Connect with us

ជីវិតកម្សាន្ដ

ចំរើន សុភ័ក្រ្ត ទម្លាយរឿងតូចចិត្តព្រោះគេមិនសូវឲ្យតម្លៃលើអ្នកចម្រៀងភ្លេងខ្មែរ

បានផុស

នៅ

តារាចម្រៀងស្រីវ័យក្មេងកញ្ញា ចំរើន សុភ័ក្រ្ត បានទម្លាយពីអារម្មណ៍ពិតផ្ទាល់ខ្លួន និងអាក់អន់ចិត្តព្រោះឃើញគេមិនសូវឲ្យតម្លៃលើអ្នកចម្រៀងភ្លេងខ្មែរ។

រឿងដែលធ្វើឲ្យតារាស្រីកញ្ញា ចំរើន សុភ័ក្រ្ត មានការអាក់អនចិត្តតាមរយ:បណ្តាញសង្គមថា តម្លៃនៃការជួយក្រុមភ្លេងខ្មែរទៅលេងឬប្រគុំក្នុងកម្មវិធីមង្គលការនានាថ្លៃចន្លោះពី២០០ដុល្លារទៅ ៣០០ដុល្លារប៉ុណ្ណោះ ខណ:សមាជិកក្នុងក្រុមមានរហូដល់ជិត ១០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ចំរើន សុភ័ក្រ្ត បានលើកឡើង​ថា «ក្នុងនាមខ្ញុំជាអ្នកចម្រៀងភ្លេងខ្មែរ ខ្ញុំសូមមិននិយាយពីក្រុមវង់ភ្លេងធំៗទេ ហើយក៏សូមសំណូមពរដល់លោកគ្រូ អ្នកគ្រូបងប្អូនសិល្បករភ្លេងខ្មែរទាំងអស់ចូលពង្រឹងតម្លៃខ្លួនឯង និងឱ្យតម្លៃខ្លួនឯងឱ្យបានច្រើនជាងនេះ ព្រោះបើយើងមិនឱ្យតម្លៃខ្លួនឯងគ្មានអ្នកណាគេឱ្យតម្លៃយើងទេ។ ហើយក៏សំណូមពរដល់បងៗសម្អាងការក៏ដូចគ្នាទទួលគេរាប់ពាន់ដុល្លារ រាប់ម៉ឺនដុល្លារតែឱ្យភ្លេង ២០០ ទៅ ២០០ដុល្លារ អស់ហើយ»។

សុភ័ក្រ្តក៏បានលើកពីនូវជាក់ស្តែងមួយទៀតដែរថា បើម្ចាស់ដើមការខ្លះក៏អ៊ីចឹងដែរចំណាយផ្ការាប់ម៉ឺនដុល្លារមិនតថ្លៃទេ តែមកតថ្លៃភ្លេងខ្មែរញាក់សាច់។ មួយវង់មានគ្នា៦ ទៅ ៧នាក់ឱ្យគ្នា២០០ទៅ៣០០ដុល្លារ។ រីឯលោកគ្រូព្រះអាចារ្យក៏អ៊ីចឹងដែរគាត់ជាអ្នកមានចំណេះដឹងអ្នកដឹកនាំកម្មវិធីទាំងមូលឱ្យគាត់ ៥០ ដុល្លារធ្វើមិនធ្វើបើមិនធ្វើហៅគេទៀត។ ត្រង់ចំណុចនេះគេឃើញមានការបញ្ចេញមតិគាំទ្រចំពោះការលើកឡើងខាងលើ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម