ព័ត៌មានជាតិ

ក្រុមហ៊ុន Ezecom ប្រកាសគ្រប់គ្រងក្រុមហ៊ុន Opennet ជាផ្លូវការចាប់ពីថ្ងៃនេះតទៅ

បានផុស

២ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

លោក អ៊ុក រី អភិបាលបណ្តោះអាសន្ន នៃកូនបំណុលក្រុមហ៊ុន King Technologies Co.,Ltd (Opennet) ដែលតែងតាំងឡើងដោយតុលាការ បានចេញលិខិតប្រកាសនៅថ្ងៃទី ០៥ ខែឧសភា ថា អតិថិជនទាំងអស់ របស់កូនបំណុលក្រុមហ៊ុន King Technologies Co.,Ltd (Opennet) ត្រូវបានផ្ទេរទៅឱ្យក្រុមហ៊ុន Ezecom Co.,Ttd គ្រប់គ្រងចាប់ពីពេលនេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចដូចនេះ ដោយយោងតាមសំណុំរឿងរដ្ឋប្បវេណីលេខ ២៧៦ ចុះថ្ងៃទី ២២ ខែកុម្ភៈ ឆ្នាំ២០២២ របស់សាលាដំបូងរាជធានីភ្នំពេញ, ដីកាសម្រេចបើកសំណុំរឿងក្ស័យធនលេខ ៥១ ធ រ.វ ចុះថ្ងៃទី ២៨ ខែមីនា ឆ្នាំ២០២២ របស់សាលាដំបូង រាជធានីភ្នំពេញ, ដីកាសម្រេចតែងតាំងអភិបាលបណ្តោះអាសន្នលេខ ៥២ ធ រ.វ ចុះថ្ងៃទី ២៨ ខែមីនា ឆ្នាំ២០២២ របស់សាលាដំបូងរាជធានីភ្នំពេញ និងកំណត់ហេតុកិច្ចប្រជុំ ចុះថ្ងៃទី០៣ ខែឧសភា ឆ្នាំ២០២២ រវាងអភិបាលបណ្តោះអាសន្ន និង ក្រុមហ៊ុន Ezecom Co., Ltd។

សូមរំលឹកថា ក្រសួងប្រៃសណីយ៍ និងទូរគមនាគមន៍ បានធ្វើអធិការកិច្ចរកឃើញថា ក្រុមហ៊ុន Opennet បានជំពាក់បំណុលរដ្ឋចំនួន ១១ ៥០៤ ៧៧២ ដុល្លារអាមេរិក ។ លុះដល់ថ្ងៃទី១៦ ខែកក្កដា ឆ្នាំ២០២១ ក្រុមហ៊ុន Opennet បានសងបំណុលរដ្ឋចំនួន ១ ៣០០ ០០០ ដុល្លារអាមេរិក ដែលការសងបំណុលរដ្ឋរបស់ក្រុមហ៊ុន Opennet នេះបានកើតមានឡើងបន្ទាប់ពីរាជរដ្ឋាភិបាលកម្ពុជាចេញលិខិតទារលុយបំណុលចំនួន ៧ ៩១០ ៩៣១ដុល្លារអាមេរិក តាមរស្មារតីលិខិតលេខ៣១០សជណ.ហធ ចុះថ្ងៃទី១៥ ខែមិថុនា ឆ្នាំ២០២១របស់ទីស្តីការគណៈរដ្ឋមន្ត្រីរួចមក ។ ដូច្នេះ គិតត្រឹមពាក់កណ្តាលឆ្នាំ២០២១ ក្រុមហ៊ុន Opennet នៅជំពាក់បំណុលរដ្ឋចំនួន ៦ ៦១០ ៩៣១ ដុល្លារអាមេរិកទៀត (មិនទាន់គិតបញ្ចូលនូវទឹកប្រាក់ពិន័យចំនួន ៣ ៥៩៣ ៨៤១ ដុល្លារអាមេរិក) ។

ក្រសួងប្រៃសណីយ៍ និងទូរគមនាគមន៍ បានអះអាងថា ចាប់តាំងពីឆ្នាំ២០២១នោះមក ក្រុមហ៊ុន Opennet មិនបានបំពេញកាតព្វកិច្ចសងបំណុលរដ្ឋបន្តទៀតទេ ទើបក្រសួងសេដ្ឋកិច្ច និងហិរញ្ញវត្ថុ (MEF) និងក្រសួងប្រៃសណីយ៍ និងទូរគមនាគមន៍ បានចេញសេចក្តីជូនដំណឹងមួយលេខ០០២សហវ ចុះថ្ងៃទី១០ ខែកុម្ភៈ ឆ្នាំ២០២២ ជម្រាបជូនសាធារណជនឲ្យបានជ្រាបថា ក្រុមហ៊ុន Opennet មិនទាន់បានអនុវត្តកាតព្វកិច្ចទូទាត់បំណុលជូនរដ្ឋនៅឡើយ ជាពិសេសបំណុលនៃចំណូលបែងចែក (Revenue Share)៕

Related Topics:ក្រុមហ៊ុន Ezecom