Connect with us

ព័ត៌មានជាតិ

សម្តេចតេជោ ហ៊ុន សែន ឧបត្ថម្ភប្រតិភូកីឡាកម្ពុជា ម្នាក់ ៥០០$ សម្រាប់ការចេញទៅចូលរួមស៊ីហ្គេម នៅវៀតណាម

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសឧបត្ថម្ភប្រតិភូកីឡាកម្ពុជា ៥៦០ នាក់ ក្នុងម្នាក់ៗទទួលបាន ៥០០$ សម្រាប់ការចេញទៅចូលរួមប្រកួតកីឡាអាស៊ីអាគ្នេយ៍ លើក​ទី​៣១ នៅ​វៀតណាម​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុង​ពិធី​អញ្ជើញ​ជួប​សំណេះសំណាល និង​ផ្តល់​អនុសាសន៍​មួយចំនួន ដល់​កីឡាករ កីឡាការិនី និង​អត្ត​ព​លិ​ក មុនពេល​ចាកចេញ​ទៅ​ប្រកួត​កីឡា​ស៊ី​ហ្គេម (SEA Game) លើក​ទី ៣១ នៅ​ប្រទេស​វៀតណាម នា​ព្រឹក​ថ្ងៃទី ២៨ ខែមេសា ឆ្នាំ ២០២២​ នេះ សម្ដេច​តេ​ជោ ហ៊ុន សែន មានប្រសាសន៍​ចុងក្រោយ​ថា​៖ «​ថ្ងៃនេះ​មាន​គ្រូពេទ្យ​ប្រចាំការ​នៅទីនេះ ខ្ញុំ​នាំមក​ថវិកា ៣​លាន​រៀល ឱ្យ​ក្រុមគ្រូពេទ្យ​របស់​យើង ឯ​សម្រាប់​ប្រតិភូ​កីឡា និង​កីឡាករ​-​កីឡាការិនី ដែល​ចេញទៅ​ប្រកួត​ស៊ី​ហ្គេម លើក​ទី​៣១ នៅ​ទីក្រុង​ហាណូយ ប្រ​ទស​វៀតណាម ៥៦០ ​នាក់ ក្នុង​ម្នាក់ៗ​ថវិកា​ជូន ៥០០​ ដុល្លារ​សហរដ្ឋអាមេរិក​។​»

​សម្តេច​បាន​មានប្រសាសន៍​បន្ថែមទៀត​ថា​៖ «៥០០ ​ដុល្លារ ​ជា​ចំនួន​មួយ​ដែល​តិច ប៉ុន្តែ​បូករួម​រាជរដ្ឋាភិបាល​ក៏បាន​ចំណាយ​ច្រើន ដល់​ទៅបាន​មេដាយមាស​មកវិញ ក៏មាន​ការកំណត់​ត្រូវ​ចេញ​ថវិកា​ទៀត​។​»

​សូម​រំ​ឮ​កថា ក្រុម​កីឡាករ កីឡាការិនី ចេញទៅ​ប្រកួត​កីឡា​ស៊ី​ហ្គេម (SEA Game) លើក​ទី ៣១​ នេះ មាន​ចំនួន ៥៦០ ​នាក់ ដែល​ក្នុងនោះ ៤៥​ នាក់ គឺជា​ថ្នាក់ដឹកនាំ និង​ជាម​ន្ត្រី អត្ត​ព​លិ​ក ៣៦៣​ នាក់​, គ្រូបង្វឹក និង​គ្រូ​ជំនួយ ៩៣ ​នាក់​, អាជ្ញាកណ្ដាល ១៦ ​នាក់​, អ្នកដឹកនាំ​ក្រុម ២២​ នាក់ និង​ក្រុមគ្រូពេទ្យ ២១​នាក់​។​

​ចំពោះ​កម្ពុជា នឹង​បញ្ជូន​កីឡា​ចំនួន ៣៣ ​ប្រភេទ​ចូលរួម ក្នុងចំណោម ៤០​ ប្រភេទ​កីឡា​នៅ​ស៊ី​ហ្គេម លើក​ទី​ ៣១ នេះ មានដូចជា អត្តពលកម្ម​, ហែល​ទឹក​, កាយសម្ព័ន្ធ​, បាញ់កាំភ្លើង​, តេ​ក្វាន់​ដូ WT, ប្រណាំង​ទោចក្រយាន​, គុន​ដាវ​, យូ​ដូ​, វ៉ូ​ស៊ូ​, ចំបាប់​, ប្រដាល់សកល​, កា​រ៉ា​តេ​, កីឡា​រាំ​, ទ្រី​យ៉ា​ត្លុង​, ជឺ​ជី​តស៊ូ​, លើក​ទម្ងន់​, កា​នូ​/​កា​យ៉ាក​, បាល់ទាត់ (​បុរស​-​នារី​), បាល់ទះ​, បាល់បោះ (5×5 និង 3×3 បុរស​-​នារី​), សីដក់​, វាយ​កូនឃ្លី​លើ​តុ​, វាយ​សី​, វាយ​កូន​បាល់​, វាយកូនគោល​, វ៉ូ​វី​ណា​ម​, ប្រដាល់​គុន​ខ្មែរ​, ឃី​ក​បុក​ស៊ី​ង​, ប៉េតង់​, កាយ​វប្បកម្ម​, ប៊ីយ៉ា ស្នូកឃ័រ​, កីឡា​អេឡិចត្រូនិក និង​អុក​ចិន​។ ចំពោះ ៧​ប្រភេទ​កីឡា​ដែល​កម្ពុជា​ពុំ​ចូលរួម​មានដូចជា អុក​អន្តរជាតិ​, បាញ់​ធ្នូ​, ម៉ូតូ​ទឹក​, ប៊ូ​ឡី​ង​, បាល់​គប់ (Handball), គុនគូ​រ៉ា​ស (Kurash) និង បញ្ច​សីលា (Pencak silat)៕

​អត្ថបទ​៖ មន្នី​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម