ព័ត៌មានអន្ដរជាតិ
រដ្ឋាភិបាលតង់ហ្សានីបង្ខំជនជាតិដើមភាគតិចឱ្យផ្លាស់ទីលំនៅពីទឹកដីដូនតា
របាយការណ៍របស់អង្គការឃ្លាំមើលសិទ្ធិមនុស្ស (HRW) បានឲ្យដឹងថា ប្រទេសតង់ហ្សានីនៅតំបន់អាហ្វ្រិកខាងកើត បាននឹងកំពុងបណ្តេញជនជាតិដើមភាគតិចចេញពីទឹកដីដូនតារបស់ពួកគេ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី០១ខែសីហានេះ។
របាយការណ៍ដែលបានចេញផ្សាយកាលពីថ្ងៃពុធបានរកឃើញថា រដ្ឋាភិបាលតង់ហ្សានីមានគោលបំណងផ្លាស់ប្តូរទីលំនៅមនុស្សជាង ៨២,០០០នាក់ពីទីកន្លែងដែលរដ្ឋាភិបាលប្រទេសនេះចង់ទុកភិរក្សនិងទេសចរណ៍។ កម្មវិធីនេះបានចាប់ផ្តើមនៅឆ្នាំ ២០២២ មានគោលបំណងផ្លាស់ប្តូរប្រជាជនដែលរស់នៅក្នុងតំបន់អភិរក្ស Ngorongoro (NCA) ពីផ្ទះរបស់ជនជាតិ Maasai ជាច្រើនជំនាន់ទៅភូមិ Msomera ផ្សេងទៀត ដែលមានចម្ងាយប្រហែល៦០០គីឡូម៉ែត្រ។ចំពេលមានការជំរុញនេះ ភាពតានតឹងបានផ្ទុះឡើងរវាងអាជ្ញាធរ និងសហគមន៍ពនេចរ ដែលជួនកាលបណ្តាលឱ្យមានការប៉ះទង្គិចគ្នាយ៉ាងធ្ងន់ធ្ងរ។
HRW បានសាកសួរមនុស្សជិត១០០នាក់ រួមទាំងសមាជិកសហគមន៍ដែលបានផ្លាស់ទីលំនៅរួចហើយទៅភូមិ Msomera និងអ្នកផ្សេងទៀតដែលកំពុងប្រឈមនឹងការផ្លាស់ទីលំនៅនៅចន្លោះខែសីហា ឆ្នាំ២០២២និងខែធ្នូ ឆ្នាំ ២០២៣។ របាយការណ៍លទ្ធផលបានរកឃើញថា រដ្ឋាភិបាលមិនបានស្វែងរកការយល់ព្រមដោយស្ម័គ្រចិត្ត និងជូនដំណឹងដល់អ្នកស្រុកជនជាតិដើមភាគតិច Maasai ជាមុននៅក្នុងតំបន់នេះនោះទេ ទាក់ទងនឹងផែនការផ្លាស់ប្តូរទីលំនៅរបស់ខ្លួន។
ជាមួយគ្នានេះអ្នកស្រុកក៏បានពណ៌នាទៅកាន់ HRW អំពី «ការរំលោភសិទ្ធិរបស់ពួកគេលើដីធ្លី ការអប់រំ សុខភាព និងសំណង និងការវាយប្រហារលើអ្នករិះគន់ដំណើរការផ្លាស់ប្តូរទីលំនៅ»។
ពួកគេក៏អះអាងដែរថា អំពើហិង្សាត្រូវបានប្រើក្នុងអំឡុងពេលដំណើរការផ្លាស់ទីលំនៅដោយមន្ត្រីអនុរក្សវាយដំអ្នកស្រុក ខណៈអ្នកដែលនិយាយប្រឆាំងនឹងការផ្លាស់ទីលំនៅនេះប្រឈមមុខនឹងការគំរាមកំហែង និងការបំភិតបំភ័យពីមន្ត្រីអនុរក្ស និងកងកម្លាំងសន្តិសុខ។ ទាក់ទងនឹងបញ្ហានេះ HRW បានកត់ត្រាឧប្បត្តិហេតុចំនួន១៣នៃការវាយដំដោយមន្ត្រីអនុរក្សនៅចន្លោះខែកញ្ញា ឆ្នាំ២០២២ ដល់ខែកក្កដាឆ្នាំ២០២៣។
ក្រុមជនជាតិភាគតិច Maasai គឺជាដែលរស់នៅភាគខាងជើង កណ្តាល និងភាគខាងត្បូង ប្រទេសកេនយ៉ា និងភាគខាងជើងតង់ហ្សានី នៅជិតតំបន់អាហ្វ្រិក Great Lakes ៕
អត្ថបទ៖ ប៊ុន សុភាព
កម្ពុជាទទួលបានចំណូលជាង $២៤ លាន ពីការនាំចេញផ្លែមៀនប៉ៃលិន
F-16 របស់ថៃ ត្រូវកងទ័ពខ្មែរបាញ់ធ្លាក់មួយគ្រឿងហើយ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
កម្ពុជាថ្កោលទោសអំពើឈ្លានពានដោយទ័ពថៃ និងទទូចអន្តរជាតិថ្កោលទោសទង្វើខុសច្បាប់របស់ថៃលើកម្ពុជាបែបនេះ
ក្រសួងសុខាភិបាល ដាក់ឱ្យប្រើប្រាស់នីតិវិធីប្រតិបត្តិស្តង់ដាជាតិ សម្រាប់ប្រព័ន្ធកត់ត្រាជំងឺមហារីក បែបប្រជាសាស្ត្រ
ថៃ ប្រើលេសចំនួន២ ដើម្បីបញ្ជូនកម្លាំងបន្ថែមមកកាន់តំបន់រសើបនៅព្រំដែនជាប់កម្ពុជា
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
ដើម្បីតែមហិច្ឆតាចង់បានទឹកដីខ្មែរ កងទ័ពថៃហ៊ានឈ្លានពានបើកការបាញ់មុន មិនខ្វល់ទុក្ខលំបាកប្រជាជនខ្លួន
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង