ព័ត៌មានជាតិ

ពិន័យម្នាក់២០ម៉ឺនរៀល លើមនុស្ស៨នាក់ ករណីមិនគោរពវិធានការពាក់ម៉ាស

បានផុស

៥ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

រដ្ឋបាលស្រុកអន្លង់វែង ដឹកនាំដោយលោក ងួន លីន នាយករដ្ឋបាលសាលាស្រុកអន្លង់វែង រួមជាមួយកម្លាំងសមត្ថកិច្ច អាជ្ញាធរភូមិឃុំ និងប្រជាការពារ នៅល្ងាចថ្ងៃទី០៨ ខែកញ្ញា ឆ្នាំ២០២១នេះ បានចុះល្បាតត្រួតពិនិត្យ ផ្សព្វផ្សាយបន្ថែមដល់ប្រជាពលរដ្ឋ និងអាជីវករដែលលក់ដូរក្នុងផ្សារ និងតាមផងផ្លូវទីសាធារណៈឱ្យអនុវត្តតាមវិធានការរបស់ក្រសួងសុខាភិបាល ក៏ដូចជាប្រជាពលរដ្ឋអ្នកធ្វើដំណើរតាមផ្លូវទូទៅ ដើម្បីឲ្យពួកគាត់ប្រកាន់ភ្ជាប់នូវការពាក់ម៉ាស់ រក្សាគម្លាត គ្មានការជួបជុំ លាងដៃនឹងអាកុលអាជ្ញាធរបានចុះល្បាតតាមផ្សារថ្មីអន្លង់វែង ផ្សារអូរជីក និងផ្សាររង្វង់មូលស្រុកអន្លង់វែង ដើម្បីផាកពិន័យអន្តរកាលទៅលើប្រជាពលរដ្ឋណាដែលល្មើសមិនគោរពតាមការណែនាំរបស់អាជ្ញាធរនិងវិធានការរបស់ក្រសួងសុខាភិបាល ជាពិសេសអនុវត្តអោយបាននូវវិធានការ “៣កុំនិង៣ការពារ” ដែលជាលទ្ធផលផាកពិន័យលើប្រជាពលរដ្ឋ៨នាក់មិនបានពាក់ម៉ាស់ ដោយក្នុង ម្នាក់ៗពិន័យ២សែនរៀលទុករយះពេល៣០ថ្ងៃ ដែលមានឈ្មោះ ដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១/ឈ្មោះ ម៉ៅ គុណភេទប្រុសអាយុ២៥ឆ្នាំ រស់នៅភូមិមាជាឃុំចារឈូកស្រុកអង្គរធំខេត្តសៀមរាប។

២/ឈ្មោះវង់ វ៉ែន ភេទប្រុសអាយុ២៥ឆ្នាំរស់នៅភូមិតាលាវឃុំតាសោមស្រុកអង្គរជុំខេត្តសៀមរាប។

៣/ឈ្មោះទីស សីហា ភេទប្រុសអាយុ២២ឆ្នាំរស់នៅភូមិលំទងថ្មីឃុំលំទងស្រុកអន្លង់វែងខេត្ត ឧត្តរមានជ័យ។

៤/ឈ្មោះឆត ឈៀបភេទប្រុសអាយុ៣៤ឆ្នាំភូមិតាលាវឃុំតាសោមស្រុកអង្គរជុំ ខេត្ត សៀមរាប។

៥/ឈ្មោះលៀ លីភេទប្រុសអាយុ២៣ឆ្នាំរស់នៅភូមិតាលាវឃុំតាសោមស្រុកអង្គរជុំខេត្តសៀមរាប។

៦/ឈ្មោះ សៀត ស៑ុង ភេទប្រុសអាយុ២៤ឆ្នាំភូមិប្រាសាទឃុំប្រាសាទ ស្រុកវ៉ារិន ខេត្តសៀមរាប។

៧/ឈ្មោះ ជ័យ យួនភេទប្រុសអាយុ២២ឆ្នាំរស់នៅភូមិតាលាវឃុំតាសោមស្រុកអង្គរជុំ ខេត្តសៀមរាប។

៨/ឈ្មោះ ទឹម ខិត ភេទប្រុសអាយុ២១ឆ្នាំរស់នៅភូមិតាលាវឃុំតាសោម ស្រុកអង្គរជុំ ខេត្តសៀមរាប។

រដ្ឋបាលស្រុកអន្លង់វែង នឹងបន្តធ្វើការផាកពិន័យជាបន្តទៀតចំពោះប្រជាពលរដ្ឋណាឬបុគ្គលណា ដែលបំពាន មិនគោរពទៅតាមការណែនាំរបស់ក្រសួងសុខាភិបាល និងមិនអនុវត្តន៍នូវវិធានការ ៣ការពារ និង៣កុំ ដែលជាការកាត់ផ្តាច់ ទប់ស្កាត់ មិនឲ្យរីករាលដាលនៃជំងឺកូវីដ១៩ ចូលទៅមូលដ្ឋាន ក៏ដូចជាសហគមន៍៕

អត្ថបទ៖ ចាន់ ធី