្ទាប់មានព័ត៌មានថាតារាកំប្លែងជើងចាស់ស្ថិតក្នុងក្រុមនាយ កុយ គឺលោកតា ចេក បានជួបគ្រោះថ្នាក់ក្រឡាប់រ៉ឺម៉កកង់បីទាំងព្រឹកថ្ងៃទី០៤ខែមករា ឆ្នាំ២០២២នេះ ខណៈកំពុងធ្វើដំណើរដឹកបន្លែផ្លែឈើទៅលក់នៅគីរីរម្យបណ្តាលឲ្យរងរបួសនិងខូចខាតបន្លែផ្លែឈើព្រមទាំងរ៉ឺម៉កផងដែរ៕

ដោយ ៖ ចាន់រ៉ា