ជីវិតកម្សាន្ដ

សុខ ស្រីនាង បញ្ជាក់ប្រាប់ពីសុខភាពក្រោយលទ្ធផលតេស្តលើកទី២អវិជ្ជមាន

បានផុស

៣ years មុន

នៅ

ថ្ងៃអង្គារ ២៣ មីនា ២០២១

ដោយ

ខណៈដែលតារាចម្រៀងនិងអ្នកដឹកនាំសម្តែងនៅទ្រនំផលិតកម្មហង្សមាសមួយចំនួនបានរកឃើញឆ្លងជំងឺកូវីដ-១៩ជាបន្តបន្ទាប់នោះ តារាចម្រៀងអ្នកនាង សុខ ស្រីនាង បានបញ្ជាក់ថាលទ្ធផលនៃការធ្វើតេស្តរបស់នាងគឺអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រី សុខ ស្រីនាង បានរៀបរាប់ថា ស្ថិតក្នុងស្ថានការណ៍មួយនេះនៃការឆ្លងពីជំងឺCovid-19សូម អោយពុកម៉ែបងប្អូនទាំងអស់គ្នា ថែសុខភាពនិងការពារឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល និងប្រមុខរាជរដ្ឋាភិបាល ៣កុំ និង៣ការពារ ។ នាងបានបញ្ជាក់ថា នាងបានធ្វើតេស្តលើកទី២ និងទទួលបានលទ្ធផលនៃការធ្វើតេស្ដរួចរាល់គឺ(អវិជ្ជមាន- Negative)ហើយនាងនៅតែការពារយ៉ាងខ្ជាប់ខ្ជួន និងតាមដានសុខភាពបន្តដូចគ្នា(រហូតមកដល់ពេលនេះសុខភាពនាងល្អធម្មតាទេ)។

អ្នកនាង សុខ ស្រីនាង បន្តថា នាងសូមអគុណចំពោះពុកម៉ែបងប្អូននិងអ្នកគាំទ្រដែលបានសួរសុខទុក្ខរហូតមកដល់ពេលនេះ ហើយក៏សូមអធ្យាស្រ័យសម្រាប់ការមិនបានឆ្លើយតបសារបានទាំងអស់ ។ តារាចម្រៀងស្រីរូបនេះ ក៏សូមជូនពរឲ្យបងប្អូនសិល្បៈករក៏ដូចជាបងប្អូនទាំងអស់គ្នាដែលកំពុងសម្រាកព្យាបាលសូមឲ្យឆាប់ជាសះស្បើយពីជំងឺដ៏កាចសាហាវមួយនេះ ហើយបានផ្តល់ជាកម្លាំងចិត្តពីចម្ងាយ៕

អត្ថបទ ៖ ចាន់រ៉ា