ព័ត៌មានជាតិ

ទន្លេ៣ក្នុងខេត្តស្ទឹងត្រែង អាចនឹងឈានដល់ការប្រកាសអាសន្ន

បានផុស

៥ years មុន

នៅ

ថ្ងៃសៅរ៍ ២៥ កញ្ញា ២០២១

ដោយ

តាមការឲ្យដឹងពីប្រធានមន្ទីរធនធានទឹកនិងឧតុនិយម ខេត្តស្ទឹងត្រែង បានប្រកាសនៅព្រឹកថ្ងៃទី២៥ ខែកញ្ញានេះថា ទន្លេចំនួន៣ក្នុងខេត្តស្ទឹងត្រែង ទន្លេខ្លះបានឡើងរហូតដល់ជាង៣ម៉ែត្រ ហើយបើសិនជាឡើងមួយយប់ជាង៣ម៉ែត្រ ទន្លេមួយចំនួនក្នុងខេត្តស្ទឹងត្រែង នឹងឈានដល់ការប្រកាសអាសន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាង ប៉េង ប្រធានមន្ទីរធនធានទឹកនិងឧត្តុនិយមខេត្តបានបញ្ជាក់ថា ទន្លេសេសានប្រកាសអាសន្ន១០.៥០ម៉ែត្រព្រឹកម្សិល៥.០៤ ព្រឹកនេះ ៨.០៥ម៉ែត្រ ឡើង៣.០៥ម៉ែត្រ។ ទន្លេសេកុងប្រកាសអាសន្ន ១១.៥០ម៉ែត្រ ព្រឹកម្សិល៥.៨២ ព្រឹកនេះ ៨.៦៦ម៉ែត្រ ឡើង២.៨៤ម៉ែត្រ។ ដោយឡែកទន្លេមេគង្គប្រកាសអាសន្ន ១០.៧០ ម៉ែត្រ ព្រឹកនេះ ៧.៤០ម៉ែត្រ ឡើង១.០២ម៉ែត្រ។

លោក ប៉ាង ប៉េង បានបញ្ជាក់បន្ថែមថា ដោយឃើញស្ថានភាពទន្លេសេសានឡើងរហូតជាង៣ម៉ែត្រ និងទន្លេសេកុង ឡើងជាង២ម៉ែត្រ និងទន្លេមេគង្គឡើងត្រឹមតែជាង១ម៉ែត្រ។ បើសិនទន្លេទាំងពីរ មានទន្លេសេកុង ទន្លេសេសាន មួយយប់ឡើងជាង៣ម៉ែត្រ ឬមួយយប់២ម៉ែត្រ តែ២យប់ទៀតនឹងអាចឈានដល់ការប្រកាសអាសន្ន។

លោកបន្តថា បើសិនមានភ្លៀងធ្លាក់ផ្នែកខាងលើច្រើនដូចប៉ុន្មានថ្ងៃនេះ ទន្លេសេសាន ទន្លេសេកុង អាចហក់ឡើងខ្លាំង ហូរបុកចូលមកទន្លេមេគង្គ អាចបង្កឲ្យមានទឹកជំនន់ក៏អាចថាបាន។

ដោយហេតុឃើញទន្លេសេកុង សេសានឡើងខ្ពស់មួយយប់រហូតជាង៣ម៉ែត្រនោះ លោកសូមអំពាវនាវដល់បងប្អូនជាពលរដ្ឋរស់នៅតាមដងទន្លេក្នុងខេត្តស្ទឹងត្រែង ត្រូវលើកកម្ពស់ការប្រុងប្រយ័ត្នឲ្យបានខ្ពស់ជាប់ជានិច្ច៕

អត្ថបទ៖ ងិនលីម