Connect with us

សុខភាព

វិបត្តិ​ផ្លូវ​ដង្ហើម​ទារក​!

បានផុស

នៅ

​ជា​រោគសញ្ញា​គ្រោះថ្នាក់​ចំពោះ​ទារក ដែល​ទាមទារ​ការសង្គ្រោះ​បន្ទាន់​ដោយ​ប្រសិទ្ធភាព និង​ត្រូវ​ស្រាវ​ជ្រាវ​រក​មូលហេតុ​ចម្បង ដើម្បី​ចៀសវាង​ការ​ផ្តល់​ផលវិបាក​ដល់​ខួរក្បាល ឬ​រហូត​ប៉ះពាល់​ដល់​អាយុជីវិត​ទារក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវ​ប្រវត្តិ​ម្តាយ ស្ថានភាព​ពេល​កំពុង​សម្រាល និង​ប្រវត្តិ​ទារក​ក្នុង​ផ្ទៃ​អាច​ឲ្យ​យើង​ដឹង​ពី​មូលហេតុ ដើម្បី​ឈាន​ទៅរក​ការព្យាបាល​ដោយ​ប្រសិទ្ធភាព និង​ទាន់ពេលវេលា​។​

​ក​) រោគវិនិច្ឆ័យ ​៖

​រោគវិនិច្ឆ័យ នៃ​វិបត្តិ​ផ្លូវ​ដង្ហើម​ទារក ស្ថិត​នៅ​លើ​ចំណុច​សំខាន់ៗ ជាច្រើន​ដូចជាៈ​

– ពណ៌​សម្បុរ​ស្វាយ​

– សង្វាក់​ដង្ហើម​ញាប់​ខ្លាំង​

– ចុងដង្ហើម និង​ចន្លោះ​ឆ្អឹងជំនី​ផត​ជ្រៅ​

– ទារក​ថ្ងូរ​

​ក្រៅពីនោះ ទារក​អាច​មាន​សញ្ញា​ផ្សេងទៀត​ដូចជាៈ​

– ទ្រូង​ប៉ោង​មួយ​ចំហៀង​

– ចង្វាក់ជីពចរ​ថយចុះ​

– សំពាធ​ឈាម​ទារក​ថយចុះ​

– រយៈពេល​ត្រឡប់​មកវិញ ​នៃ​ពណ៌​សម្បុរ​ធម្មតា​យូរ​លើស​ពី​៣​វិនាទី (Capillary refill time > 3s)

​ខ​) មូលហេតុ និង​ការ​ព្យាបាល ​៖

​មូលហេតុ​ចម្បង​ នៃ​វិបត្តិ​ផ្លូវ​ដង្ហើម​ទារក​មានៈ​

១. Transient tachypnea of the newborn: ជា​វិបត្តិ​ផ្លូវដង្ហើម​រយៈពេល​ខ្លី កើតឡើង​ដោយសារ​ការ​នៅ​សេសសល់​ទឹក​សួត ក្រោយពី​សម្រាល​រួច ដែល​ភាគច្រើន​សម្រាល​ដោយ​ការវះកាត់ ដោយ​គ្មាន​សញ្ញា​ឈឺពោះ​សម្រាល​។ ករណីនេះ​ជាទូទៅ​បើ​ធ្វើការ​ព្យាបាល​ទាន់ពេលវេលា និង​ត្រឹមត្រូវ​ វា​អាច​បាត់​ទៅវិញ​ក្នុង​រយៈពេល ២ ឬ ៣ ថ្ងៃ​។​

២. Hyaline membrane disease: ជំងឺ​ម៉ម​ប្រាន អ៊ី​យ៉ា​លីន ជា​ជំងឺ​សួត​ធ្ងន់ធ្ងរ​ដែល​ច្រើន​កើត​លើ​ទារក​មិន​គ្រប់​ខែ ដោយសារ​កង្វះ​សារធាតុ Surfactant ដែល​បណ្តាលអោយ​កូន​ថង់​សួត​ស្អិត​ខ្លាំង (alveolar)​។ ការព្យាបាល​តម្រូវ​ឲ្យ​ចាក់​ថ្នាំ Exogenous surfactant និង​ប្រើប្រាស់​ឧបករណ៍​ជំនួយ​ដង្ហើម​សិប្ប​និម្មិត​។​

៣. Meconium aspiration syndrome: ជា​ជំងឺ​ឈ្លក់​ទឹក​ព្រៃ​មិនល្អ ដែល​បណ្តាល​ឲ្យ​ខូច​សាច់​សួត​ធ្ងន់ធ្ងរ​។ ការព្យាបាល​ដោយ​បូម​យក​ទឹក​ព្រៃ​ពី​ក្នុង​ទងសួត និង​ប្រើប្រាស់​ឧបករណ៍​ជំនួយ​ដង្ហើម​សិប្បនិម្មិត​។​

៤. Neonatal infection: ជា​ជំងឺ​បង្កដោយ​មេរោគ ជាទូទៅ​មាន​បី​ប្រភេទ​ដូចជា Escherichia coli, Streptococcus B និង Listeria​។ ការព្យាបាល​ដោយ​ថ្នាំ​ផ្សះ (Antibiotic) ដើម្បី​សម្លាប់​មេរោគ និង​ប្រើ​ប្រាស់​ឧបករណ៍​ជំនួយ​ដង្ហើម​សិប្បនិម្មិត​ក្នុង​ករណី​ចាំបាច់​។​

៥. Persistent pulmonary hypertension: ជា​ជំងឺ​លើស​សម្ពាធ​ឈាម អាកទែ​ក្នុង​សួត ដែល​បណ្តាល​មកពី​មូលហេតុ​ផ្សេងៗ​ជាច្រើន​។ ក្នុង​ករណីនេះ​ យើង​ត្រូវ​ព្យាបាល​ភ្លាមៗ ដោយ​ប្រើ​ឧបករណ៍​ជំនួយ​ដង្ហើម ថ្នាំ Sidenafil ឬ​ឧស្ម័ន​ម៉ូ​ណូ​អុកស៊ីត​អាសូត NO។​

៦. Pneumothorax: ជា​ជំងឺ​ធ្លាយ​ស្រោម​សួត ដែល​អាច​បណ្តាល​ឲ្យ​ទារក​ស្លាប់​ភ្លាមៗ​។ ការ​ចោះ​ទ្រូង​ដើម្បី​បង្ហូរ​ខ្យល់​ចេញពី​ស្រោម​សួត និង​ឧបករណ៍​ជំនួយ​ដង្ហើម​ជា​មធ្យោបាយ​ព្យាបាល​តែមួយគត់​ដើម្បី​សង្គ្រោះ​ជីវិត​ទារក​។​

៧. Diaphragmatic hernia: ជា​ជំងឺ​ក្លន​លូន​ដោយ​សរីរាង្គ​របស់​ពោះ លូន​ចូលទៅក្នុង​ទ្រូង ហើយ​សង្កត់​ទៅ​លើ​សួត និង​បេះដូង​។ ជំងឺ​នេះ​ ទាមទារ​ឲ្យ​មាន​វត្តមាន​ចាំ​ចាច់​របស់​គ្រូពេទ្យ​ឯកទេស​ទារក ដើម្បី​ដាក់បញ្ចូល​ទុយយោ​ចូល​ក្នុង​បំពង់ខ្យល់ (Intubation) និង​ធ្វើការ​វះកាត់​ពេលដែល​ទារក​មាន​ស្ថាន​ភាព​នឹងន​។​

​ក្នុងករណី​សង្ស័យ​ថា ទារក​មាន​វិបត្តិ​ផ្លូវ​ដង្ហើម​បន្ទាប់ពី​សម្រាល​រួច មាតាបិតា ​ត្រូវ​ទាក់ទង​ទៅ​គ្រូ​ពេទ្យ​ជំនាញ​ឯកទេស​ទារក ដើម្បី​ព្យាបាល​ឲ្យ​បាន​ឆាប់រហ័ស និង​ប្រសិទ្ធភាព​។ ការសង្គ្រោះ​ទារក​បាន​ដោយ​ជោគជ័យ និង​គ្មាន​ផលវិបាក​ទៅ​អនាគត អាស្រ័យ​ដោយ​ការព្យាបាល​ដោយ​គ្រូពេទ្យ​ឯកទេស​ជំនាញ យ៉ាង​យកចិត្តទុកដាក់ និង​សម្ភារៈ​គ្រប់គ្រាន់​តាម​និយាម​សកល ដែល​មាននៅ​ផ្នែក​ប្រ​ពោ​ធន​កម្ម​ទារក នៃ​មន្ទីរពេទ្យ​កាល់ម៉ែត​៕

អត្ថបទ ៖ ​រស្មី​

Helistar Cambodia - Helicopter Charter Services
Sokimex Investment Group
សេដ្ឋកិច្ច២ នាទីutes មុន

រោងចក្រមីនេបៀទី២របស់ជប៉ុននៅខេត្តពោធិ៍សាត់ នឹងបើកសម្ពោធជាផ្លូវការ នៅខែធ្នូ ខាងមុខ

ព័ត៌មានជាតិ២០ នាទីutes មុន

មន្ត្រីជាន់ខ្ពស់៖ ការពង្រឹងសមត្ថភាពឌីជីថលដល់យុវជន និងក្មេងស្រី ជាឱកាសរៀបចំ ដឹកនាំ និងការរីកចម្រើនក្នុងយុគសម័យឌីជីថលប្រកបដោយបរិយាបន្ន

ព័ត៌មានជាតិ២៤ នាទីutes មុន

សម្តេចតេជោ ប្រាប់អ្នកវិនិយោគជប៉ុនថា ថៃកំពុងធ្វើសកម្មភាពតាមអំពើចិត្ត និងពង្រីកបញ្ហាព្រំដែនរាលដាលដល់វិស័យផ្សេងៗ

ព័ត៌មានអន្ដរជាតិ២៥ នាទីutes មុន

មេភូមិភាគ២ថៃកាន់តែព្រហើន ហ៊ានគំរាមបិទការចូលទស្សនាប្រាសាទតាមាន់ធំរបស់ខ្មែរ ៧ថ្ងៃ

ព័ត៌មានជាតិ២៦ នាទីutes មុន

សម្តេច ម៉ែន សំអន ៖ ការបណ្តុះបណ្តាលធនធានមនុស្សពិតជាអាទិភាពមួយដ៏សំខាន់ ក្នុងអាណត្តិទី ៧ នៃរាជរដ្ឋាភិបាល

ព័ត៌មានអន្ដរជាតិ៧ ម៉ោង មុន

រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស

ព័ត៌មានជាតិ១៨ ម៉ោង មុន

អាជ្ញាធរ​​ស្នើ​​អ្នក​បត់​ជើង​តូច​នៅ​​ជិតច្រកចេញ​មុខ​ប្រលាន​យន្តហោះ ចូល​ខ្លួន​សុំ​ទោស​ជា​សាធារណៈ

ព័ត៌មានអន្ដរជាតិ២១ ម៉ោង មុន

ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?

ព័ត៌មានជាតិ៣ ម៉ោង មុន

កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ

ព័ត៌មានអន្ដរជាតិ២២ ម៉ោង មុន

ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ

Sokha Hotels

ព័ត៌មានពេញនិយម