Connect with us

ព័ត៌មានអន្ដរជាតិ

ជប៉ុន ប្រកាសចាប់ផ្តើមឡើងវិញ នូវសមយុទ្ធជម្លៀសប្រជាជន ករណីផ្ទុះមីស៊ីល 

បានផុស

នៅ

ប្រទេសជប៉ុន នឹងចាប់ផ្តើមធ្វើសមយុទ្ធជម្លៀសប្រជាជនឡើងវិញ នៅចុងខែនេះ ដើម្បីត្រៀមខ្លួនសម្រាប់ការវាយប្រហារដោយមីស៊ីលផ្លោងដែលអាចកើតមាន បន្ទាប់ពីប្រទេសកូរ៉េខាងជើង បានបាញ់បង្ហោះមីស៊ីលជាបន្តបន្ទាប់ក្នុងឆ្នាំនេះ។

សមយុទ្ធនេះ នឹងធ្វើឡើងនៅក្នុងក្រុងចំនួន១០នៃខេត្តចំនួន៨ រួមទាំងហុកកៃដូ និងអូគីណាវ៉ាផងដែរ បន្ទាប់ពីផ្អាកចាប់តាំងពីខែមិថុនាឆ្នាំ២០១៨មក។

ប្រទេសជប៉ុន បានធ្វើសមយុទ្ធជម្លៀសក្នុងករណីមានការបាញ់មីស៊ីល នៅក្រុងចំនួន២៩ ចន្លោះឆ្នាំ ២០១៧ ដល់ ២០១៩ ប៉ុន្តែបានបញ្ឈប់វិញ ក្រោយទទួលស្គាល់អំពីការបន្ធូរបន្ថយភាពតានតឹង បន្ទាប់ពីកិច្ចប្រជុំកំពូលរវាងសហរដ្ឋអាមេរិក និងកូរ៉េខាងជើងនៅក្នុងខែមិថុនា ឆ្នាំ ២០១៨។

ប្រធានខុទ្ទកាល័យលោក Hirokazu Matsuno បានប្រាប់សន្និសីទសារព័ត៌មានមួយកាលពីខែមេសាឆ្នាំនេះថា “យើងនឹងពិចារណាឡើងវិញអំពីសមយុទ្ធជម្លៀស ដោយហេតុថា មីស៊ីលផ្លោងត្រូវបានបាញ់ចេញពីប្រទេសកូរ៉េខាងជើងញឹកញាប់ណាស់ក្នុងឆ្នាំនេះ”។

រដ្ឋាភិបាលកណ្តាលបានពិភាក្សាអំពីកាលវិភាគ និងព័ត៌មានលម្អិតផ្សេងទៀតជាមួយរដ្ឋាភិបាលក្នុងតំបន់។

ក្នុងខែនេះ សមយុទ្ធជម្លៀសនឹងធ្វើឡើងក្នុងទីក្រុង Uozu នៃខេត្ត Toyama នៅថ្ងៃទី ២២ ខែកញ្ញា និងក្នុងទីក្រុង Tonosho នៃខេត្ត Kagawa នៅថ្ងៃបន្ទាប់។

ក្នុងអំឡុងពេលសមយុទ្ធជម្លៀស ព័ត៌មានអំពីមីស៊ីល និងកន្លែងដែលគេព្យាករថា មីស៊ីលនឹងធ្លាក់ ត្រូវបានផ្ញើទៅពលរដ្ឋតាមរយៈប្រព័ន្ធព្រមាន J-Alert ទូទាំងប្រទេស និងបណ្តាញព័ត៌មានគ្រាអាសន្ន Em-Net៕

ប្រែសម្រួល៖ Vann Vann

ប្រភព៖ Japan Times

ចុចអាន៖ ជប៉ុន ចង់បានមីស៊ីល ដែលអាចបាញ់ដល់ ចិនដីគោក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម