ព័ត៌មានជាតិ

លោកជំទាវ ម៉ែន សំអន បួងសួងដល់ទេវតាឆ្នាំថ្មី ជួយថែរក្សាថ្នាក់ដឹកនាំប្រទេស ក៏ដូចពលរដ្ឋទាំងអស់ ទទួលបានសេចក្ដីសុខ នាឱកាសបុណ្យចូលឆ្នាំថ្មីនេះ

បានផុស

៣ years មុន

នៅ

ថ្ងៃសៅរ៍ ៨ មេសា ២០២៣

ដោយ

លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា បានធ្វើការបួងសួងដល់ទេវតាឆ្នាំថ្មីជួយថែរក្សាថ្នាក់ដឹកនាំប្រទេស មន្ត្រីរាជការកងកម្លាំងប្រដាប់អាវុធ ក៏ដូចពលរដ្ឋទាំងអស់ទទួលបានសេចក្តីសុខនាឱកាសបុណ្យចូលឆ្នាំថ្មីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ម៉ែន សំអន បួងសួងបែបនេះ ខណៈអញ្ជើញជាអធិបតីក្នុងពិធីសូត្រមន្ត ប្រោះព្រំលើករាសី ទទួលអំណរសាទរទេវតាឆ្នាំថ្មី ឆ្នាំថោះ ដែលនឹងឈានមកដល់ នៅថ្ងៃសុក្រ ៩ រោច ខែចេត្រ ឆ្នាំថោះ បញ្ចស័ក ព.ស. ២៥៦៦ ត្រូវនឹងថ្ងៃទី ១៤ ខែមេសា ឆ្នាំ ២០២៣ នាពេលខាងមុខនេះ នាស្នាក់ការកណ្ដាលគណបក្សប្រជាជនកម្ពុជា (វិមាន៧មករា) កាលពីរសៀល ថ្ងៃសុក្រ ១ រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ៧ ខែមេសា ឆ្នាំ ២០២៣។

ពិធីនេះផងដែរបានរៀបចំឡើងតាមបែបប្រពៃណីព្រះពុទ្ធសាសនា គឺក្នុងគោលបំណងសុំពរជ័យ សិរីសួស្ដីគ្រប់ប្រការពីទេវតាឆ្នាំថ្មី និង សុំជួយដល់ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា អស់លោក លោកស្រី ថ្នាក់ដឹកនាំមន្ទីរ អង្គភាព មន្ត្រីរាជការ និងប្រជាពលរដ្ឋខ្មែរនៅទូទាំងប្រទេស ជួបតែសេចក្តីសុខចម្រើន ទទួលបានជោគជ័យបន្ថែមទៀតគ្រប់ភារកិច្ចរបស់ខ្លួន៕

អត្ថបទ ៖ វិមាន