ព័ត៌មានជាតិ
រមណីយដ្ឋានសម្រស់កោះហានទទួលបានពានជាប់ចំណាត់ថ្នាក់”ស្តង់ដាអាស៊ាន”
រមណីយដ្ឋានសហគមន៍អេកូទេសចរណ៍សម្រស់កោះហាន ស្ថិតនៅតាមដងទន្លេមេគង្គលើក្នុងតំបន់រ៉ាមសារនៃខេត្តស្ទឹងត្រែងត្រូវបានវាយតម្លៃនៅប្រទេសឥណ្ឌូនេស៊ីជាប់ពានរង្វាន់ចំណាត់ថ្នាក់ “សហគមន៍អេកូទេសចរណ៍ស្តង់ដាអាស៊ាន” ក្នុងចំណោមសហគមន៍ជាច្រើនផ្សេងទៀតនៃប្រទេសកម្ពុជាដែលបានដាក់ប្រកួតប្រជែង។
លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានឲ្យដឹងថា កាលពីថ្ងៃទី ៥ កុម្ភៈ កន្លងទៅនៅប្រទេសឥណ្ឌូនេស៊ីមានការប្រកួតប្រជែងផ្នែកសហគមន៍អេកូទេសចរណ៍ លោកបានជ្រើសរើសយកសហគមន៍អេកូទេសចរណ៍សម្រស់កោះហានទៅប្រកួតប្រជែងតាមរយៈក្រសួងទេសចរណ៍ហើយមានការវាយតម្លៃ ជាប់ចំណាត់ថ្នាក់ស្តង់ដាអាស៊ាន នេះគឺជាមោទនភាពមួយសម្រាប់ខេត្តស្ទឹងត្រែង។
លោកប្រធានមន្ទីរទេសចរណ៍បន្តឲ្យដឹងទៀតថា មកដល់ពេលនេះពានរង្វាន់ដែលជាប់ចំណាត់ថ្នាក់ស្តង់ដាអាស៊ាន បានយកមកដល់ក្រសួងទេសចរណ៍ហើយ គឺរង់ចាំតែថ្ងៃណាមួយខាងសហគមន៍នឹងទៅទទួលយកពានរង្វាន់សហគមន៍អេកូទេសចរណ៍ ដែលជាប់ចំណាត់ថ្នាក់ស្តង់ដាអាស៊ាននៅក្រសួងទេសចរណ៍ក្នុងពេលដ៏ឆាប់ខុសមុខនេះ។
លោកស្រី មីន បូរចនា ភ្ញៀវទេសចរមកពីខេត្តសៀមរាបបានបង្ហាញពីអារម្មណ៍ពិតពេលទៅកម្សាននៅតាមតំបន់រាមសារបានរៀបរាប់ដោយក្តីរីករាយថានៅក្នុងសហគមន៍គឺជាកន្លែងកម្សាន្តដ៏ប្លែកខុសពីតំបន់សៀមរាបអង្គរមាត់សមុទ្រ និងខេត្តដែលមានតំបន់ព្រៃភ្នំ ខេត្តស្ទឹងត្រែងមានដងទន្លេមានព្រៃលិចទឹកដ៏សំបូរបែបបង្ហាញពីទស្សនីយភាពទាក់ទាញភ្ញៀវមកកម្សាន្ត។
ម្យ៉ាងទៀតនេះគឺជាមោទនភាពក្រោមការដឹកនាំរបស់ប្រមុខរាជរដ្ឋាភិបាលដែលមានផ្លូវស្ពានទើបភ្ញៀវទេសចរអាចចង់ទៅកម្សាន្តបានគ្រប់ទីកន្លែង។
លោកស្រីបានរៀបរាប់ទៀតថា ពេលមកដល់ខេត្តស្ទឹងត្រែងគឺពិតជាទទួលបានអារម្មណ៍ស្រស់ស្រាយសប្បាយរីករាយខ្លាំងណាស់ សហគមន៍អេកូទេសចរណ៍សម្រស់កោះហានគឺជាកន្លែងសម្រាប់ក្រុមគ្រួសារមិត្តភក្កិបងប្អូនពេលដែលបានមកលេងកំសាន្តនៅទីនេះ៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង