KPT+
ក្បួនខ្នាតនៃការសំពះរបស់ខ្មែរ
នៅក្នុងវចនានុក្រមខ្មែររបស់សម្តេចព្រះសង្ឃរាជ ជួន ណាត បានឱ្យនិយមន័យទៅលើពាក្យ សំពះ ថា ជាការលើកដៃទាំងពីរ ផ្គុំម្រាមទាំង១០ ទៅបុគ្គលណាដែលគោរព ឬ រកទីកន្លែង និងវត្ថុ ដែលជាទីគោរព។ ការសំពះ មាន សំពះគ្រូ សំពះម្តាយឳពុក សំពះការ សំពះពេលា សំពះសួរ សំពះលា សំពះសុំទោស សំពះអរគុណជាដើម។ ក្នុងនោះ ក៏មានសំពះងារ ឬថ្វាយបង្គំតាមបែបបទចំពោះព្រះមហាក្សត្រផងដែរ។
សំពះ គឺជាការបញ្ជាក់ពីសុជីវធម៌ ការគោរពដឹងគុណ និងគោរពគ្នាទៅវិញទៅមក ហើយអ្វីដែលពិសេសនោះ គឺសំពះ ជាការបង្ហាញនូវអត្តសញ្ញាណ និងវប្បធម៌របស់ខ្មែរ ដែលកូនខ្មែរគ្រប់រូបមិនគួរមើលរំលង ឬ ភ្លេចពីរបៀបនៃការសំពះរបស់ខ្លួន។ ចំពោះការសំពះរបស់ខ្មែរដែលត្រូវទៅតាមក្បូនខ្នាតនោះមាន ០៥របៀប ហើយក្នុងរបៀបនីមួយៗមានអត្ថន័យផ្សេងៗគ្នា។
១.សំពះកម្ពស់ត្រឹមផ្ទៃថ្ងាស៖ គឺសំពះដល់ព្រះពុទ្ធ ព្រះព្រហ្ម អ្នកតា ឬ វត្ថុស័ក្តសិទ្ធិក្នុងការបួងសួងផ្សេងៗ។
២.ចុងម្រាមដៃសំពះត្រឹមចិញ្ចើម៖ គឺសំពះសម្រាប់ព្រះសង្ឃ និងព្រះមហាក្សត្រ។
៣.ចុងម្រាមដៃត្រឹមច្រមុះ៖ គឺសំពះចំពោះឳពុកម្តាយ ជីដូនជីតា គ្រូបាធ្យាយ អាណាព្យាបាល ឬ អ្នកមានគុណ។
៤.ចុងម្រាមដៃសំពះត្រឹមមាត់៖ សំពះអ្នកដែលមានវ័យចាស់ជាង អ្នកមានឋានៈខ្ពស់ជាង ជាចៅហ្វាយនាយ ឬ ជារៀមច្បង។
៥.ដៃផ្គុំសំពះត្រឹមដើមទ្រូង៖ ការសំពះត្រឹមទ្រូងនេះ គឺមានពីររៀប។ ទី១ សំពះអ្នកដែលមាន វ័យ ឬ ឋានៈស្មើគ្នា រវាងមិត្តភក្តិ និងមិត្តភក្តិ។ ទី២ នៅពេលចៅហ្វាយនាយ ឬ រៀមច្បងសំពះ ត្រឡប់មកអ្នកមានវ័យតិចជាង គឺសំពះត្រឹមទ្រូងដូចគ្នា។
យ៉ាងណាមិញ ក្នុងបច្ចុប្បន្នភាពនេះពលរដ្ឋខ្មែរគ្រប់រូប មិនថាជាសិស្សនិស្សិត បុគ្គលិកក្រុមហ៊ុន អ្នកលក់ដូរ ឬ អ្នកបម្រើការងារនៅស្ថាប័នណាមួយឡើយ គឺឃើញថា ការសំពះនៅមិនទាន់មានភាពត្រឹមត្រូវទៅតាមក្បួនខ្នាតរបស់ខ្មែរឡើយ។ ដោយខ្លះទៀត និយមការចាប់ដៃ ឱបលាគ្នា ជាជាងការសំពះលា ធ្វើឱ្យមនុស្សមួយចំនួនភ្លេច ឬ អៀនក្នុងការលើកដៃសំពះ៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង