ព័ត៌មានជាតិ

សូមប្រយ័ត្នខែទឹកឡើង! ក្មេងប្រុសម្នាក់ត្រូវពស់ចឹកពេលទៅងូតទឹក

បានផុស

៤ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ក្មេងប្រុសម្នាក់ដើរទៅងូតទឹកពាងនៅចំហៀងផ្ទះស្រាប់តែត្រូវពស់ពិសចឹក ត្រូវបានក្រុមគ្រួសារដឹកយកទៅមន្ទីរពេទ្យជួយសង្គ្រោះជីវិតទាន់ពេលរួចផុតពីសេចក្តីស្លាប់។

រឿងរាងនេះកើតឡើងនៅវេលាម៉ោង៦និង៤៥នាទីយប់ថ្ងៃទី២៩ ខែកញ្ញា ឆ្នាំ២០២១ ។

នគរបាលមូលដ្ឋានបានប្រាប់អ្នកយកព័ត៍មានឲ្យដឹងថា ក្មេងប្រុសដែលត្រូវពស់ចឹកមានឈ្មោះ សេន លីដែត ភេទប្រុស អាយុ៨ឆ្នាំ រស់នៅភូមិគោកអំពិល ឃុំផ្គាំ ស្រុកស្វាយចេក ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលមូលដ្ឋានបានប្រាប់ឲ្យដឹងបន្តទៀតថា តាមការឲ្យដឹងពីក្រុមគ្រួសារនៅវេលាម៉ោង៦និង៤៥នាទីយប់ថ្ងៃទី២៩នោះ កុមារាឈ្មោះ សេន លីដែតបានដើរទៅងូតទឹកពាងនៅចំហៀងផ្ទះនៅពេលកំពុងដើរទៅមិនបានជាមើល បានជាន់ពស់ស្រកាចាស់ចឹកត្រូវចំជើងខាងឆ្វេង ។ ភ្លាមៗនោះដែរ ត្រូវបានក្រុមគ្រួសារដឹកមកព្យាបាលនៅមន្ទីរពេទ្យបង្អែកក្រុងសិរីសោភ័ណ ហើយត្រូវបានគ្រូពេទ្យជួយចាក់វ៉ាក់សាំងបន្សាបពិសទាន់ពេល។

ក្រោយពីក្រុមគ្រូពេទ្យយកចិត្តទុកដាក់ក្នុងការសង្គ្រោះបន្ទាន់ក្មេងប្រុសនោះរួចពីសេចក្តីស្លាប់ ហើយកំពុងសម្រាកព្យាបាលនៅមន្ទីរពេទ្យបង្អែក្រុងសិរីសោភ័ណពិនិត្យបន្ត៕

អត្ថបទ៖ វ៉ាន់ ណាង