Connect with us

ព័ត៌មានជាតិ

លោកជំទាវ ម៉ែន សំអន៖ ​ការអភិវឌ្ឍ​របស់វិស័យ​ឯកជន​ចូលរួម​ចំណែក​កែប្រែ​មុខ​មាត់​ថ្មី បន្ថែម​ទៀត​នៅ​រាជធានី

បានផុស

នៅ

លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា ការអភិវឌ្ឍន៍របស់វិស័យឯកជនពិតជាបានចូលរួម​ចំណែកកែប្រែមុខ​មាត់ថ្មី បន្ថែមទៀតនៅរាជធានីភ្នំពេញដែលជាបេះដូងរបស់ប្រទេសជាតិតែម្ដង។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវថ្លែងក្នុងពិធី​សម្ពោធ​ដាក់ឲ្យដំណើរការ នៃគម្រោង បុរី ស៊ីហា រេស៊ីដិន របស់ក្រុមហ៊ុន ស៊ីហា ប្រផឹធី ឯ.ក ដែលមាន​ទីតាំងនៅតាមដងមហាវិថីសម្តេចតេជោ ហ៊ុន សែន នៅក្នុង សង្កាត់ ជើងឯក ខណ្ឌដង្កោ រាជធានីភ្នំពេញ នាព្រឹកថ្ងៃព្រហស្បតិ៍ ទី ១២ ខែឧសភា ឆ្នាំ២០២២។

​លោក អ៊ុង ហុកគៀត​ នាយកគ្រប់គ្រងនៃក្រុមហ៊ុន ស៊ីហា បានលើកឡើងអំពីប្រវត្តិ និងវឌ្ឍនភាព​របស់ក្រុមហ៊ុន ដោយបញ្ចាក់ថា ក្រុមហ៊ុន ស៊ីហា គ្រុប បានចាប់ផ្តើមវិនិយោគនៅក្នុង​ព្រះរាជា​ណាចក្រ​កម្ពុជាជាលើកដំបូងក្នុងឆ្នាំ ២០១៨ ក្នុងខេត្តព្រះសីហនុ គឺស៊ីហា ត្រេហ្សឺរ និងស៊ីហា ហូថែល។

នៅក្នុងឆ្នាំ ២០១៩ ក្រុមហ៊ុន បានពង្រីកបន្ថែម ដោយបានវិនិយោគលើវិស័យអចលនទ្រព្យ និងដីធ្លី រហូតមកដល់ពេលបច្ចុប្បន្ន។ គម្រោង ស៊ីហា រេស៊ីដិន កំពុងកំណត់ស្តង់ដារថ្មីសម្រាប់ការរស់​នៅ​ទីក្រុង តាមរយៈការរចនាប្រកបដោយគុណភាព ភាពងាយស្រួលនៃទីតាំង និងបទពិសោធន៍​នៃភាព​ជាម្ចាស់ដ៏អស្ចារ្យ។

គម្រោង ស៊ីហា រេស៊ីដិន អភិវឌ្ឍស្របតាមចក្ខុវិស័យរបស់ ក្រុមហ៊ុន គឺជាការ​បំពេញ​ចិត្ត និងទំនុកចិត្តរបស់អតិថិជនទាំងគុណភាព និង សច្ចៈភាព ដែលជាហេតុធ្វើឲ្យក្រុមហ៊ុន ស៊ីហា ប្រផឹធី គឺជាក្រុមហ៊ុនដំបូងគេក្នុងប្រទេសកម្ពុជា ដែលមិនទាន់មានបានបើកការ​លក់អចលន​ទ្រព្យរហូតដល់ការសាងសង់រួចរាល់។

លោកជំទាវកិត្តិសង្គហបណ្ឌិតបានថ្លែងអំណរគុណ និងថ្លែងនូវការកោតសសើរដល់លោក អ៊ុង ហុកគៀត ដែលមានចក្ខុវិស័យវែងឆ្ងាយ និងបានសម្រេចចិត្តបណ្តាក់ទុនវិនិយោគ​នៅព្រះរាជា​ណាចក្រកម្ពុជា។

លោកជំទាវបានបន្តទៀតថា បើទោះបីជាវិបត្តិកូវីដ-១៩ បានជះឥទ្ធិពលមក​លើសេដ្ឋកិច្ច ពាណិជ្ជកម្មពិភពលោក ក៏ដូចជាកម្ពុជាយ៉ាងណាក៏ដោយ ប៉ុន្តែវិស័យសំណង់ លំនៅ​ដ្ឋាននៅរាជធានីភ្នំពេញ មិនបានជាប់គាំងនោះទេ ពោលគឺ ដូចជា ក្រុមហ៊ុន ស៊ីហា នៅតែបន្ត​សាង​សង់រហូតដល់ថ្ងៃ សម្ពោធនាថ្ងៃនេះ។

លោកជំទាវក៏បានសង្ឃឹមយ៉ាងម៉ុតមាំថា គម្រោងនេះពិត​ជារួម​ចំណែក កែប្រែមុខមាត់ថ្មី អភិវឌ្ឍន៍នៅរាជធានីភ្នំពេញ ការងារនគរូបនីយកម្ម និងកាត់បន្ថយ​ការធ្វើចំណាក់ស្រុកទៅធ្វើការនៅប្រទេសជិតខាង និងបានផ្ដល់បទពិសោធន៍ល្អៗផ្នែកខាងវិស្វកម្ម ស្ថាបត្យកម្ម ដើម្បីជួយជំរុញកំណើនសេដ្ឋកិច្ចជាតិ តាមរយៈការផ្ដល់ចំណូល និងឱកាសការ​ងារដល់​ប្រជាពលរដ្ឋ ដែលជាកត្ដាចាំបាច់ក្នុងការរួមចំណែកជាមួយរាជរដ្ឋាភិបាល​នូវការកាត់​បន្ថយភាពក្រីក្រតែម្ដង៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥ នាទី មុន

ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍

ព័ត៌មានជាតិ១៥ នាទី មុន

ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន

ព័ត៌មានជាតិ៤០ នាទី មុន

មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ

ព័ត៌មានជាតិ៥៥ នាទី មុន

ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ

ព័ត៌មានជាតិ៥៥ នាទី មុន

អភិបាលខណ្ឌឫស្សីកែវ ដឹកនាំកម្លាំងចម្រុះ​ចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន

Sokha Hotels

ព័ត៌មានពេញនិយម