កញ្ញា ភីមភីម បានតំណែងលំដាប់រងទី១​តំណាងកម្ពុជា ចេញទៅប្រកួត​ប្រទេសឥណ្ឌូនេស៊ី

ភ្នំពេញ៖ បវរកញ្ញាភេទី៣ ភីមភីម ដែលកន្លងមកទទួលបានតំណែងលំដាប់រងទី៤នៃកម្មវិធីប្រកួតសម្រស់​បវរកញ្ញាភេទទី៣(Miss Queen Cambodia 20 23)ពេលនេះ ត្រូវបានប្រកាសផ្ទេរឲ្យគ្រង​តំណែង​លំដាប់រងទី១វិញ បន្ទាប់ពីស្រីស្អាតដេវីណា ប្រកាសបោះបង់តំណែងលំដាប់រងទី១កាលពីថ្មីៗនេះ។

អ្វីដែលអ្នកគាំទ្រកាន់តែចាប់អារម្មណ៍ជាងនេះទៀត ស្របពេលដែលកញ្ញា ត្រូវបានប្រកាសឡើងមក កាន់តំណែងជាលំដាប់រងទី១ភ្លាមៗក៏ត្រូវបានស្ថាប័ន Miss Queen Cambodia 2023បានសម្រេច​ជ្រើសរើសនាងជាតំណាងកម្ពុជាសម្រាប់ការចេញទៅប្រកួតនៅលើឆាកអន្តរជាតិនាប្រទេសឥណ្ឌូនេស៊ីនៅពេលខាងមុខទៀតផង។

នៅលើផេក Miss Queen Cambodia 2023 បានប្រកាសផ្លូវការថា ស្ថាប័នMiss Queen Cam bodia មានមោទនភាពសូមប្រកាសថា បេក្ខនារីលំដាប់រងទី១ Miss Queen Cambodia 2023 កញ្ញា Phim Phim នឹងត្រូវជ្រើសរើសជាតំណាងផ្លូវការរបស់ប្រទេសកម្ពុជា សម្រាប់ការប្រកួត Miss Equal it y World 2023 ដែលនឹងប្រព្រឹត្តទៅនៅប្រទេសឥ ណ្ឌូនេស៊ីនាខែ សីហាឆ្នាំ 2023។

ដំណឹងនេះបានធ្វើឲ្យទស្សនិកជន និងអ្នកគាំទ្រមានការចាប់អារម្មណ៍គ្រប់គ្នា ខណ:មានខ្លះក៏បានសម្តែងការចូល​រួមអរអរដល់បវរកញ្ញាភេទី៣ ភីមភីម ដែលត្រៀមចេញទៅប្រកួតលើឆាកអន្តរជាតិនាពេលឆាប់ៗខាងមុខ៕

អត្ថបទ៖ ចាន់រ៉ា