ព័ត៌មានជាតិ

ពលរដ្ឋឃុំចាន់មូល ថ្លែងអំណរគុណដល់ក្រុមគ្រូពេទ្យក្នុងស្រុកមេមត់ និងក្រុមគ្រូពេទ្យស្ម័គ្រចិត្តរបស់សម្តេចតេជោ

បានផុស

៣ years មុន

នៅ

ថ្ងៃអង្គារ ១៧ ឧសភា ២០២២

ដោយ

ត្បូងឃ្មុំ ៖ នៅព្រឹកថ្ងៃទី១៧ ខែឧសភា ឆ្នាំ២០២២ អាជ្ញាធរឃុំ និងពលរដ្ឋ ក្នុងឃុំចាន់មូល ទាំងមូលដែលបានទទួលការចាក់វ៉ាក់សាំងលើកទី១. ទី២. ទី៣ និងដុសជំរុញដើម្បី ការពារជំងឺឆ្លងរីករាលដាលជាសកលនៃ ជំងឺកូវីដ១៩នាពេលកន្លងមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋមានចិត្តសប្បាយរីករាយឥតឧបមាបន្ទាប់ពី ពួកគាត់បានរួចផុតជីវិតពីជំងឺឆ្លងដ៏កាចសាហាវនេះ និងសូមថ្លែងអំណរគុណដល់ សម្តេច អគ្គសេនាបតី តេជោ ហ៊ុន សែន បានបង្កើតគ្រូពេទ្យស្ម័គ្រចិត្ត ដែលមានឯកឧត្តម ហ៊ុន ម៉ានី ជាប្រធានគ្រូពេទ្យស្ម័គ្រចិត្តនេះ និងក្រុមគ្រូពេទ្យក្នុងស្រុកមេមត់ទាំងមូល ក្រោមការឧបត្ថម្ភរបស់លោក ស្រេង លី ជាអភិបាល នៃគណៈអភិបាលស្រុកផងដែរ ដោយបានដឹកនាំបំពេញភារកិច្ចសម្រេច បានយ៉ាងជោគជ័យគួរឲ្យមោទនៈ។

នៅក្នុងឱកាសនោះដែរ លោកស្រី ប្រាក់ កក្កដា ជាសមាជិកក្រុមប្រឹក្សាឃុំចាន់មូលបានបញ្ជាក់ឲ្យដឹងថា ក្នុងនាមថ្នាក់ដឹកនាំឃុំចាន់មូល និងជាតំណាងឲ្យពលរដ្ឋទូទាំងឃុំ ដែលមានភូមិចំនួន១១ សូមថ្លែងអំណរគុណដល់ថ្នាក់ដឹកនាំគ្រប់លំដាប់ថ្នាក់ក្នុងខេត្ត ជាពិសេសសម្តេច តេជោ ដែលបានខិតខំយកចិត្តទុកដាក់ដល់ឃុំយើងខ្ញុំ ដែលមានព្រំប្រទល់ជាប់ប្រទេសវៀតណាម ។ ឃុំចាន់មូលមានប្រជាពលរដ្ឋចំនួន៦៥០៤នាក់ ស្មើនឹង១៣៧៦គ្រួសារ ក្នុងនោះដែរ ចំនួនពលរដ្ឋដែលបានចាក់វ៉ាក់សាំងទាំងលើកទី១ លើកទី២ លើកទី៣ និងដុះជម្រុញ មានចំនួន ៤ ៣៣៦នាក់ ហើយ។

លោកស្រី ប្រាក់ កក្កដា បានបញ្ជាក់ឲ្យដឹងទៀតថា បញ្ហាហេដ្ឋារចនាសម្ព័ន្ធ ដែលមានផ្លូវក្រាលគ្រួសក្រហម ផ្លូវបេតុងអាមេ បានកសាងឡើងដោយគមនាគមន៍ខេត្ត និងក្រសួងអភិវឌ្ឍន៍ជនបទដែលបានកសាងផ្លូវកៅស៊ូ១ខ្សែមានប្រវែង១៧គីឡូម៉ែត្រ ដើម្បីសម្រួលដល់ការធ្វើចរាចរណ៍ដល់ពលរដ្ឋឲ្យបានប្រសើរឡើង។ វត្តមានចំនួន១ សម្រាប់បងប្អូនធ្វើបុណ្យទាន ហើយវិស័យអប់រំមានសាលាចំនួន៥កន្លែង បឋមសិក្សា៤ និងវិទ្យាល័យសិក្សា១ សម្រាប់ផ្តល់ចំណេះដឹងដល់កូនចៅប្រជាពលរដ្ឋរបស់យើង ចំពោះវិស័យសុខាភិបាលយើងក៏មានមណ្ឌលសុខភាពពេទ្យឃុំមួយកន្លែងសម្រាប់គាំពារសុខភាពបងប្អូនប្រជាពលរដ្ឋយើងផងដែរ។

ក្នុងនោះដែរ ឃុំក៏បានផ្តល់នូវភូមិ ឃុំ មានសុវត្ថិភាព គ្មានល្បែងស៊ីសង គ្មានការចែកចាយគ្រឿងញៀន និងការជួញដូរមនុស្សផងដែរ ។ ហើយនៅពេលខាងមុខនេះ ពលរដ្ឋទាំងអស់នឹងត្រូវបានចូលរួមបោះឆ្នោតដើម្បីជ្រើសរើសក្រុមប្រឹក្សាឃុំ/សង្កាត់ ដោយស្ម័គ្រចិត្តទៅតាមគោលការណ៍នៃលទ្ធិប្រជាធិបតេយ្យ គ្មានការគំរាមគំហែង ដោយសេរី និងយុត្តិធម៌ត្រឹមត្រូវពិតប្រាកដ៕

ដោយ ៖ សាន វិឡែម