តាមប្រភពដដែល ជនត្រូវចោទទាំងអស់ត្រូវបាន ចោទប្រកាន់ពីបទ រៀបចំ ឬដឹកនាំមជ្ឈមណ្ឌលល្បែងតាមប្រព័ន្ធបច្ចេកវិទ្យា ប្រព្រឹត្តនៅចំណុចបន្ទប់លេខ ៣២០៥ ជាន់ទី៣២ អគារបាវលី (BAOLI INTER CITY) ភូមិ៣ សង្កាត់វាលវង់ ខណ្ឌ៧មករា រាជធានីភ្នំពេញ កាលពីអំឡុងខែមេសា ឆ្នាំ២០២៦ រហូតដល់ថ្ងៃទី២៤ ខែមេសា ឆ្នាំ២០២៦ បទល្មើសព្រហ្មទណ្ឌដែលមានចែងឱ្យផ្ដន្ទាទោសតាមបញ្ញត្តិមាត្រា ៦ កថាខណ្ឌទី១ នៃច្បាប់ស្តីពីការប្រឆាំងការល្បែងតាមប្រព័ន្ធបច្ចេកវិទ្យា។

យោងតាមដីកាចំនួន ២២ ផ្សេងគ្នារបស់ចៅក្រមស៊ើបសួរសាលាដំបូងរាជធានីភ្នំពេញបានឱ្យភ្នាក់ងារមានសមត្ថកិច្ច នៃកម្លាំងសាធារណៈ ធ្វើការនាំខ្លួនជនត្រូវចោទទាំង ២២នាក់ ទៅកាន់មណ្ឌលឃុំខ្លួនតាមការកំណត់របស់តុលាការ ពោល គឺជនត្រូវចោទចំនួន ២១នាក់ (ប្រុស) បញ្ជូនទៅឃុំខ្លួនបណ្តោះអាសន្ននៅ ពន្ធនាគាររាជធានីភ្នំពេញ (PJ) និងជនត្រូវចោទចំនួន ១នាក់ (ស្រី)ត្រូវបានបញ្ជូនទៅឃុំខ្លួននៅ មណ្ឌលអប់រំកែប្រែទី២ (ម២)។

សូមរម្លឹកថា ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ត្រូវបានអនុម័តកាលពីថ្ងៃទី៦ ខែមេសា និងបានកំពុងអនុវត្តន៍ចាប់តាំងពីថ្ងៃទី៧ខែមេសា ឆ្នាំ២០២៦មក។ ជាមួយច្បាប់នេះ បទល្មើស ព្រហ្មទណ្ឌថ្មី ចំនួន៥ ត្រូវបាន បង្កើតឡើង ដើម្បីធានាដល់ប្រសិទ្ធភាពក្នុងការ អនុវត្ត គឺរួមមានៈ ១- បទឆបោកតាមប្រព័ន្ធបច្ចេកវិទ្យា ២- បទរៀបចំ ឬដឹកនាំមជ្ឈមណ្ឌល ឆបោកតាមប្រព័ន្ធបច្ចេកវិទ្យា ៣- បទជ្រើសរើស ឬបណ្តុះបណ្តាល អ្នកដទៃឱ្យចូលរួមប្រព្រឹត្តអំពើឆបោកតាម ប្រព័ន្ធបច្ចេកវិទ្យា ៤- បទប្រមូលក្នុងចេតនាទុច្ចរិតនូវឯកសារសម្គាល់អត្តសញ្ញាណ ឬឯកសារ ព័ត៌មានផ្ទាល់ខ្លួននានារបស់អ្នកដទៃ និង៥- ការ បង្កើត ទម្រង់ពិសេសនៃបទល្មើសសម្អាតប្រាក់។ បទល្មើសទាំងនេះបានកំណត់ដាក់ទោស ជនល្មើស ត្រូវប្រឈមនឹងការ ជាប់ ពន្ធនាគារ ខ្ពស់ បំផុតរហូត ដល់ ១ ជីវិត និង ពិន័យជាប្រាក់ ដល់ ទៅ ១ ០០០លានរៀលថែមទាំងការរឹបអូសទ្រព្យសម្បត្តិរបស់ជនល្មើសផងដែរ៕

The post សាលាដំបូងរាជធានីភ្នំពេញ ឃុំខ្លួនជនបរទេស ២២នាក់បណ្តោះអាសន្ន ពាក់ព័ន្ធករណី Online Scam appeared first on Kampuchea Thmey Daily.

​សកម្មភាព​នៃ​កូន​ផ្សោត​ជំទង់​មួយ​ក្បាល​ដែល​កំពុង​ហែល​ក្រឡឹង​ឪពុក​ម្ដាយ​ដោយ​ភាព​សប្បាយ​រីករាយ​ រួម​ជាមួយ​ការ​យក​ចំពុះ​មក​ប៉ះគ្នា​ថ្នមៗ​បង្ហាញ​ក្ដី​ស្រឡាញ់​ និង​ភាព​ស្និត​ស្នាល​បាន​ទាក់ទាញ​បេះ​ដូង​អ្នក​ទស្សនា​វីដេអូ​នេះ​ជា​ច្រើន​នាក់​ជាមួយ​នឹង​ការ​ផ្ដល់​ជា​យោបល់​ល្អ​ចំពោះ​ការ​អភិរក្ស​នៅ​កម្ពុជា​។

រដ្ឋមន្ត្រី​ក្រសួង​កសិកម្ម​លោក​ ឌិត ទីណា បាន​បង្ហោះ​លើ​ហ្វេសបុក​របស់​លោក​ថា៖ «ទិដ្ឋភាព​នេះ​សបញ្ជាក់​ឱ្យឃើញ​ពី​ចំណង​ដ៏ស្អិតរមួត និងការរស់នៅ​ដោយ​សុខសាន្ត​របស់​ពួកវា​នៅក្នុង​តំបន់​អភិរក្ស​ដែល​ត្រូវ​បាន​ការពារ​យ៉ាង​ដិតដល់»។

លោក​បាន​បន្ថែម​ថា​ អគ្គនាយកដ្ឋានជលផលនៃក្រសួងកសិកម្ម សហការជាមួយអង្គការអភិរក្សសមុទ្រកម្ពុជា (MCC) និងរដ្ឋបាល​ថ្នាក់ក្រោមជាតិ បានទម្លាក់ប្រអប់ថ្ម នៅតាមបណ្ដាតំបន់អភិរក្សនានា ដើម្បីបង្កើតជម្រក​សិប្បនិម្មិត​សម្រាប់ជីវៈចម្រុះនៅដែនសមុទ្ររបស់យើង។

ចាប់តាំងពីការចាប់ផ្ដើមនៅឆ្នាំ២០២៣មក ការបង្កើតជម្រកសិប្បនិម្មិត បានជួយឱ្យធនធានជីវៈចម្រុះនៅតំបន់ទាំងនេះកើនឡើង និងជួយលើកស្ទួយនិរន្តរភាពនៃផលជលផលរបស់ប្រជានេសាទក្នុងតំបន់ផងដែរ៕

អត្ថបទដោយ ហ៊ុន ​សិរីវឌ្ឍន៍

​

The post រូបភាព​ដ៏​កម្រ​នៃ​សត្វ​ផ្សោត​ឃ្លាច​នៅ​ខេត្ត​កំពត​កំពុង​ទាក់ទាញ​ការ​ចាប់​អារម្មណ៍​ពី​អ្នក​ប្រើប្រាស់​បណ្ដាញ​សង្គម​ appeared first on Kampuchea Thmey Daily.

រម្លឹក​ទៅ​កាន់​ទិវា​អ្នក​ម្ដាយ ឬ​ Mother’s Day គឺ​ជា​ពិធី​បុណ្យ​មួយ​ដែល​ត្រូវ​ប្រារព្ធ​ឡើង​ដើម្បី​ផ្ដល់​កិត្តិយស​ និង​បង្ហាញ​ពី​ភាព​កតញ្ញូ​ចំពោះ​អ្នក​ម្ដាយ​គ្រប់​រូប​ដែល​បាន​លះបង់​ និង​ក្ដី​ស្រឡាញ់​ឥតលក្ខខ័ណ្ឌ​ចំពោះ​កូនៗ​របស់​ខ្លួន។ ទិវា​នេះ​មាន​ដើម​កំណើត​នៅ​សហរដ្ឋ​អាមេរិក​តាំង​ពី​ឆ្នាំ​១៩០៨ ដោយ​កំណត់​យក​ថ្ងៃ​អាទិត្យ សប្ដាហ៍​ទី២ នៃ​ខែ​ឧសភា​ជា​រៀងរាល់​ឆ្នាំ។ វា​ជា​ការ​ខិត​ខំ​ប្រឹង​ប្រែង​របស់​អ្នក​ស្រី Anna Jarvis ដែល​ចង់​ឱ្យ​មាន​ថ្ងៃ​មួយ​សម្រាប់​បង្ហាញ​សេចក្ដី​ស្រឡាញ់​ដល់​ម្ដាយ​គ្រប់​រូប។

មាន​សកម្មភាព​មួយ​ចំនួន​ដែល​គេ​និយម​ធ្វើ​នា​ថ្ងៃ​នេះ​គឺ​ការ​ជូន​បាច់​ផ្កា ជូន​កាដូ ការ​សរសេរ​កាត​ជូនពរ និង​ការ​នាំ​ម្ដាយ​ទៅ​ញាំ​អាហារ​ជុំ​គ្នា​ ឬ​ធ្វើ​ម្ហូប​ឱ្យ​ម្ដាយ​ពិសា​នៅ​ផ្ទះ​។

ថ្វីត្បិត​តែ​ទិវា​នេះ​ជា​ទំនៀមទម្លាប់​របស់​បរទេស​ក្ដី ក៏​វា​ត្រូវ​បាន​ទទួល​ស្គាល់​និង​គាំទ្រ​ជា​ខ្លាំង​ទូទាំង​ពិភព​លោក​ វា​ក៏​មាន​ទំនៀមទម្លាប់​ល្អ​មួយ​ដែល​ស្រដៀង​នឹង​កម្ពុជា​ផង​ដែរ​ដែល​កូនៗ​តែង​តែង​បង្ហាញ​ការ​គោរព​ដឹង​គុណ​ចំពោះ​មាតា​បិតា​របស់​ខ្លួន​ចំពោះ​សេចក្ដី​លះ​បង់​របស់​លោក​ទាំង​ពីរ​សម្រាប់​កូន​ៗ​៕

អត្ថបទ​ដោយ ហ៊ុន សិរីវឌ្ឍន៍ ​​​​

The post ​សម្ដេច​ធិបតី៖ អ្នកម្ដាយ ជា​ព្រះរស់ និងជាអ្វីគ្រប់យ៉ាងសម្រាប់កូន appeared first on Kampuchea Thmey Daily.

ប្រតិបត្តិការនេះ បានធ្វើឡើងកាលពីរសៀលថ្ងៃទី៩ ខែឧសភា ឆ្នាំ២០២៦ តាមបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងក្រោមការបញ្ជាដឹកនាំរបស់លោក ម៉ោង ស៊ីណេត អភិបាល ខេត្តព្រះសីហនុ ក្រោមការសម្របសម្រួលនីតិវិធីពីតំណាងអយ្យការអមសាលាដំបូងខេត្ត។ ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ បានដឹកនាំកម្លាំងជំនាញ សហការជាមួយកម្លាំងកងរាជអាវុធហត្ថខេត្ត បានចុះប្រតិបត្តិការបង្ក្រាបទីតាំងអគារកាស៊ីណូ ជីន យូ មេន តាំង (JIN YU MEN TANG CASINO) មានទីតាំងស្ថិតនៅក្រុមទី១៧ ភូមិ៤ សង្កាត់លេខ៤ ក្រុង-ខេត្តព្រះសីហនុ។

ស្នងការដ្ឋាននគរបាលខេត្តព្រះសីហនុ បានបញ្ជាក់ឱ្យដឹងថា ក្នុងរង្វង់ប្រតិបត្តិការខាងលើនេះ ពេលកម្លាំងជំនាញ ចុះទៅដល់ទីតាំងខាងលើ ភ្លាមៗនោះ ជនបរទេសទាំងនោះ បានព្យាយាមរត់គេចខ្លួនចេញពីអគារទីតាំងកាស៊ីណូ ប៉ុន្តែត្រូវបានកម្លាំងជំនាញគ្រប់គ្រងសភាពការណ៍បានដោយសុវត្ថិភាព និងបានធ្វើការហ៊ុព័ទ្ធទីតាំងអគារកាស៊ីណូ និងធ្វើការក្រសោបបានជនបរទេសជាច្រើនរយនាក់ រួមនឹងសម្ភារមួយចំនួនទៀត។

តាមការបញ្ជាក់ពីសមត្ថកិច្ច បច្ចុប្បន្ន កម្លាំងជំនាញកំពុងបន្តនីតិវិធីបញ្ជូនជនបរទេសប្រមាណចំនួន៤០០នាក់ ប្រគល់ជូន អគ្គនាយកដ្ឋានអន្តោប្រវេសន៍ ដើម្បីនីតិវិធីបន្ត។ ដោយឡែក ជនបរទេសជាច្រើនរយនាក់ទៀតកំពុងឃាត់ខ្លួនជាបណ្តោះអាសន្ននៅក្នុងអគារកាស៊ីណូ ជីន យូ មេន តាំង ដើម្បីនីតិវិធីបន្តបន្ថែមទៀត៕

The post សមត្ថកិច្ចបង្ក្រាបទីតាំងលបលួចប្រព្រឹត្ត Online Scam មួយកន្លែងក្នុងក្រុងព្រះសីហនុ ដោយឃាត់ខ្លួនជនបរទេសជាច្រើនរយនាក់ appeared first on Kampuchea Thmey Daily.

នាឱកាសនេះ លោកបានអបអរសាទរនិងស្វាគមន៍យ៉ាងកក់ក្តៅចំពោះក្មួយៗជាសមាជិកថ្មី និងជាទំពាំងថ្មីរបស់បក្ស ដែលបានសម្រេចចិត្តយ៉ាងត្រឹមត្រូវចូលរួមកសាងជីវភាពជាមួយនឹងគណបក្សប្រជាជនកម្ពុជាចាប់ពីពេលនេះតទៅ។ ការណ៍នេះជាការឆ្លុះបញ្ចាំងនិងមើលឃើញនូវសច្ចធម៌ជាប្រវត្តិសាស្ត្ររបស់គណបក្ស តាមរយៈការបំពេញកិច្ចការប្រកបដោយស្មារតីបុរេសកម្ម ការគោរពនិងប្រកាន់ខ្ជាប់តួនាទី គោលការណ៍ និងលក្ខនិ្តកៈបក្សពីសំណាក់គណៈកម្មាធិការ និងសមាជិកគណបក្សគ្រប់លំដាប់ថ្នាក់ ជាពិសេសការរួមសុខរួមទុក្ខ ការពង្រឹងការងារមូលដ្ឋាន ការផ្សព្វផ្សាយ និងពន្យល់ដល់ប្រជាពលរដ្ឋពីសច្ចភាព ប្រវត្តិស្នាដៃ កម្មវិធីគោលនយោបាយ ក៏ដូចជាអត្តចរិតដ៏គួរឱ្យគោរពស្រឡាញ់របស់ថ្នាក់ដឹកនាំគណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធានដ៏ខ្ពង់ខ្ពស់។

ជាមួយនឹងការរំលឹកពីប្រវត្តិរបស់គណបក្ស លោក ហេង សួរ បានគូសបញ្ជាក់ថា គណបក្សប្រជាជនកម្ពុជាប្រៀបដូចជា «សសរថ្មមួយដែលមានឆ្អឹងដែកនៅខាងក្នុងដ៏រឹងមាំដែលមិនងាយនឹងដួលរលំ» ដែលជាបក្សមានប្រវត្តិដឹកនាំ កំពុងកាន់អំណាច និងបន្តកាន់អំណាច, មានរចនាសម្ព័ន្ធនិងចក្ខុវិស័យច្បាស់លាស់, សាមគ្គីភាពផ្ទៃក្នុងដ៏រឹងមាំ, ថ្នាក់ដឹកនាំគ្រប់លំដាប់ថ្នាក់ពោរពេញដោយសមត្ថភាព និងមានការគោរពស្រឡាញ់ទាំងក្នុងនិងក្រៅប្រទេស រហូតដល់មានការជឿជាក់ថា មានតែគណបក្សប្រជាជនកម្ពុជាដឹកនាំប្រទេសទើបអាចរក្សាបាននូវ «សន្តិភាពនិងការអភិវឌ្ឍឥតឈប់ឈរ»។ ឯកឧត្តមបន្តថា គណបក្សប្រជាជនកម្ពុជាបានតស៊ូផ្ដួលរំលំរបបប្រល័យពូជសាសន៍ខ្មែរក្រហម និងសង្គ្រោះជាតិឡើងវិញ ការពារជាតិ និងស្តារកសាងប្រទេស ការពារឯករាជ្យអធិបតេយ្យ និងបូរណភាពទឹកដី កសាងនិងថែរក្សាសន្តិភាព និងអភិវឌ្ឍសេដ្ឋកិច្ច-សង្គមដែលធ្វើឱ្យកម្ពុជារុងរឿងក្នុងប្រវតិ្តសាស្ត្រ។

ទន្ទឹមនេះ លោកបានថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំ មន្រ្តីបក្សគ្រប់លំដាប់ថ្នាក់និងក្រុមការងារគណបក្សចុះមូលដ្ឋានស្រុកកំពង់សៀម ដែលបានបំពេញការងាររហូតសម្រេចបាននូវសមិទ្ធផលជាច្រើន ជាពិសេសការកសាងសមាជិកថ្មីជាបន្តបន្ទាប់ ដែលធ្វើឱ្យចំនួនសមាជិកបក្សកើនឡើងជាលំដាប់ តាមរយៈការអនុវត្តអភិក្រម «រក្សាចាស់បង្កើនថ្មី» ដូចដែល សម្តេចតេជោ និង សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជាបានរំលឹកជារឿយៗ។ ឯកឧត្តមបានរំលេចប្រាប់សមាជិកថ្មីពីប្រវត្តិស្នាដៃ ស្លាកសញ្ញាបក្ស សមិទ្ធផលដ៏ថ្លៃថ្លា រចនាសម្ព័ន្ធ កម្មវិធីនយោបាយ និងសាមគ្គីភាពឯកភាពផ្ទៃក្នុងទាំងលក្ខន្តិកៈ ទស្សនៈគោលជំហរគណបក្ស និងទាំងបទបញ្ជាផ្ទៃក្នុងគណបក្សដែលមានបំណងប្រមូលកម្លាំងជាតិកម្ពុជា ដែលមានឧត្តមគតិស្នេហាជាតិ មាតុភូមិ ស្រឡាញ់លទ្ធិប្រជាធិបតេយ្យនិងសន្តិភាពដោយមិនប្រកាន់ឋានៈ ជីវភាព ជនជាតិ ជំនឿសាសនា អតីតកាល ដើម្បីរួមកម្លាំងគ្នាការពារ សមិទ្ធផលសង្គមជាតិ និងកសាងកម្ពុជាមួយប្រកបដោយឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម។

លោក ហេង សួរ ក៏បានស្នើឱ្យសមាជិកបក្សទាំងអស់ត្រូវយល់ដឹងឱ្យច្បាស់ពីចក្ខុវិស័យដ៏វែងឆ្ងាយរបស់គណបក្សដូចមានចែងក្នុងបាវចនា ឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម ដែលពាក្យនីមួយៗឆ្លុះបញ្ចាំងពីស្នូលសម្រាប់ដឹកនាំប្រទេសឈានឆ្ពោះទៅរកការរីកចម្រើនលើគ្រប់វិស័យ ដែលធ្វើឱ្យប្រជាជនកាន់តែមានទំនុកចិត្តរហូតទទួលជោគជ័យរាល់ការបោះឆ្នោតគ្រប់អាណត្តិ។ លោកបានផ្តែផ្តាំដល់ក្មួយៗឱ្យគោរពតាមការប្តេជ្ញាចិត្ត លក្ខន្តិកៈនិងបទបញ្ជាផ្ទៃក្នុងបក្ស រួមសាមគ្គីគ្នាជាធ្លុងមួយ និងប្រកាន់ខ្ជាប់នូវអត្តចរិតនិងសីលធម៌ល្អ។

ជាមួយនឹងការប្តេជ្ញាចិត្តអនុវត្តតាមលក្ខន្តិកៈនិងបទបញ្ជាផ្ទៃក្នុងគណបក្ស សមាជិកគណបក្សថ្មីបានលើកឡើងថា មានតែគណបក្សប្រជាជនកម្ពុជាតែមួយគត់ដែលប្រជាពលរដ្ឋគាំទ្រដ៏ច្រើនលើសលប់ មានគោលនយោបាយល្អច្បាស់លាស់ បានរំដោះជាតិនិងប្រជាពលរដ្ឋឱ្យរួចផុតពីរបបប្រល័យពូជសាសន៍ប៉ុលពត ដោយនាំមកនូវសិទ្ធិ សេរីភាព សេចក្តីថ្លៃថ្នូរ សន្តិភាព និងការអភិវឌ្ឍជាបន្តបន្ទាប់។ ហេតុនេះ ទើបពួកគាត់បានសម្រេចដោយស្មោះស្ម័គ្រចូលជាសមាជិកគណបក្សដើម្បីរួមជាកម្លាំងបន្តការអភិវឌ្ឍប្រទេសជាតិ៕

The post លោក ហេង សួរ ប្រកាសបញ្ចូលសមាជិកគណបក្សប្រជាជនកម្ពុជា ថ្មីជាង១,៥០០នាក់ នៃឃុំចំនួន ៥ ក្នុងស្រុកកំពង់សៀម appeared first on Kampuchea Thmey Daily.

សេចក្តី​រាយការណ៍ បន្តថា យោងតាមមន្ត្រីអេស្ប៉ាញ អ្នកដំណើរទាំងនោះ ដែលគ្មានអ្នកណាម្នាក់បង្ហាញសញ្ញានៃការឆ្លង​មេរោគដូច​ដែល​ការ​ភ័យ​ខ្លាចនោះទេ​ នឹងត្រូវបានធ្វើតេស្តដោយអាជ្ញាធរសុខាភិបាលអេស្ប៉ាញ ដើម្បីធានាថា ពួកគេនៅតែគ្មានរោគសញ្ញាគួរឲ្យសង្ស័យ ហើយបន្ទាប់មកត្រូវបានដឹកជញ្ជូនទៅចុះចតនៅក្នុងទូកតូចៗ។

បន្ទាប់មក ឡានក្រុងដែលត្រូវបានបិទជិតនឹងដឹកអ្នកដំណើរទៅកាន់អាកាសយានដ្ឋានសំខាន់របស់កោះអេស្ប៉ាញដែលមានចម្ងាយប្រហែល១០នាទី ជាកន្លែងដែលពួកគេនឹងឡើងយន្តហោះឆ្ពោះទៅប្រទេសរៀងៗខ្លួន។

ទីភ្នាក់ងារសុខភាពសាធារណៈរបស់អឺរ៉ុប បាននិយាយនៅថ្ងៃទី ៩ ខែឧសភាថា អ្នកដំណើរទាំងអស់នៅលើនាវាទេសចរណ៍ប្រណីត MV Hondius ត្រូវបានចាត់ទុកថាជាអ្នកដែលមានទំនាក់ទំនងដែលមានហានិភ័យខ្ពស់ជាវិធានការបង្ការ។

យោងតាមអាជ្ញាធរអេស្ប៉ាញ ការជម្លៀសត្រូវបានគេរំពឹងថានឹងចាប់ផ្តើមរវាងម៉ោង ៧៖៣០ ព្រឹក និង ៨៖៣០ព្រឹក ម៉ោងក្នុងស្រុក។

មន្ត្រីរដ្ឋាភិបាល បាននិយាយនៅថ្ងៃទី ១០ ខែឧសភា ថា ជនជាតិអេស្ប៉ាញត្រូវបានកំណត់ឱ្យចុះពីនាវាមុនគេ ដោយមានជនជាតិដទៃទៀតជាក្រុមៗ ត្រូវ​បាន​ឲ្យចុះ​ជាបន្តបន្ទាប់។ សមាជិកនាវិកចំនួន ៣០ នាក់នឹងនៅលើនាវា ហើយធ្វើដំណើរទៅកាន់ប្រទេសហូឡង់ ជាកន្លែងដែលនាវានឹងត្រូវបានសម្លាប់មេរោគ។

នាវានេះបានចាកចេញទៅកាន់ប្រទេសអេស្ប៉ាញនៅថ្ងៃទី ៦ ខែឧសភា ពីឆ្នេរសមុទ្រ Cape Verde បន្ទាប់ពីអង្គការសុខភាពពិភពលោក (WHO) និងសហភាពអឺរ៉ុបបានស្នើសុំឱ្យប្រទេសនេះគ្រប់គ្រងការជម្លៀសអ្នកដំណើរបន្ទាប់ពីការផ្ទុះឡើងនៃមេរោគ Hantavirus ត្រូវបានរកឃើញ។

លោក Tedros Adhanom Ghebreyesus អគ្គនាយកអង្គការសុខភាពពិភពលោក បានមកដល់នៅល្ងាចថ្ងៃទី ៩ ខែឧសភា នៅទីក្រុង Tenerife ក្នុងកោះ Canary រួមជាមួយរដ្ឋមន្ត្រីក្រសួងមហាផ្ទៃ និងក្រសួងសុខាភិបាលអេស្ប៉ាញ និងរដ្ឋមន្ត្រីក្រសួងគោលនយោបាយដែនដី ដើម្បីសម្របសម្រួលការមកដល់នៃនាវា។

អង្គការសុខភាពពិភពលោកបាននិយាយនៅថ្ងៃទី ៨ ខែឧសភាថា មនុស្សប្រាំបីនាក់បានធ្លាក់ខ្លួនឈឺ រួមទាំងបីនាក់បានស្លាប់ – ប្តីប្រពន្ធជនជាតិហូឡង់ម្នាក់ និងជនជាតិអាល្លឺម៉ង់ម្នាក់។ ក្នុងចំណោមមនុស្សទាំងនេះ ៦ នាក់ត្រូវបានបញ្ជាក់ថាបានឆ្លងមេរោគនេះ ដោយមានករណីសង្ស័យពីរករណីទៀត នេះបើយោងតាមការលើកឡើងរបស់អង្គការសុខភាពពិភពលោក (WHO)៕​

ប្រែសម្រួល​​ ដោយ រើយ​

The post ​ជម្លៀស​ទេសចរ​ចេញអស់​ សល់​តែ​​ក្រុម​នាវិក​ពី​កប៉ាល់ប្រណីត​ទេសចរណ៍ MV Hondius ដែល​ផ្ទុះ​ជំងឺ Hantavirus​ appeared first on Kampuchea Thmey Daily.

ក្នុងឱកាសនោះ លោករដ្ឋមន្រ្តីបានថ្លែងថា៖ អតីតយុទ្ធជន និងនិវត្តជន គឺជាកម្លាំងដ៏មានគុណបំណាច់ចំពោះជាតិមាតុភូមិ ដែលបានលះបង់កម្លាំងកាយចិត្តក្នុងបុព្វហេតុការពារ និងកសាងប្រទេសជាតិ ដូច្នេះអាជ្ញាធរត្រូវបន្តយកចិត្តទុកដាក់សុខទុក្ខ និងជីវភាពរស់នៅរបស់ពួកគាត់ឱ្យបានជាប់ជាប្រចាំ។ លោក ក៏បានណែនាំឱ្យថ្នាក់ដឹកនាំចុះជួយខេត្តមកពីក្រសួងអភិវឌ្ឍន៍ជនបទ អាជ្ញាធរមូលដ្ឋានទាំងអស់ ចុះសួរសុខទុក្ខអតីតយុទ្ធជន និងនិវត្តជនជាប្រចាំ ឬរៀបចំពិធីសំណេះសំណាលផ្សេងៗ ដើម្បីពង្រឹងទំនាក់ទំនង សាមគ្គីភាព និងកុំឱ្យមានគម្លាតរវាងអ្នកជំនាន់មុន និងអ្នកជំនាន់ក្រោយ។ ថ្នាក់ដឹកនាំបានសម្ដែងការគោរព និងដឹងគុណយ៉ាងជ្រាលជ្រៅចំពោះការលះបង់កម្លាំងកាយចិត្តរបស់អតីតយុទ្ធជន ដែលបានចូលរួមការពារបូរណភាពទឹកដី និងរក្សាសន្តិភាពជូនប្រទេសជាតិ នាពេលកន្លងមក។

លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាអនប្រធានអតីតយុទ្ធជនខេត្ត បានថ្លែងអំណរគុណចំពោះឯកឧត្តម លោកជំទាវ និងគ្រប់មន្ទីរអង្គភាពពាក់ព័ន្ធទាំងអស់ ដែលបានជួយ និងបន្តចូលរួមថែរក្សា និងលើកកម្ពស់សុខុមាលភាពអតីតយុទ្ធជន និងគ្រួសារអតីតយុទ្ធជន ដើម្បីឱ្យពួកគាត់ទទួលបានការគោរព និងការយកចិត្តទុកដាក់សមស្របពីសង្គម។

ជាមួយគ្នានេះ ក្រុមការងារក៏បាននាំយកអំណោយ និងសម្ភារៈប្រើប្រាស់មួយចំនួន ប្រគល់ជូនដល់គ្រួសារអតីតយុទ្ធជន ដើម្បីជួយសម្រួលជីវភាពរស់នៅប្រចាំថ្ងៃ និងបង្ហាញពីការយកចិត្តទុកដាក់របស់រាជរដ្ឋាភិបាលចំពោះអតីតយុទ្ធជន និងគ្រួសាររបស់ពួកគាត់។ ការចុះសួរសុខទុក្ខ និងផ្តល់ការគាំទ្រដល់អតីតយុទ្ធជន គឺជាសកម្មភាពមនុស្សធម៌ដ៏មានសារៈសំខាន់ ក្នុងការលើកទឹកចិត្ត និងបន្តថែរក្សាសុខុមាលភាពរបស់អ្នកដែលបានបំពេញបេសកកម្មបម្រើជាតិមាតុភូមិ៕

ដោយ ៖ វ៉ាន់ សេដ្ឋា

The post រដ្ឋមន្ត្រីក្រសួងអភិវឌ្ឍន៍ជនបទ ចុះសួរសុខទុក្ខអតីតយុទ្ធជន និងគ្រួសារអតីតយុទ្ធជន១០០គ្រួសារ នៅខេត្តកំពង់ឆ្នាំង appeared first on Kampuchea Thmey Daily.

លោក Iwan Ramdani ប្រធានការិយាល័យស្វែងរក និងជួយសង្គ្រោះ Ternate បានប្រាប់ The Straits Times ថា៖ « ជនរងគ្រោះទាំងពីរនាក់ស្ថិតនៅចម្ងាយប្រហែលត្រឹមតែ​ ៥០ ម៉ែត្រពីកំពូលភ្នំ​ដែលផ្ទុះ​នោះ ហើយត្រូវបានគេជឿថាបានស្លាប់។ ក្រុមជួយសង្គ្រោះកំពុងព្យាយាមរកឲ្យ​ឃើញ​សាកសពពួកគេ ប៉ុន្តែការជម្លៀសត្រូវបានរារាំងដោយភ្លៀង ហើយប្រតិបត្តិការនេះត្រូវបានផ្អាកជាបណ្តោះអាសន្ន»។

The Straits Times បាន​ស្រង់សម្តី​ លោក Riswan Umar អ្នកស្រុកម្នាក់ដែលចូលរួមក្នុងប្រតិបត្តិការជួយ​សង្គ្រោះ បានប្រាប់ «ក្រុមជួយសង្គ្រោះបានរកឃើញជនរងគ្រោះ។ ជនរងគ្រោះត្រូវបានកប់នៅក្រោម​សំណល់​ភ្នំភ្លើង ហើយ​ត្រូវបានគេជឿថាបានស្លាប់»​។

ឧបសគ្គដំបូងបានកើតឡើងយូរមុនពេលក្រុមជួយសង្គ្រោះអាចទៅដល់រណ្ដៅភ្នំភ្លើងមួយក្នុងចំណោមភ្នំភ្លើងដែលងាយនឹងបង្កជាហេតុបំផុតរបស់ប្រទេសឥណ្ឌូនេស៊ី។

ក្រោយ​ពេល​ព្រឹក​ព្រលឹម​ថ្ងៃ​ទី ១០ខែ​ឧសភា ក្រុម​ស្វែងរក និង​ជួយ​សង្គ្រោះ​រួម​របស់​ឥណ្ឌូណេស៊ី​បាន​ចេញ​ដំណើរ​ទៅ​កាន់​ភ្នំ​​​ភ្លើង ​Dukono ដែល​ផ្ទុះ​នោះ​​​ម្តង​ទៀត ជា​កន្លែង​ដែល​អ្នក​ឡើង​ភ្នំ​សិង្ហបុរី​ពីរ​នាក់​នៅ​បាត់​ខ្លួន​បន្ទាប់​ពី​ភ្នំ​ភ្លើង​បាន​ផ្ទុះ​នៅ​ថ្ងៃ​ទី៨ ខែ​ឧសភា។

ប៉ុន្តែ​ភ្លៀង​ធ្លាក់​ខ្លាំង​ពេញ​មួយ​យប់​​ល្បាប់​ភក់​ជ្រៅ​បាន​នាំ​ល្បាប់​ភក់​ច្រើន​​ទៅ​កាន់​ផ្លូវ​ដី​តូច​ចង្អៀត​​​​​សម្រាប់​ការ​ធ្វើដំណើរ​ទៅ​កាន់​ភ្នំ​នោះ​។

ពី​ប៉ុស្តិ៍​ត្រួតពិនិត្យ​ភ្នំភ្លើង​សំខាន់​នៅ​ក្នុង​ភូមិ​ម៉ាមូយ៉ា វា​មាន​ចម្ងាយ​ប្រហែល ១០គីឡូម៉ែត្រ​ ទៅ​កាន់​ប៉ុស្តិ៍​សង្កេត​ដំបូង​នៅ​ជើង​ភ្នំ​ Dukono។ ផ្លូវ​នេះ​ឆ្លង​កាត់​តាម​ព្រៃ​ក្រាស់ និង​ចម្ការ ហើយ​ផ្នែក​ធំៗ​អាច​ចូល​ទៅ​ដល់​បាន​តែ​តាម​ផ្លូវ​ដី​រដិបរដុប​ប៉ុណ្ណោះ៕

ប្រែសម្រួល រើយ​

The post ​អ្នកឡើងភ្នំ​ជនជាតិ​សិង្ហបុរី​២នាក់ ត្រូវ​បានអះអាង​​ថា ស្លាប់​កប់​​​ក្នុង​ភ្នំភ្លើង​ដែលផ្ទុះ​​ appeared first on Kampuchea Thmey Daily.