ព័ត៌មានជាតិ
ឧកញ៉ា គង់ សាង នាំយកថវិកា ២៤ម៉ឺនដុល្លារ ចូលរួមការងារបោសសំអាតមីននៅកម្ពុជា
លោកឧកញ៉ា គង់ សាង ប្រធានសមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) និងសហការី បានប្រគល់វិភាគទាននូវថវិកាចំនួន ២៤០.០០០ ដុល្លារ ជូនដល់អាជ្ញាធរមីន នៅថ្ងៃទី១១ ខែមករា ឆ្នាំ២០២៣ ដែលបានមកពីការរៃអង្គាសថវិកាពីបណ្តារោងចក្រផ្សេងៗ ដែលជាសមាជិកនៃសមាគម TAFTAC នាថ្ងៃទី១៧ ខែវិច្ឆិកា ឆ្នាំ២០២២កន្លងទៅ ក្រោមអធិបតីភាពរបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក នៃកងយោធពលខេមរភូមិន្ទ។
លោកឧកញ៉ា គង់ សាង បានលើកឡើងថា វិភាគទាននេះ នឹងរួមចំណែកបន្ថែមទៀត ក្នុងការជួយដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា លើការងារបោសសម្អាតមីន និងសំណល់ជាតិផ្ទុះពីសង្រ្គាម ជាពិសេសសម្រេចបាននូវទស្សនវិស័យរបស់សម្តេចតេជោនាយករដ្ឋមន្រ្តី គឺកម្ពុជាគ្មានមីនឆ្នាំ២០២៥ ក្រោមមូលបទ “ផ្តល់ដីសុវត្ថិភាព បង្កើតស្នាមញញឹម”។ លោកឧកញ៉ា បានវាយតម្លៃខ្ពស់ចំពោះភាពជោគជ័យរបស់អាជ្ញាធរមីន ក្នុងការងារសម្របសម្រួលសកម្មភាពមីននៅកម្ពុជា និងបានសម្រេចបាននូវសមិទ្ធផលយ៉ាងត្រចះត្រចង់រយៈពេល ៣០ឆ្នាំនេះ។
ក្នុងនាមសម្តេចតេជោនាយករដ្ឋមន្ត្រី និងជាប្រធានអាជ្ញាធរមីន លោកទេសរដ្ឋមន្រ្តី លី ធុជ បានថ្លែងអំណរគុណយ៉ាងជ្រាលជ្រៅ ចំពោះឆន្ទះនៃការរួមចំណែកប្រកបដ៏សប្បុរស ក្នុងការងារបោសសម្អាតមីន និងសំណល់ជាតិផ្ទុះពីសង្គ្រាមនៅកម្ពុជា របស់សមាគម TAFTAC សហការី និងបណ្តារោងចក្រផ្សេងៗដែលជាសមាជិក ហើយកាយវិការដ៏សប្បុរស ពិតជាមិនអាចបំភ្លេចបានសម្រាប់ប្រជាជនដែលកំពុងបន្តរស់នៅតំបន់មានការគម្រាមដោយសារមីនប្រមាណជាង ១លាននាក់។
លោកទេសរដ្ឋមន្រ្តី បានវាយតម្លៃខ្ពស់ចំពោះសមាគម TAFTAC ដែលជាស្ថាប័នឯកជនមួយចូលរួមជួយដល់ការអភិវឌ្ឍកំណើនសេដ្ឋកិច្ចជាតិ បង្កើតនូវឱកាសការងារយ៉ាងច្រើនសន្ធឹកសន្ធាប់ លើកកម្ពស់ជីវភាពរស់នៅ និងបានកសាងនូវសមត្ថភាពវិជ្ជាជីវៈជូនប្រជាពលរដ្ឋខ្មែរ ផងដែរ។
លោកបន្តទៀតថា វិភាគទាននេះ អាជ្ញាធរមីន នឹងយកទៅប្រើប្រាស់ដើម្បីធ្វើការបោសសម្អាតមីននៅស្រុកគិរីសាគរ ខេត្តកោះកុង ជាពិសេសនឹងប្រែក្លាយកោះស្តេចដែលកំពុងរងផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម ទៅជាតំបន់ទេសចរណ៍ប្រកបដោយសុវត្ថិភាព។
លោកទេសរដ្ឋមន្រ្តី បានគូសបញ្ជាក់បន្ថែមថា គិតត្រឹមខែធ្នូ ឆ្នាំ២០២២ ខេត្តកោះកុង នៅសល់ផ្ទៃដីមានមីន ជាង ២៣ គីឡូម៉ែត្រក្រឡា ស្មើនឹង ៣៦៣ ចម្ការមីន ហើយនឹងអាចប្រកាសជាខេត្តអស់មីនក្នុងឆ្នាំ២០២៥ ក្រោមការគាំទ្រពីរាជរដ្ឋាភិបាល និងដៃគូអភិវឌ្ឍន៍ ក្នុងនោះក៏មានការចូលរួមពីសមាគម TAFTAC ផងដែរ។
ជាមួយគ្នានេះផងដែរ អាជ្ញាធរមីន និង សមាគម TAFTAC ក៏បានចុះអនុស្សារណៈនៃការយោគយល់គ្នាស្តីពីការបង្កើតកិច្ចសហការ និងការគាំទ្រដល់ប្រជាពលរដ្ឋពិការនិងងាយរងគ្រោះ ដែលក្នុងនោះវិទ្យាស្ថានបណ្តុះបណ្តាលវិស័យកាត់ដេរកម្ពុជា (CGTI) នៃសមាគម TAFTAC នឹងគាំទ្រដល់ការបណ្តុះបណ្តាលវិជ្ជាជីវៈដល់ប្រជាពលរដ្ឋពិការ និងងាយរងគ្រោះ ដើម្បីឲ្យពួកគាត់ទទួលបាននូវសមត្ថភាពគ្រប់គ្រាន់អាចបម្រើការងារនៅតាមបណ្តារោងចក្រផ្សេងៗដែលជាសមាជិកនៃសមាគម TAFTAC ។ លោកឧកញ៉ា គង់ សាង បានគូសបញ្ជាក់ថា អនុស្សារណៈនៃការយោគយល់គ្នា បានបង្ហាញអំពីភាពជាដៃគូរវាងវិស័យសាធារណៈ និងឯកជនដ៏មានសារសំខាន់ក្នុងការចូលរួមសម្រាលបន្ទុកសង្គមផង និងចូលរួមអភិវឌ្ឍសេដ្ឋកិច្ចផង៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ