KPT+
ពាក្យថា មនុស្សទន់ខ្សោយពឹងសំណាង មនុស្សរឹងមាំ ពឹងខ្លួនឯងមានន័យដូចម្តេច?
អ្នកខ្លះមានអារម្មណ៍ថា ខ្លួនមិនដែលមានសំណាងសោះតាំងពីពេលកើតមក។ គេគិតនេះ អាស្រ័យលើថ្ងៃកំណើត ដែលមាននៅក្នុងប្រតិទិន ហើយអ្នកខ្លះទៀតជឿពួកហោរា។
អ្នកខ្លះពេលខ្លួនពិបាក គិតថា ជីវិតខ្លួនកំពុងត្រូវបណ្តាសាឬរងអំពើផ្លូវងងឹត ។
ប៉ុន្តែ តាមពិតក្នុងចំណោមការគិតនេះ គ្មានមួយណានាំមកនូវជោគជ័យទេ។ ទណ្ឌកម្មចំពោះអំពើបាបកាលពីមុន? អំពើមន្តអាគម? វាសនាព្រហ្មលិខិត? ទេ! បើអ្នកមិនភ្ញាក់ខ្លួនឡើង ការបន្លាចអស់នោះនឹងបន្លាចដល់អ្នកដេកសួលរហូតមិនខាន។
មិនថាការស្រលាញ់គ្មានការឆ្លើយតបមិនថា ថវិកាមិនសេសសល់ មិនថាសុខភាពឬរូបរាងយើងមានបញ្ហា មិនថាអារម្មណ៍យើងមិនរឹងមាំដូចគេឯងផ្សេងៗ ជីវិតមិនបានធ្វើអ្វីយើងទេ ព្រោះថាគ្រប់យ៉ាងដែលយើងមិនអាចគ្រប់គ្រងបាន វាជារឿងៗតែងតែកើតមានមកក្នុងការរស់នៅមិនមែនមកពីព្រហ្មលិខិតអ្វីទំាងអស់ វាជាធម្មជាតិ ហើយគ្មានអ្នកណាដេលមិនធ្លាប់មានរឿងធំដុំដល់ថ្នាក់ក្រោយមិនចង់រួចនោះទេ។
គ្រប់គ្នាត្រូវឆ្លងកាត់! អញ្ចឹងហើយបានជាគេមានពាក្យថា មានភាពប្រុងប្រយ័ត្ន ចេះត្រៀមលក្ខណៈ មានភាពរឹងមាំ និងបត់បែនក្នុងការរស់នៅ។
ពេលដែលអ្នកចាប់ផ្តើមជឿថាជីវិត បានធ្វើបាបអ្នកដោយអយុត្តិធម៌ចូលគេងទៅ ហើយស្អែកឡើងបំភ្លេចចោលការគិតនេះ។
ជីវិតជាអ្នកណា? គឺយើងខ្លួនឯងជាអ្នកបង្កើតវា ជំនឿរបស់យើងមានអំណាចជាងអ្នកណាទំាងអស់ក្នុងការក្លាយជាទំនាយដែលពន្លិច ឬលើកដំកើងយើងខ្លួនឯង។
ប្រសិនបើមនុស្សម្នាក់គិតថា គេអាចធ្វើបានគេពិតជាអាចធ្វើបាន។ ប្រសិនបើគិតថា យើងអន់ យើងនឹងខ្ចិល ហើយរារែកឈានដល់បោះបង់ចោល។
«សំណាងគឺជាអ្វីដែលកើតឡើងនៅពេលការរៀបចំរបស់យើង នាំយើងឱ្យទៅជួបនឹងឱកាស”
យើងខ្លួនឯងដដែល។ បើយើងមិនសាកល្បងដាក់ CV យើងម៉េចមានឱកាសសម្ភាសន៍ មិនសម្ភាសន៍ម៉េចនឹងជាប់ មិនសាកធ្វើការទំាងយប់ថ្ងៃម៉េចដឹងថា ខ្លួនអស់លទ្ធភាពត្រឹមកម្រិតណា? ដេកចាំំសំណាង? គ្មានថ្ងៃទេ!
សំណាងកើតមានលើមនុស្សដែលមានចេតនាផ្លាស់ប្តូរ
តើរឿងណា១ដែលយើងយល់ថាមិនដែលមានសំណាង? ស្នេហាឬហិរញ្ញវត្ថុ? អ្វីក៏ដោយ យើងអាចផ្លាស់ប្តូរវាបាន។ មានជីវិតចូរមានសង្ឃឹម។ការផ្លាស់ប្តូរចាប់ពីអ្វីមួយដែលយើងយល់ថា ខ្លួនឯងមិនធ្លាប់ធ្វើពីមុន ហើយសាកវាដោយការតាំងចិត្ត ។ តើយើងអត់លុយបានជាជីវិតស្នេហាបរាជ័យ ឬមួយយើងអត់លុយទៅរកគេមានជាងយើងហួសហេតុពេក? ពិចារណាហេតុផលខ្លួនឯង សំណាងមិនសំណាងគឺមកពីយើងជាអ្នកសាង។ ចំពោះលុយ រកបាន ១០០ ចាយ ១០០០? សំណាងមិនសំណាងមកពីខ្លួនយើង។ ចង់ស្វែងរកឱកាសថ្មីៗតែគ្មានសំណាងព្រោះមិនដែលខំ ? យកពេលអង្គុយមិនសប្បាយចិត្តឬដ្រាម៉ាជាជាងដុសខាត់ខ្លួនឯងក្នុងជីវិត? ឱកាស គឺជាព្រឹត្តិការណ៍ដែលកើតឡើងដោយឯកឯងវាគ្មានទេ គឺសឹងថាសូន្យ។ ចំណែក ឱកាសដែលយើងបានបង្កើត ដោយខ្លួនយើងដោយការតាំងចិត្ត ពេលយើងចង់ផ្លាស់ប្តូរសំណាងរបស់យើងគឹ ១០០ ភាគរយអាចកើតឡើង ។
“ជីវិតនឹងមិនប្រសើរឡើងដោយចៃដន្យទេ វាប្រសើរជាងមុនដោយការផ្លាស់ប្តូរ។ ” – Jim Rohn
មនុស្សទន់ខ្សោយដេកចាំសំណាង មនុស្សរឹងមាំ បង្កើតសំណាង!
អត្ថបទ៖ ស្រស់
ចុចអាន៖ ពេលមេរោគបង្ខំាងយើងនៅផ្ទះ ស្ត្រេស? មានរឿងខ្លះយើងអាចធ្វើបាន!
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)