ជីវិតកម្សាន្ដ

ហង្ស សុរិយាន់ ប៊ិះដួលផ្កាប់មុខពេលកំពុងថតកម្មវិធីមួយ

បានផុស

៣ years មុន

នៅ

ថ្ងៃសុក្រ ១៩ ឧសភា ២០២៣

ដោយ

បវរកញ្ញា ហង្ស សុរិយាន់ មុននេះ បានធ្វើឲ្យមហាជន និងអ្នកគាំទ្រ មានការចាប់អារម្មណ៍ ហើយភ្ញាក់ផ្អើលស្ទើរគ្រប់គ្នា បន្ទាប់ពីមានការចែករំលែករូបភាពដែលនាងចូលរួមលេងនៅក្នុងកម្មវិធីកម្សាន្តមួយ ភ្លាត់ជើងប៊ិះនឹងដួលផ្កាប់មុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែទោះជាយ៉ាងណា ស្រីស្អាត ហង្ស សុរិយាន់ មិនបណ្ដាលឲ្យមានគ្រោះថ្នាក់នោះទេ ព្រោះភ្លាមៗនោះដែរ បានគណៈកម្មការ និងពិធីករ ស្ទុះទៅជួយទាន់ពេល។ នៅលើផេកកម្មវិធីមួយ បានបង្ហោះថា «សុរិយាន់ ដួលភ្លាមៗ ពេលថតជាមួយបេក្ខជន រហូតដល់ ១៤ នាក់។ គ្រប់គ្នាហ៊ោផ្អើលស្ទូឌីយោ ពេលឃើញ កញ្ញា ហង្ស សុរិយាន់ កាច់ស្ទាយ៍ថតប្លែកមិនជាន់គ្នា សូម្បី ១ ស្ទាយ៍ ជាមួយបេក្ខជនរហូតដល់ ១៤ នាក់»។

ប្រភពបន្តថា «ស្រាប់តែភ្លាមៗនោះ សុរិយាន់ ប៊ិះដួលផ្កាប់មុខ ធ្វើឲ្យគណៈកម្មការ និងពិធីករ ស្ទុះរត់ទៅជួយសឹងមិនទាន់ ទោះមានបញ្ហាក៏ពិតមែន តែគ្រប់គ្នាបានផ្ដល់កម្លាំងចិត្តដល់ សុរិយាន់ និងអរគុណចំពោះការខិតខំប្រឹងប្រែង ដោយសារវិញ្ញាសាថតរូបនេះមានឧបសគ្គជាមួយដុំថ្មធំៗផង ប៉ះជាមួយមែកឈើរបស់បេក្ខជនផង ហើយត្រូវថតជាមួយបេក្ខជនរហូតដល់ទៅ ១៤ នាក់ ទើបធ្វើឲ្យ សុរិយាន់ មានបញ្ហា»។

សូមជម្រាបថា កញ្ញា ហង្ស សុរិយាន់ គឺជាអតីតបវរកញ្ញាលំដាប់រងទី ១ នៃការប្រកួត Miss Grand Cambodia 2022 ហើយនាងក៏ជាតារាម៉ូដែលអាជីព ដែលកាលពីថ្មីៗកន្លងទៅ ស្រីស្អាតរូបនេះ ទើប តែឆ្លងកាត់ការប្រឡងបវរកញ្ញា Miss Universe Cambodia ទទួលបានជ័យលាភី Top១០៕

អត្ថបទ ៖ ចាន់រ៉ា