ព័ត៌មានជាតិ

លោកជំទាវ ម៉ែន សំអន ៖ ត្រូវបន្តរួមគ្នាសាងល្អ រួមគ្នាដោះស្រាយចម្ងល់ និងសំណូមពរប្រជាពលរដ្ឋ តាមរយៈការបម្រើសេវាសាធារណៈឲ្យបានល្អប្រសើរ

បានផុស

២ years មុន

នៅ

ថ្ងៃអង្គារ ២៨ មីនា ២០២៣

ដោយ

លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា បានថ្លែងនូវការជំរុញដល់មន្ត្រីគ្រប់ថ្នាក់មូលដ្ឋាន ត្រូវបន្តរួមគ្នាសាងល្អ រួមគ្នាដោះស្រាយចម្ងល់ និងសំណូមពរប្រជាពលរដ្ឋ តាមរយៈការបម្រើសេវាសាធារណៈឲ្យបានល្អប្រសើរថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈជួបសំណេះសំណាលជាមួយថ្នាក់ដឹកនាំគណបក្សប្រជាជនកម្ពុជាសង្កាត់ឫស្សីកែវ នៅស្នាក់ការគណបក្សប្រជាជនសង្កាត់ ស្ថិតនៅផ្លូវភូមិខាំងសារិន ក្រុមទី ៥ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ កាលពីព្រឹកថ្ងៃអង្គារ ៧ កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៨ ខែមីនា ឆ្នាំ ២០២៣។

លោកជំទាវ បានពាំនាំនូវការផ្ដាំផ្ញើសាកសួរសុខទុក្ខពីសំណាក់ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់សមាជិកទាំងអស់ នៃសង្កាត់ឫស្សីកែវ ដោយក្តីនឹករលឹក និងការគិតគូរយកចិត្តទុកដាក់ដល់ប្រជាពលរដ្ឋនៅទូទាំងប្រទេស។

លោកជំទាវ បានថ្លែងនូវការកោតសរសើរដល់ លោក មូល វីរៈ ដែលជាចៅសង្កាត់ បានដឹកនាំគ្រប់គ្រង ធានាបាននូវសុខសន្តិភាព សុវត្ថិភាពសង្គម និងសណ្ដាប់ធ្នាប់សាធារណៈ បានល្អ និងទទួលបានលទ្ធផលគួរជាទីមោទនៈ ដើម្បីចូលរួមចំណែកដល់កិច្ចអភិវឌ្ឍន៍រាជធានីភ្នំពេញ។