ព័ត៌មានអន្ដរជាតិ
ថៃ សិក្សាយកថ្នាំសម្លាប់ប៉ារ៉ាស៊ីតក្នុងខ្លួនសត្វ ទៅព្យាបាលអ្នកជំងឺ កូវីដ
មន្ទីរវិទ្យាសាស្ត្រវេជ្ជសាស្ត្រថៃ នឹងសិក្សាថាតើថ្នាំ Ivermectin ដែលត្រូវបានប្រើដើម្បីសម្លាប់ប៉ារ៉ាស៊ីតនៅក្នុងសត្វគោនិងសេះ អាចជួយបង្កើនប្រសិទ្ធភាពរបស់ថ្នាំ Favipiravia ក្នុងការព្យាបាលអ្នកជំងឺកូវីដបានដែរឬក៏អត់។
ការសិក្សានេះ នឹងត្រូវធ្វើឡើងក្រោមកិច្ចសហការយ៉ាងជិតស្និទ្ធ ជាមួយមន្ទីរពេទ្យ Siriraj និងមន្ទីរពេទ្យដទៃទៀត ដែលនឹងធ្វើតេស្តថ្នាំផ្សំលើអ្នកជំងឺឆ្លងវីរុស Sars-CoV-2។
មន្ទីរពេទ្យដែលចូលរួមក្នុងការសិក្សានេះបាននិយាយថា លទ្ធផលត្រូវបានគេរំពឹងថា នឹងទទួលបានក្នុងពេលឆាប់ៗ។
លោក Somsak Akkasilp ប្រធានមន្ទីរវិទ្យាសាស្ត្រវេជ្ជសាស្ត្រ បាននិយាយថា ថ្នាំ Ivermectin ត្រូវបានប្រើជាថ្នាំគន្លឹះដើម្បីប្រយុទ្ធប្រឆាំងនឹងជំងឺកូវីដ-១៩ នៅក្នុងបណ្តាប្រទេសអាមេរិកខាងត្បូង ពីព្រោះថ្នាំ Favipiravia ស្ទើរតែមិនត្រូវបានគេប្រើទាល់តែសោះ នៅកន្លែងទាំងនោះ។
ថៃ មិនបានហាមឃាត់ថ្នាំ Ivermectin ក្រោមការណែនាំអំពីការព្យាបាលរបស់ខ្លួនលើអ្នកជំងឺកូវីដ-១៩ទេ ប៉ុន្តែបានកត់សម្គាល់ថា ថ្នាំនេះគួរតែត្រូវប្រើ តាមការណែនាំរបស់វេជ្ជបណ្ឌិត។
វេជ្ជបណ្ឌិត Somsak បាននិយាយថា “យើងមិនណែនាំឲ្យប្រើវាជាថ្នាំសំខាន់ សម្រាប់អ្នកជំងឺ កូវីដ ទេ។ ឥណ្ឌា ឈប់ប្រើថ្នាំនេះទៅហើយ បន្ទាប់ពីរកឃើញថា វាមិនអាចបញ្ឈប់ជំងឺបាន។ ប៉ុន្តែការសិក្សារបស់យើងនឹងបង្ហាញថា តើវាអាចជួយបង្កើនប្រសិទ្ធភាពរបស់ថ្នាំ Favipiravia ប្រឆាំងនឹងជំងឺនេះដែរឬក៏អត់។ យើងរំពឹងថា នឹងឃើញលទ្ធផលក្នុងរយៈពេល ៤ ខែទៀត”។
អង្គការសុខភាពពិភពលោកបាននិយាយថា ខ្លួនមិនទាន់អនុម័តឲ្យប្រើថ្នាំ Ivermectin ជាថ្នាំសម្រាប់ព្យាបាលជំងឺកូវីដ-១៩ នោះទេ ដោយនិយាយថា ភស្តុតាងបច្ចុប្បន្នស្តីពីការប្រើប្រាស់ថ្នាំ Ivermectin គឺមិនសមហេតុផលឡើយ៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ខកចិត្ត! វ៉ាក់សាំងកូវីដរបស់អាល្លឺម៉ង់ បញ្ចប់ការធ្វើតេស្តចុងក្រោយ តែប្រសិទ្ធភាពមិនដល់ ៥០ភាគរយផង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)