អ្នកជំនាញ​ផ្នែក​ហិរញ្ញវត្ថុ ៖ ខ្ចីគេមករកផលចំណេញដើម្បីខ្លួនឯង បើខាតឬក្ស័យទុន មិនអាចឲ្យមហាជនចូលរួមទទួលខុសត្រូវ នោះទេ
Connect with us
Helistar Cambodia - Helicopter Charter Services

KPT+

អ្នកជំនាញ​ផ្នែក​ហិរញ្ញវត្ថុ ៖ ខ្ចីគេមករកផលចំណេញដើម្បីខ្លួនឯង បើខាតឬក្ស័យទុន មិនអាចឲ្យមហាជនចូលរួមទទួលខុសត្រូវ នោះទេ

បានផុស

នៅ

អ្នកជំនាញ​ផ្នែក​ហិរញ្ញវត្ថុ​ និង​វិនិយោគ បានលើកឡើងថា ការដោះស្រាយបញ្ហាបំណុល ដែលត្រឹមត្រូវតាមបែបវិជ្ជាជីវៈ មិនមែនងាយស្រួលដោយគ្រាន់តែសុំទាននោះទេ។ គួររំលឹកថា កាលពីពេលថ្មីៗនេះ តារាកំប្លែងមួយរូប បាន​ប្រកាសថា ខ្លួនជំពាក់បំណុលគេជាង ៥៧ម៉ឺនដុល្លារអាមេរិក ដោយសារការរកស៊ីក្ស័យធន។ ជាមួយគ្នានេះ តារា​កំប្លែងរូបនេះ បានអំពាវនាវដល់មហាជនជួយរូបខ្លួន តាមរយៈថវិកាម្នាក់ ១ដុល្លារអាមេរិក ដើម្បីយកទៅដោះ​ស្រា​យបញ្ហាបំណុលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ង៉ែត ជូ អ្នកជំនាញ​ផ្នែក​ហិរញ្ញវត្ថុ​ និង​វិនិយោគ បានសរសេរនៅលើគណនីហ្វេសប៊ុក នាព្រឹកថ្ងៃទី២២ ខែ​តុលា​​នេះ​ថា កាលណានិយាយអំពីការដោះបំណុល គឺគេពិនិត្យ និងវិភាគអំពីលំហូរសាច់ប្រាក់ ទ្រព្យសម្បត្តិដែលមានលទ្ធភាពនៃក្រុមគ្រួសារ មិត្តភក្តិ និងលក្ខខណ្ឌនានានៃកម្ចី។ល។ រួចប្រើបញ្ញាហិរញ្ញវត្ថុទៅតាមលក្ខខណ្ឌ និងស្ថានភាពជាក់ស្តែង។

អ្នកជំនាញរូបនេះ បានសរសេរបន្តថា ប្រសិនបើគ្រាន់តែសុំឲ្យមហាជនជួយ គឺជាដំណោះស្រាយ ម្លេះសមសង្គមមានភាពអនាធិបតេយ្យ និងរញ៉េរញ៉ៃជាមិនខាន ព្រោះបើចំនួនអ្នកមានកម្ចី ជាមួយគ្រឹះស្ថានមីក្រូហិរញ្ញវត្ថុជិត ២លានគ្រួសារមានតែ ០,៥% មានបំណុលវណ្ឌ័ក ក៏មានអ្នកមានបំណុលវណ្ឌ័កចំនួន ១ម៉ឺនគ្រួសារដែរ។

លោក ង៉ែត ជូ បានលើកឡើងទៀតថា «ហើយបើ ១ម៉ឺនគ្រួសារនោះ ប្រកាសសុំជំនួយតាមបណ្តាញសង្គម នោះសង្គម នឹងមានភាពច្របូកច្របល់។ កម្ចីអ្នកណា អ្នកហ្នឹងត្រូវទទួលខុសត្រូវ។ ខ្ចីគេមករកផលចំណេញ ដើម្បីខ្លួនឯង បើខាត ឬក្ស័យទុន មិនអាចឲ្យមហាជន ចូលរួមទទួលខុសត្រូវ នោះទេ»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services