ព័ត៌មានជាតិ
មកដឹង កន្លែងផ្តល់សេវាព្យាបាលជំងឺផ្លូវចិត្ត និងគ្រឿងញៀនជាង ៤៥០កន្លែង នៅកម្ពុជា
លោកវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល នៃក្រសួងសុខាភិបាល មានប្រសាសន៍ថា បច្ចុប្បន្នប្រទេសកម្ពុជាមានកន្លែងផ្តល់សេវាព្យាបាលជំងឺផ្លូវចិត្ត និងគ្រឿងញៀនចំនួន ៤៥៤កន្លែងនៅទូទាំងប្រទេស ដើម្បីព្យាបាលអ្នកជំងឺជំងឺផ្លូវចិត្ត និងគ្រឿងញៀនឱ្យមានសុខភាពល្អប្រសើរ។
នៅក្នុងកិច្ចប្រជុំផ្សព្វផ្សាយគម្រោងស្តីពី “ការលើកកម្ពស់សុខភាពផ្លូវចិត្តក្នុងចំណោមប្រជាជនទទួលរងការប៉ះទង្គិចផ្លូវចិត្ត” នៅរាជធានីភ្នំពេញ ខេត្តកំពង់ស្ពឺ ខេត្តកំពង់ឆ្នាំង ខេត្តបាត់ដំបង និងខេត្តសៀមរាប នៅថ្ងៃទី១៤ មីនា នៅសណ្ឋាគារសាន់វ៉េ លោកវេជ្ជបណ្ឌិត ហុក គឹមចេង មានប្រសាសន៍ថា កន្លែងផ្តល់សេវាព្យាបាលផ្លូវចិត្ត និងគ្រឿងញៀន ចំនួន ៤៥៤កន្លែង មាននៅ មន្ទីរពេទ្យថ្នាក់ជាតិចំនួន ២កន្លែង គឺមន្ទីរពេទ្យមិត្តភាពខ្មែរ-សូវៀត និងមន្ទីរពេទ្យមិត្តភាពកម្ពុជា-ចិន ព្រះកុសុមៈ, មន្ទីរពេទ្យបង្អែករាជធានី-ខេត្ត ២៥កន្លែង, មន្ទីរពេទ្យបង្អែកស្រុកប្រតិបត្តិ ៧២កន្លែង និងមណ្ឌលសុខភាព ៣៥៥កន្លែង។
លោកវេជ្ជបណ្ឌិត ហុក គឹមចេង មានប្រសាសន៍បន្តទៀតថា សុខភាពផ្លូវចិត្ត គឺជាអាទិភាពមួយ ក្នុងចំណោមអាទិភាពដទៃទៀតរបស់ក្រសួងសុខាភិបាល ហើយសុខភាពផ្លូវចិត្តនេះកើតឡើងមិនមែនដោយសារតែការប៉ះទង្គិចក្នុងគ្រោះមហន្តរាយ ដូចជាសង្គ្រាមនោះទេ វាអាចកើតមានឡើងក្នុងជីវិតរស់នៅប្រចាំថ្ងៃរបស់យើងផងដែរដូចជា អំពើហិង្សាក្នុងគ្រួសារ គ្រោះថ្នាក់ចរាចរ ភាពស្លុតរន្ធត់ដែលបានជួបប្រទះដោយផ្ទាល់ ឬដោយមិនផ្ទាល់ មានជាអាទិ៍ អំពើចោរកម្ម ការទស្សនារូបភាព ឬខ្សែភាពយន្ត ឬទំព័រសារព័ត៌មានជាដើម។
លោកវេជ្ជបណ្ឌិត ហុក គឹមចេង បានបន្ថែមថា ក្នុងបរិការណ៍នេះ ក្រសួងសុខាភិបាល បានពង្រីកការគ្របដណ្ដប់សេវា និងពង្រឹង ប្រសិទ្ធភាពនៃការផ្តល់សេវាសុខភាពផ្លូវចិត្ត និងការបំពានគ្រឿងញៀនដល់ក្រុមគោលដៅងាយរងគ្រោះក្នុងព្រះរាជាណាចក្រកម្ពុជា តាមរយៈការធ្វើសមាហរណកម្មសេវាទៅក្នុងសំណុំសកម្មភាពអប្បរមាសម្រាប់មណ្ឌលសុខភាព និងសំណុំសកម្មភាពបង្រ្គប់សម្រាប់មន្ទីរពេទ្យបង្អែកដែលបច្ចុប្បន្នគ្របដណ្តប់ ៤៥៤កន្លែង នៅទូទាំង ២៥រាជធានីខេត្ត។
លោកវេជ្ជបណ្ឌិត ហុក គឹមចេង បានស្នើដល់ស្ថាប័នពាក់ព័ន្ធទាំងអស់ រួមសហការគ្នាឱ្យកាន់តែស៊ីជម្រៅថែមទៀត ដើម្បីឱ្យការអនុវត្តផែនការគម្រោង ការងារបង្ការ ថែទាំ និងព្យាបាលអ្នកជំងឺផ្លូវចិត្ត ឱ្យមានភាពស៊ីចង្វាក់គ្នា និងមានប្រសិទ្ធិភាព៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?