ចុះផ្អាកហាងគោដុត រិទ្ធ វិទូ ក្រោយផ្គេីនការណែនាំរបស់អាជ្ញាធរ

ហាងផឹកស៊ីយីហោ គោដុត រិទ្ធ វិទូ មួយកន្លែងដែលមានទីតាំងនៅតាមបណ្តោយបេតុង ចូលទៅទីលានចាក់សំរាមចាស់ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ត្រូវបានកម្លាំងគណៈបញ្ជាការឯកភាពខណ្ឌមានជ័យ ចុះផ្អាក​ជាបណ្តោះអាសន្ន កាលពីវេលាម៉ោង៩យប់ ថ្ងៃទី៨ ខែកក្កដា ឆ្នាំ២០២១ ក្រោយពីមិនស្តាប់តាមការណែនាំរបស់ក្រសួងសុខាភិបាល។

សមត្ថកិច្ចបានប្រាប់ឱ្យដឹងថា ដោយមានប្រជាពលរដ្ឋរាយការណ៍ថា ទីតាំងនេះមានការបេីកទទួលភ្ញៀវ និងមានទាំងបេីកបន្ទប់ខារ៉ាអូខេច្រៀងលេងទៀតផង។

ក្រោយពីទទួលបានព័ត៌មានភ្លាម កម្លាំងគណៈបញ្ជាការឯកភាពក៏បានចុះទៅដល់ទីតាំងខាងលេី ឃេីញថា មានបេីកបន្ទប់ខារ៉ាអូខេពិតប្រកដមែន តែគ្រាន់តែបេីកបន្ទប់ទទួលភ្ញៀវផឹកស៊ីខាងក្នុងប៉ុណ្ណោះ ដោយមិនមានច្រៀងទេ។

បន្ទាប់ពីចុះពិនិត្យជាក់ស្តែង ទេីបកម្លាំងគណៈបញ្ជាការឯកភាពធ្វេីកិច្ចសន្យាបញ្ឈប់ និងផ្អាកជាបណ្តោះអាសន្ន តែមិនមានការឃាត់ខ្លួនមនុស្សនោះទេ៕

អត្ថបទ ៖ សុខា