អាជ្ញាធរខេត្តបាត់ដំបង ទទួលពលករខ្មែរជាប់គាំងនៅព្រំដែនពីអាជ្ញាធរថៃ
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរខេត្តបាត់ដំបង ទទួលពលករខ្មែរជាប់គាំងនៅព្រំដែនពីអាជ្ញាធរថៃ

បានផុស

នៅ

ខេត្តបាត់ដំបង៖ ពលករដែលជាប់គាំងនៅព្រំដែនរាប់រយនាក់ ត្រូវបានអាជ្ញាធរនៃខេត្តបាត់ដំបងចាប់ផ្តើមមកទទួលយកពីអាជ្ញាធរថៃ តាំងពីថ្ងៃទី១៣ ខែសីហានេះ តាមច្រកទ្វារតំបន់ព្រំដែនសួនស៊ុ (អូរអន្លក់) ស្ថិតក្នុងស្រុកកំរៀង ខេត្តបាត់ដំបង ក្រោយពីបញ្ចប់ការបិទខ្ទប់ព្រំដែនកម្ពុជាថៃរយៈពេល១៤ថ្ងៃ។

លោក ងួន  រតនៈ អភិបាលខេត្តបាត់ដំបង ដែលបានទៅទទួលពលករខ្មែរពីអាជ្ញាធរថៃផ្ទាល់បានមាន ប្រសាសន៍ថា ពលករទាំងអស់ត្រូវទទួលការធ្វើតេស្តរហ័សរកជំងឺកូវីដ-១៩ បើករណីរកឃើញវិជ្ជមានត្រូវបញ្ជូនទៅព្យាបាល បើអវិជ្ជមានត្រូវយកទៅធ្វើចត្តាឡីស័កបន្តនៅតាមមណ្ឌលនានាក្នុងបណ្ដាស្រុកជាប់ព្រំដែនថៃ។ អំឡុងពេលបិទច្រកព្រំដែន១៤ថ្ងៃកន្លងមកនេះ ពលករខ្មែរដែលចេញពីប្រទេសថៃវិលចូលមកក្នុងប្រទេសកម្ពុជាវិញហើយត្រូវបានជាប់គាំងនៅចំណុចអូរព្រំដែន បានស្នាក់នៅជាបណ្ដោះអាសន្ន នៅទីតាំងសមស្រប មានប្រភពទឹកប្រើប្រាស់ និងទីទួលសុវត្ថិភាព ដែលរៀបចំដោយអាជ្ញាធរ និងសមត្ថកិច្ចថៃ។

អាជ្ញាធរខេត្តបាត់ដំបងបានឱ្យដឹងពេលថ្មីៗនេះថា ពលករខ្មែរប្រមាណជាង៣០០នាក់ បានជាប់គាំងនៅចំណុច ព្រំដែនក្នុងទឹកដីថៃទល់នឹងខេត្តបាត់ដំបង ដែលនឹងត្រូវបញ្ជូនចូលមកកម្ពុជាវិញ  ប៉ុន្តែចំនួននេះ នឹងកើនឡើងទៀត ខណៈពលករខ្មែរត្រឡប់មកពីប្រទេសថៃវិញជាបន្តបន្ទាប់រាល់ថ្ងៃ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ នាទី មុន

រុស្ស៊ី ផ្អាកបេសកកម្មជាមួយអង្គការ ណាតូ ក្រោយខឹងខ្លាំងចោទបុគ្គលិកខ្លួនថា ធ្វើចារកម្ម

ជីវិតកម្សាន្ដ២៨ នាទី មុន

តើសមត្ថកិច្ចអាចស៊ើបអង្កេតករណីតារាកំប្លែង ខ្ញុង អំពាវនាវឲ្យមហាជន ជួយដោះបំណុលរបស់ខ្លួនទេ?

KPT+៤០ នាទី មុន

សម្ដីមុតស្រួច ៦ឃ្លា មិនគួរប្រើជាមួយគូស្នេហ៍ អាចធ្វើឱ្យគេស្លាប់ចិត្តបាន

ព័ត៌មានជាតិ៤១ នាទី មុន

អ្នកនាំពាក្យស្នងការរាជធានី ប្រតិកម្មការចុះផ្សាយរបស់សារព័ត៌មានមួយ ដែលយករូបលោកស្នងការ ទៅផ្សព្វ​ផ្សាយមិនត្រឹមត្រូវ

ព័ត៌មានជាតិ៤៩ នាទី មុន

ឃុំអ្នកលឿង មានកុមារអាយុក្រោម២ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដបន្តទទួលសាច់ប្រាក់​រាជរដ្ឋាភិបាល​

Sokha Hotels

ព័ត៌មានពេញនិយម

Helistar Cambodia - Helicopter Charter Services