Connect with us

ព័ត៌មានជាតិ

លោកស្រី ឱ វណ្ណឌីន ៖ អ្នកមានជំងឺប្រចាំកាយ ស្ត្រីមានផ្ទៃពោះ-បំបៅកូន រឹតតែត្រូវការវ៉ាក់សាំងកូវីដ-១៩

បានផុស

នៅ

លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស នៅថ្ងៃទី០៣ ខែមករា ឆ្នាំ ២០២២នេះ បានផ្ញើសារអំពាវនាវដល់ប្រជាពលរដ្ឋ ត្រូវមកទទួលយកការចាក់វ៉ាក់សាំងបង្ការជំងឺកូវីដ-១៩ ឱ្យបានគ្រប់ៗគ្នាដើម្បីពង្រឹងប្រព័ន្ធការពារ ពិសេសគឺក្រុមអ្នកមានជំងឺប្រចាំកាយ ក៏ដូចជាស្ត្រីមានផ្ទៃពោះ និងស្ត្រីបំបៅកូនដោយទឹកដោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត ឱ វ​ណ្ណឌីន មានប្រសាសន៍ថា៖ “ខ្ញុំសូមជម្រាបដល់បងប្អូនដែលមានជំងឺប្រចាំកាយ ក៏ដូចជាស្ត្រីមានផ្ទៃពោះ និងស្ត្រីបំបៅកូនដោយទឹកដោះ សូមអញ្ជើញមកទទួលវ៉ាក់សាំងឱ្យបានគ្រប់ៗគ្នា ព្រោះក្រុមនេះជាក្រុមរឹតតែមានតម្រូវការក្នុងការទទួលវ៉ាក់សាំងកូវីដ-១៩ ជាពិសេសក្នុងការចាក់ដូសជំរុញ ឬក៏ដូសទី៣។

ប្រធានគណៈកម្មការចំពោះ កិច្ចចាក់វ៉ាក់សាំងកូវីដ-១៩ រូបនេះ បានអំពាវនាវប្រជាពលរដ្ឋទាំងអស់អញ្ជើញមកចាក់វ៉ាក់សាំងកូវីដ-១៩ អ្នកមិនទាន់ចាក់ដូសទី១ សូមអញ្ជើញមកចាក់ អ្នកមិនទាន់ចាក់ដូសទី២ ក៏សូមអញ្ជើញមកចាក់ ជាពិសេសអ្នកដល់វេនចាក់ដូសទី៣ ឬដូសជំរុញ សូមអញ្ជើញមកចាក់ចាប់ពីពេលនេះតទៅ។

រដ្ឋលេខាធិការក្រសួងសុខាភិបាល ខាងលើបានបញ្ជាក់ថា មន្ទីរសុខាភិបាល និងអាជ្ញាធររាជធានីខេត្តទាំង២៥ បានរៀបចំចាត់ចែងទីកន្លែងចាក់វ៉ាក់សាំងជូនប្រជាពលរដ្ឋទាំងអស់ នៅតាមទីតាំង មន្ទីរពេទ្យរដ្ឋមាន មន្ទីរពេទ្យខេត្ត មន្ទីរពេទ្យជាតិ ក៏ដូចជាមណ្ឌលសុខភាព ដែលមាននៅទូទាំងព្រះរាជាណាចក្រកម្ពុជា។

លោកស្រីវេជ្ជបណ្ឌិត ឱ វណ្ណឌីន សង្ឃឹមថា បងប្អូនប្រជាពលរដ្ឋនឹងអញ្ជើញមកចាក់វ៉ាក់សាំងកូវីដ-១៩ ឱ្យបានគ្រប់ៗគ្នា ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ ដើម្បីពង្រឹងកងការពាររបស់ខ្លួន ជាពិសេសក្នុងបរិបទប្រយុទ្ធប្រឆាំងពពួកអូមីក្រុង។

លោកស្រីវេជ្ជបណ្ឌិត ធ្លាប់បានបញ្ជាក់ថា នៅកំឡុងចុងខែឧសភា ឆ្នាំ២០២១ អង្គការសុខភាពពិភពលោកបានផ្ដល់ការណែនាំរួចទៅហើយថា វ៉ាក់សាំងដែលស្ថិតក្នុងបញ្ជីប្រើប្រាស់បន្ទាន់របស់អង្គការសុខភាពពិភពលោកសុទ្ធតែជាវ៉ាក់សាំងដែលមានគុណភាព និងប្រសិទ្ធភាពប្រើប្រាស់នៅលើសរីរាង្គមនុស្ស ក្នុងនោះរួមទាំងស្ត្រីមានផ្ទៃពោះ និងស្ត្រីបំបៅកូនដោយទឹកដោះផងដែរ។ លោកស្រី លើកឡើងថា អ្នកវិទ្យាសាស្ត្រវេជ្ជសាស្ត្រមិនទាន់រកឃើញវិបត្តិណាមួយដែលផ្ដល់ឱ្យមានផលប៉ះពាល់ទៅដល់ទារកនៅក្នុងផ្ទៃនោះទេ។ ផ្ទុយទៅវិញគេកំពុងសិក្សាបន្ថែមទៀត ដោយសារគេរកឃើញថា កាលណាយើងចាក់វ៉ាក់សាំងទៅ សរីរាង្គរបស់យើងនឹងបង្កើតបានកងការពារ អង់ទីគ័រ។

គួរបញ្ជាក់ថា គិតត្រឹមថ្ងៃទី០២ ខែមករា ឆ្នាំ២០២២នេះ កំណើនអត្រាចាក់វ៉ាក់សាំងកូវីដ-១៩ នៅកម្ពុជា  លើប្រជាជនអាយុពី ១៨ឆ្នាំឡើង មាន ១០១,៥១% ធៀបជាមួយចំនួនប្រជាជនគោលដៅ ១០ លាននាក់។ លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,១២% ធៀបជាមួយចំនួនប្រជាជនគោលដៅ ១ ៨២៧ ៣៤៨ នាក់។ លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៥,២៣% ធៀបជាមួយនឹងប្រជាជនគោលដៅ ១ ៨៩៧ ៣៨២ នាក់។ លើកុមារអាយុ ០៥ឆ្នាំ មាន ៩៩,៨៨% ធៀបជាមួយនឹងប្រជាជនគោលដៅ ៣០៤ ៣១៧ នាក់។ លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់  មាន ៨៩,១៤%៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

ឧ​ត្ត​ម​សេនីយ៍ រ័ត្ន ស្រ៊ាង ដាក់​បញ្ជា​ឲ្យ​នាយទាហាន​ក្រោម​ឳ​វាទ ខិតខំ​ការពារ​សន្តិសុខ សុវត្ថិភាព និង​រក្សា​សណ្តាប់ធ្នាប់ ក្នុងអំឡុង​ឃោសនា​នេះ

ព័ត៌មានជាតិ២៥ នាទី មុន

មន្ទីរ​សាធារណការ រាជធានី​ភ្នំពេញ ជួសជុល​ផ្លូវ​ ជង្ហុក​សំបុកមាន់ នៅ​មហាវិថី​កម្ពុជា​ក្រោម ដើម្បី​សម្រួល​ចរាចរណ៍​ជូន​ប្រជាពលរដ្ឋ​

ព័ត៌មានជាតិ១ ម៉ោង មុន

សន្សំថវិកា និងប្រយុទ្ធប្រឆាំង ការប្រែប្រួលអាកាសធាតុ ដោយការចូលរួមប្រើប្រាស់ថាមពលប្រកបដោយទំនួលខុសត្រូវ តាមរយៈយុទ្ធនាការ ខ្ញុំសន្សំ ឬ iSave

ព័ត៌មានជាតិ១ ម៉ោង មុន

កូរ៉េជួយ​បណ្តុះបណ្តាល​សមត្ថភាព​ធនធានមនុស្ស​លើវិស័យការទូត

ព័ត៌មានជាតិ២ ម៉ោង មុន

បច្ចេកវិទ្យាចុងក្រោយរបស់ក្រុមហ៊ុន WatchGuard ត្រូវបាននាំមកបង្ហាញជូនអតិថិជន ដោយមានសហការជាមួយក្រុមហ៊ុន Andromeda

Sokha Hotels

ព័ត៌មានពេញនិយម