ព័ត៌មានជាតិ
ស៊ីម៉ាក់ចាប់ផ្តើមចល័តកងកម្លាំងបោសសំអាតមីនទៅកាន់ខេត្តចំនួន៥ តាមផែនការ
អង្គភាពស៊ីម៉ាក់បានចាប់ផ្តើមចល័តកងកម្លាំងបោសសំអាតមីនទៅកាន់ខេត្តគោលដៅចំនួន៥រួមមានខេត្តកំពង់ធំ សៀមរាប ព្រះវិហារ ពោធិ៍សាត់ និងខេត្តប៉ៃលិន ដើម្បីរំដោះផ្ទៃដីមានគ្រាប់មីននៅឆ្នាំ២០២៣នេះ ឱ្យបានជាង ១ម៉ឺនហិកតា តាមផែនការ។
សកម្មភាពបោសសំអាតមីនេះ ទទួលថវិកាពីគម្រោងមូលធូលនិធិកម្ពុជាគ្មានមីនឆ្នាំ២០២៥ជាកញ្ចប់ថវិកា ដែលសម្តេចតេជោ ទទួលបានពីសម្បុរសជននានាប្រមាណ៣០លានដុល្លារ អាមេរិកសម្រាប់បោស សំអាត មីននៅតាមបណ្តាខេត្តចំនួន១០។
បើតាមលោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានសរសេរនៅក្នុងបណ្តាញ សង្គមហ្វេប៊ុកថា គម្រោងមូលធូលនិធិកម្ពុជា គ្មានមីនឆ្នាំ២០២៥នេះជាកញ្ចប់ថវិកាដែលសម្តេចតេជោបានអនុម័តនោះ អាចរំដោះផ្ទៃដីចម្ការមីនបានចំនួន១៨,០០០ហិកតា ក្នុងចំនួននេះអង្គភាពស៊ីម៉ាក់នឹងបោសសម្អាតតំបន់ចម្ការមីនចំនួន១០,៦០០ហិចតា ក្នុងខេត្តកំពង់ធំ សៀមរាប និងស្រុកខ្លះនៃខេត្តព្រះវិហារ ខេត្តពោធិ៍សាត់ និងខេត្តប៉ៃលិន។
គម្រោងនេះជួយគាំទ្រកម្លាំងជំនាញនានាចំនួនជិត៦០០នាក់ ដែលមានសុនខហិតមីនចំនួន១៣ក្រុម កងអនុសេនាតូចគ្រឿងចក្រចំនួន២១កង និងក្រុមស្រាវជ្រាវនិងបោសសម្អាតមីនចំនួន៣៦ក្រុម។
ចំណែកលោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ធ្លាប់បានមានប្រសាសន៍ថាថវិកាផ្ដល់ពីសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា ប្រមាណ ៣០លានដុល្លារ អាមេរិក ត្រូវបានបែងចែកទៅកងកម្លាំងចំនួន៣ ដើម្បីធ្វើការងារបោសសំអាត ចម្ការមីន នៅឆ្នាំ២០២៣ ក្នុងខេត្តចំនួន១០ ក្នុងនោះ មានកងកម្លាំងមជ្ឈមណ្ឌលសកម្មកំចាត់មីនកម្ពុជា (CMAC) កងទ័ពជើងគោក និងកងកម្លាំងមួកខៀវ ។
លោកទេសរដ្ឋមន្ត្រី លី ធុជ បានបន្តថា សម្រាប់ផ្ទៃដីដែលកម្លាំងទាំង៣ នឹងត្រូវបោសសំអាត មានចំនួនជាង ១៨០គីឡូម៉ែត្រឡា ខណៈថវិកាបានមកពីប្រទេសជាដៃគូ និងសប្បុរសជននានា គឺត្រូវប្រើប្រាស់លើការងារបោសសំអាតចម្ការមីន នៅទូទាំងប្រទេស ជាច្រើនគីឡូម៉ែត្រក្រឡាទៀត។
លោកទេសរដ្ឋមន្ត្រីបានបន្តទៀតថា ការបោសសំអាតចម្ការមីននេះ នៅឆ្នាំ២០២៣ កងកម្លាំងមួកខៀវ នឹងអនុវត្តនៅខេត្តកោះកុង និងខេត្តមណ្ឌលគិរី លើផ្ទៃដីជាង ២៧គីឡូម៉ែត្រក្រឡា, កងទ័ពជើងគោក អនុវត្តនៅខេត្តបន្ទាយមានជ័យ ឧត្តរមានជ័យ និងខេត្តកំពង់ស្ពឺ លើផ្ទៃដីជាង ៤៦គីឡូម៉ែត្រក្រឡា។ ចំណែកកម្លាំងស៊ីម៉ាក់អនុវត្តនៅខេត្តប៉ៃលិន ពោធិ៍សាត់ សៀមរាប ព្រះវិហារ និងខេត្តកំពង់ធំ លើផ្ទៃដីចំនួនជាង ១០៦គូឡូម៉ែត្រក្រឡា ។
ថវិកាសម្ដេចតេជោ ៣០លានដុល្លារនេះ សកម្មភាពបោសសំអាតមីន នៅដើមឆ្នាំ២០២៣នេះ បើធៀបនឹងឆ្នាំមុនៗ គឺមានល្បឿនលឿនជាង ព្រោះមានកងកម្លាំងជាច្រើន ត្រូវបានដាក់ពង្រាយនៅទូទាំងប្រទេស រួមទាំងមានសម្ភារបោសសំអាតទំនើប។ នេះជាការបន្ថែមរបស់លោក លី ធុជ៕ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត