ជប៉ុន បង្កើនការប្រុងប្រយ័ត្ន មុនកូរ៉េខាងជើង រៀបចំព្រឹត្តិការណ៍ដ៏ធំ

មន្ត្រីចារកម្មនៅក្នុងប្រទេសជប៉ុន កំពុងបង្កើនសកម្មភាពឃ្លាំមើលរបស់ពួកគេ មុនព្រឹត្តិការណ៍ដ៏ធំមួយ នៅក្នុងប្រទេសកូរ៉េខាងជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្ស​កម្មករដែល​កំពុង​កាន់​អំណាច នឹង​ប្រារព្ធ​ខួប​លើក​ទី ៧៧ របស់​ខ្លួន​នៅ​ថ្ងៃ​ចន្ទទី១០ខែតុលានេះ។

មានក្តីបារម្ភកាន់តែខ្លាំងឡើងថា ទីក្រុងព្យុងយ៉ាង អាចនឹងរៀបចំផែនការបង្កហេតុមួយទៀត បន្ទាប់ពីការបាញ់បង្ហោះកាំជ្រួចមីស៊ីលជាច្រើនគ្រាប់ ក្នុងរយៈពេលប៉ុន្មានថ្ងៃថ្មីៗនេះ។

មន្ត្រីនៅក្នុងប្រទេសជប៉ុន កំពុងប្រុងប្រយ័ត្ន ព្រមទាំងធ្វើការជាមួយសមភាគីរបស់ពួកគេនៅក្នុងប្រទេសកូរ៉េខាងត្បូង និងសហរដ្ឋអាមេរិក ដើម្បីតាមដានយ៉ាងជិតស្និទ្ធលើសកម្មភាពនៅកូរ៉េខាងជើង។

កន្លងមក ទី​ក្រុង​ព្យុងយ៉ាង ​បានធ្វើសកម្មភាពបង្កភាពតានតឹង អំឡុងការ​ប្រារព្ធ​ខួបរបស់គណបក្ស។ នោះរាប់បញ្ចូលទាំងការបាញ់មីស៊ីលផ្លោងក្នុងឆ្នាំ២០១៦ និងការសាកល្បងនុយក្លេអ៊ែរលើកដំបូងរបស់កូរ៉េខាងជើងក្នុងឆ្នាំ២០០៦ផងដែរ។

អ្វីដែលពិសេសជាងនេះទៅទៀត នាពេលថ្មីៗនេះ ទីក្រុងព្យុងយ៉ាង បានសម្តែងការខឹងសម្បានៅពេលនាវាផ្ទុកយន្តហោះអាមេរិក USS Ronald Reagan ត្រូវបានដាក់ពង្រាយឡើងវិញទៅកាន់សមុទ្រជប៉ុន៕

ប្រែសម្រួល៖ Vann Vann

ប្រភព៖ NHK

ចុចអាន៖ ជប៉ុន ប្រកាសចាប់ផ្តើមឡើងវិញ នូវសមយុទ្ធជម្លៀសប្រជាជន ករណីផ្ទុះមីស៊ីល