លោក ចាន់ យុត្ថា​៖ ​កម្ពុជា​អាច​មាន​ភ្លៀង​ធ្លាក់​នៅថ្ងៃ​បុណ្យ​ចូល​ឆ្នាំ​ថ្មី​

អំឡុងពេល​ថ្ងៃបុណ្យ​ចូលឆ្នាំថ្មី​ប្រពៃណី​ជាតិខ្មែរកម្ពុជា​អាច​នឹង​មានភ្លៀងធ្លាក់​ ខណៈដែល​ក្រសួង​ធន​ធានទឹក និងឧតុនិយម​បានប្រកាស​នៅថ្ងៃទី ៥ ខែមេសា​នេះថា ក្នុងសប្តាហ៍ខាងមុខនេះ ព្រះរា​ជា​ណាចក្រកម្ពុជា នឹងទទួលឥទ្ធិពលជាបន្តបន្ទាប់ ដោយសារទ្រនុងសម្ពាធទាបខ្ពស់ និងសម្ពាធ​ទាប​ខ្សោយ។

បាតុភូតនេះ នឹងអាចមានភ្លៀងធ្លាក់ពីកម្រិតខ្សោយទៅមធ្យម ចាប់ពីថ្ងៃទី ៦ ដល់ថ្ងៃទី ១២ ខែមេសានេះ។

ប៉ុន្តែសម្រាប់​ថ្ងៃបុណ្យចូលឆ្នាំ លោក ចាន់ យុត្ថា រដ្ឋលេខាធិការ និងជា​អ្នកនាំ​ពាក្យ​ក្រសួង​ធនធាន​ទឹក និងឧតុនិយម ប្រាប់ថា តាមការពិនិត្យមើលពីចម្ងាយ​អាចនឹង​មាន​ការធ្លាក់​ភ្លៀង​នៅ​ថ្ងៃ​ចូលឆ្នាំ ខណៈ​ដែល​ក្រសួងកំពុងតែធ្វើការព្យាករណ៍ ហើយដល់​ថ្ងៃកៀក​បុណ្យចូល​ឆ្នាំក្រសួង​នឹង​រាយ​ការណ៍​លម្អិត៕

អត្ថបទ៖ ឡេង ដេត