ព័ត៌មានជាតិ

ដោយសង្ស័យ តេស្តសំណាកមនុស្ស ៥៧៣ នាក់ ឆ្លងកូវីដដល់ទៅ៣៦ នាក់

បានផុស

៥ years មុន

នៅ

ថ្ងៃអាទិត្យ ៤ កក្កដា ២០២១

ដោយ

ខេត្តបន្ទាយមានជ័យ៖ ក្រុមគ្រូពេទ្យជំនាញបានយកសំណាកមនុស្សមានចំនួន៥៧៣នាក់ នៅ ៣ទីតាំងក្នុងក្រុងសិរីសោភ័ណយកទៅពិនិត្យ បានរកឃើញអ្នកវិជ្ជមានចំនួន៣៦នាក់ នៅ ទី២និងទី ៣ ខែ កក្កដា ឆ្នាំ ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរក្រុងសិរីសោភ័ណបានឲ្យដឹងថា មន្ទីរពេទ្យបង្អែកនិងមណ្ឌលសុខភាពនៅក្រុងសិរីសោភ័ណ កាលពីថ្ងៃទី២ និង ថ្ងៃទី៣ ខែកក្កដានេះ បានបន្តយកសំណាកអ្នកពាក់ព័ន្ធជាមួយបុគ្គលមានវិជ្ជមានកូវីដ-១៩ ដោយបើកកន្លែងយកសំណាកចំនួន៣ទីតាំងផ្សេងគ្នា។ទីតាំងយកសំណាករកកូវីដ១៩ ទាំង៣កន្លែងរួមមាន ទី១នៅមន្ទីរពេទ្យបង្អែកក្រុងសិរីសោភ័ណ នៅសង្កាត់ព្រះពន្លា បានធ្វើការយកសំណាកពីមនុស្សចំនួន ១៣៦នាក់ក្នុងនោះលទ្ធផលវិជ្ជមានចំនួន ១៦នាក់ ទីតាំងទី២ នៅផ្សារ អូរអំបិល ហៅផ្សារដើមគ សង្កាត់អូរអំបិល យកសំណាកចំនួន ៣៨៥នាក់ លទ្ធផលវិជ្ជមានចំនួន១០នាក់ ទីតាំងទី៣នៅពន្ធនាគារ ខេត្តបន្ទាយមានជ័យ នាសង្កាត់ទឹកថ្លា យកសំណាក៥០នាក់ លទ្ធផលអវិជ្ជមានទាំងអស់។

លោកហ៊ឹល រ៉ាយ៉ាអភិបាលក្រុងសិរីសោភ័ណបានប្រាប់ឲ្យដឹងថា ចំពោះមុខរដ្ឋបាលក្រុងសិរីសោភ័ណ អំពាវនាវដល់អ្នកជាប់ពាក់ព័ន្ធជាមួយបុគ្គលវិជ្ជមានកូវវីដ១៩ ទាំងផ្ទាល់ និងប្រយោល ផ្សេងទៀត មកផ្តល់សំណាកធ្វើតេស្តរហ័ស (Rapid Test) ដើម្បីរកវីរុសកូវវីដ.១៩ នៅមន្ទីរពេទ្យបង្អែកក្រុងសិរីសោភ័ណ៕

អត្ថបទ៖ វ៉ាន់ ណាង

Related Topics: