សុខភាព
ពេទ្យឯកទេសកុមារ ប្រាប់មូលហេតុដែលធ្វើឱ្យទារក ឬកុមារ ប្រកាច់
មានមូលហេតុច្រើន ដែលបណ្តាលឱ្យទារក និងកុមារ កើតមានបញ្ហាប្រកាច់ អាចមកពីការរបួសខួរក្បាល របួសនៅពេល កើត កើតមកខួរក្បាលតូចពេក ឬធំពេក ការពុល ដែលសំដៅដល់ការពុលចំណី ឬពុលដោយសារតែការប្រើប្រាស់ថ្នាំមួយ ចំនួន ឬកត្តាម្តាយ ដែលគាត់មានជំងឺអ្វីមួយអំឡុងពេលពពោះ ហើយក៏អាចទាក់ទងបញ្ហាតំណពូជផងដែរ។
នេះបើតាមលោកវេជ្ជបណ្ឌិត ង៉ែត ពិសេស នាយករងមន្ទីរពេទ្យកុមារអង្គរ តាមរយៈការចែករំលែកចំណេះដឹងសុខភាព នៅលើបណ្តាញទំនាក់ទំនងសង្គម។
បន្ថែមជុំវិញការលើកឡើងខាងលើ លោកវេជ្ជបណ្ឌិត បញ្ជាក់ថា ក្រៅពីមូលហេតុខាងលើ ក៏នៅមានកត្តាមួយចំនួនទៀត ដែលបណ្តាលទារក និងកុមារ កើតមានបញ្ហានៃជំងឺនេះផងដែរ។ លោកថា “អាចមកពីគ្រុនក្តៅ មានដុំក្នុងខួរក្បាល ឬអាចមកពីកត្តាម្តាយ ដែលគាត់មានជំងឺអ្វីមួយអំឡុងពេលពពោះ រួមនឹងអាចទាក់ទងបញ្ហាតំណពូជផងដែរ”។
ជាមួយគ្នានេះ លោកបានប្រាប់ពីរោគសញ្ញាមួយចំនួន ដែលអាចសង្កេតដឹងថា កុមារមានបប្រកាច់ ដូចជា៖
_ អ្នកជំងឺសម្លក់សម្លឹងដោយមិនដឹងខ្លួន (ភ្លឹក)
_ មានអាការៈញ័រ ប្រកាច់ ឬក៏កន្ត្រាក់អវៈយវៈ
_ មានសញ្ញានៃការរឹងដងខ្លួនទាំងមូល ឬបាត់បង់ស្មារតីតែម្តង
_ ថប់ដង្ហើម
_ អង្គុយងោកក្បាល
_ បត់ជើងធំ ឬតូច ដោយមិនដឹងខ្លួន និងសញ្ញាមួយទៀត អាចមានក្អួតផងដែរ។
ចំពោះវិធីសាស្ត្រដែលត្រូវធ្វើ នៅពេលដែលក្មេងមានអាការៈប្រកាច់កើតឡើង ជាជំហានដំបូង លោកវេជ្ជបណ្ឌិត ណែនាំ ឱ្យយកកុមារចេញពីកន្លែងដែលគ្រោះថ្នាក់សិន បើសិនជាគាត់នៅក្បែរអ្វីដែលអាចបង្កគ្រោះថ្នាក់។ បន្ទាប់មក ត្រូវដាក់គាត់ ឱ្យសម្រាកផ្អៀង និងមិនត្រូវព្យាយាមសង្កត់កុមារដែលកំពុងប្រកាច់ ឬដាក់របស់អ្វីចូលក្នុងមាត់របស់គាត់នោះឡើយ។
មួយវិញទៀត អាណាព្យាបាល និងគ្រួសារ ត្រូវតាមដានអាការៈរបស់កូន ដោយសង្កេតមើលថា តើគាត់ប្រកាច់ប៉ុន្មានដង ក្នុងរយៈពេលប៉ុន្មាន ដើម្បីងាយស្រួលពិគ្រោះនឹងគ្រូពេទ្យជំនាញ។ ក្នុងករណីដែលក្មេងមានអាការៈប្រកាច់ លើសពី ៣-៥នាទី/១ដង គឺត្រូវបញ្ជូនកុមារទៅពេទ្យ តែការបញ្ជូនដ៏ល្អបំផុត គឺឡានពេទ្យ។
ជំងឹនេះ អាចបង្ការបាន ប៉ុន្តែសម្រាប់តែករណីលើកលែងមួយចំនួនប៉ុណ្ណោះ ដូចជាបង្ការក្មេងពីអាការៈគ្រុនក្តៅខ្លាំង ឬការបាត់បង់តុល្យភាពនៅក្នុងខ្លួន និងត្រូវស្វែងរកជំនួយពីគ្រូពេទ្យ។
ពេទ្យឯកទេសកុមាររូបនេះ ណែនាំដល់អាណាព្យាបាលទាំងអស់ ត្រូវឧស្សាហ៍តាមដានពីភាពមិនប្រក្រតីរបស់ទារក ឬកុមារ ជៀសវាងបណ្តាលក្មេងឱ្យមានបញ្ហាធ្ងន់ធ្ងរ។ ពិសេស ត្រូវគ្រប់គ្រងលើការផ្តល់អាហាររូបត្ថម្ភដល់ក្មេង ឱ្យមានតុល្យភាពល្អ៕
អត្ថបទ៖ សុធាវី
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)