Connect with us

សុខភាព

ផ្ទុះជំងឺអាថ៌កំបាំងនៅ តង់ហ្សានី សម្លាប់មនុស្ស ៣ នាក់ និងច្រើននាក់ទៀត កំពុងធ្លាក់ខ្លួនឈឺ

បានផុស

នៅ

ប្រធានផ្នែកវេជ្ជសាស្ត្ររបស់ប្រទេសតង់ហ្សានីបានប្រកាសកាលពីថ្ងៃពុធថា ជំងឺដ៏អាថ៌កំបាំងមួយដែលត្រូវបានសម្គាល់ដោយអាការគ្រុនក្តៅ ឈឺក្បាល អស់កម្លាំង និងហូរឈាមតាមច្រមុះបានឆក់យកជីវិតមនុស្ស ៣ នាក់ និងបណ្ដាលឲ្យមនុស្សចំនួន ១០ នាក់ទៀតធ្លាក់ខ្លួនឈឺនៅភាគអាគ្នេយ៍នៃប្រទេសតង់ហ្សានី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានផ្នែកវេជ្ជសាស្ត្ររបស់ប្រទេសតង់ហ្សានីលោក Aifello Sichalwe បានបញ្ជាក់ថា រោគសញ្ញាជំងឺដ៏អាថ៌កំបាំងនេះហាក់ដូចជាស្រដៀងទៅនឹងជំងឺគ្រុនឈាម ជំងឺ Ebola និងមេរោគ Marburg ប៉ុន្តែអ្នកជំងឺទាំងអស់បានធ្វើតេស្តអវិជ្ជមានសម្រាប់ជំងឺទាំងអស់នេះ ក៏ដូចជាជំងឺកូវីដ ១៩ ផងដែរ ។

លោក Sichalwe បានពន្យល់ថា ក្នុង​ចំណោម​ករណី​ជំងឺ​អាថ៌កំបាំង​ចំនួន ១៣ ដែល​ត្រូវ​បាន​គេ​ធ្វើ​រោគ​វិនិច្ឆ័យ​នៅ​តំបន់ Lindi ភាគ​អាគ្នេយ៍ប្រទេស មាន​មនុស្ស​តែ​ម្នាក់​គត់​បាន​ជា​សះស្បើយ ខណៈមនុស្ស ៣ នាក់បានស្លាប់ ហើយអ្នកជំងឺដែលនៅសល់ កំពុងដាក់ខ្លួននៅដាច់ដោយឡែក ។

ប្រធានាធិបតីលោកស្រី Samia Suluhu Hassan បាននិយាយកាលពីថ្ងៃអង្គារថា ជំងឺចម្លែកៗអាចបណ្តាលមកពីឥទ្ធិពលកាន់តែកើនឡើងរវាងមនុស្ស និងសត្វព្រៃ ដោយសារតែការរិចរិលបរិស្ថាន ។

ទោះជាយ៉ាងណា លោកស្រីប្រធានាធិបតី​មិន​បាន​បញ្ជាក់​លម្អិត​ថា​តើ​ប្រភេទ​សត្វ​ជាក់លាក់ណា​មួយ​ដែលបណ្ដាលឲ្យកើតមានជំងឺ​ ឬ​ផ្តល់​ភស្តុតាង​សម្រាប់​ការ​ត្រួតពិនិត្យ​ច្បាស់លាស់​នោះ​ទេ ៕

ប្រែសម្រួលដោយ ៖ ជីវ័ន្ត

ប្រភព ៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ២ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម