ជីវិតកម្សាន្ដ

ករុណា ពេជ្រ និមន្តព្រះសង្ឃ៧៥អង្គធ្វើបុណ្យឧទ្ទិសកុសលជូនលោកឪពុកជាទីស្រឡាញ់

បានផុស

៤ years មុន

នៅ

ថ្ងៃពុធ ១៩ មករា ២០២២

ដោយ

តារាចម្រៀងលោក ករុណា ពេជ្រ បានថ្លែងឲ្យដឹងថា សម្រាប់ពិធីបុណ្យ១០០ថ្ងៃជូនឪពុកជាទីស្រលាញ់ លោកនិងក្រុមគ្រួសារបាននិមន្តព្រះសង្ឃចំនួន៧៥អង្គដើម្បីឧទ្ទិសកុសលដល់វិញ្ញាណក្ខន្ធរបស់គាត់ដែលស្លាប់ទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ករុណា ពេជ្រ បានបញ្ជាក់ថា ពិធីបុណ្យគម្រប់ខួប១០០ថ្ងៃជូនលោកឪពុក គឺប្រារព្ធធ្វើឡើងកាលពីថ្ងៃទី១៨ ខែមករា ឆ្នាំ២០២២ ស្ថិតនៅឯស្រុកកំណើតឈើបាច់បាភ្នំ ខេត្តព្រៃវែង ហើយនៅព្រឹកថ្ងៃទី១៩ ខែមករានេះ ក៏មានពិធីរាប់បាត្រព្រះសង្ឃ៧៥អង្គផងដែរ។

តារាចម្រៀងលោក ករុណា ពេជ្រ បានលើកឡើងទៀតថា ខ្ញុំបាទក៏សូមអភ័យទោសចំពោះបងប្អូនមិត្តភ័ក្ដិ ពូមីង និងFriend ក្នុងFacebookជាច្រើន ដែលមានទឹកចិត្តចង់ចូលរួមពិធីបុណ្យ១០០ថ្ងៃលោកឪពុកខ្ញុំយ៉ាងច្រើន។ ប៉ុន្តែដោយខ្ញុំធ្វើនៅឯស្រុកកំណើតលោកពុកដូច្នេះពិតជាមិនហ៊ានរំខាននិងអញ្ជើញបងប្អូនមិត្តភ័ក្ដិដោយសារឆ្ងាយ ។ លោក ករុណា ពេជ្រ បានបន្ថែមថា ខ្ញុំបាទសូមសម្តែងនូវទឹកចិត្តអរគុណយ៉ាងខ្លាំងសម្រាប់ការស្រ លាញ់រាប់អានចំពោះខ្ញុំ និងលោកឪពុករបស់ខ្ញុំ។

សូមជម្រាបថា ឪពុកលោក ករុណា ពេជ្រ គឺលោក ម៉ុក សាខន បានទទួលមរណៈភាពក្នុងជន្មាយុ៧៥ឆ្នាំកាលពីថ្ងៃទី១៤ ខែតុលា ឆ្នាំ២០២១ ដោយជំងឺប្រចាំកាយមានរយ:ពេលជាច្រើនឆ្នាំ៕

អត្ថបទ៖ ចាន់រ៉ា