ព័ត៌មានជាតិ
ម្ចាស់កំពង់ចម្លងនិងអ្នកបើកទូកចម្លងជាង ១០០ នាក់ ទទួលការបណ្ដុះបណ្ដាលនាវាចរណ៍
សិក្ខាកាមជាង ១០០ នាក់ ដែលជាម្ចាស់កំពង់ចម្លង និងអ្នកបើកបរទូកចម្លងនៅក្នុងខេត្តកណ្តាល ទទួលបានការបណ្តុះបណ្តាលពីសុវត្ថិភាពផ្លូវទឹក និងជំនាញបើកបរនាវា។
វគ្គបណ្តុះបណ្តាលរយៈពេល ៥ ថ្ងៃដែលរៀបចំឡើងនៅក្នុងសប្តាហ៍នេះ មានការចូលរួមពីគ្រូឧទ្ទេសចំនួន ៦ នាក់ មកពីអគ្គនាយកដ្ឋានផ្លូវទឹក ផ្លូវសមុទ្រ និងកំពង់ផែ កំពង់ផែស្វយ័តក្រុងភ្នំពេញ កំពង់ផែស្វយ័តក្រុងព្រះសីហនុ។
លោក ឌួង វណ្ណៈ ប្រធានការិយាល័យដឹកជញ្ជូនផ្លូវទឹក និងកំពង់ផែខេត្តកណ្តាលបានឲ្យដឹងថា វគ្គបណ្តុះបណ្តាលនេះសិក្សាទៅលើប្រធានបទចំនួន ៦ រួមមាន៖
1. ការត្រួតពិនិត្យលក្ខណបច្ចេកទេសនាវា និងការគណនាវាស់វែងនាវា
2. នីតិវិធីនៃការចុះបញ្ជីនាវា
3. ទីតាំងភូមិសាស្ត្រផ្លូវទឹក ចរន្តទឹក ការគណនាល្បឿននាវា ប្រភេទពោងសញ្ញា និងលក្ខណៈនាវា។ ការបង្ការ ការតាមដាន និងការប្រយុទ្ធទល់នឹងអគ្គីភ័យនៅលើនាវា
4. សុវត្ថិភាពតាមផ្លូវសមុទ្រ និងវិធានអន្តរជាតិ ស្ដីពីការពារការប៉ះទង្គិចនៅសមុទ្រ (COLREG)
5. មូលដ្ឋានគ្រឹះរបស់នាវិក (Seamen Basic Skill)។ បច្ចេកទេសនៃការរៀបចំចងខ្សែពួរ និងខ្សែកាប សម្រាប់សណ្តោងនាវា
6. ការយល់ដឹងពីម៉ាស៊ីននាវាទូទៅ។ ការថែទាំ គណនាល្បឿន និងជួសជុលម៉ាស៊ីននាវា
ថ្លែងនៅក្នុងពិធីបិទវគ្គបណ្តុះបណ្តាលស្តីពីសុវត្ថិភាពតាមផ្លូវទឹក និងជំនាញបើកបរនាវាថ្នាក់លេខ ៣ ដល់ម្ចាស់អាជីវកម្មកំពង់ចម្លង និងអ្នកបើកបរទូកចម្លង លោក ម៉ឹង យូឡេង ប្រធានមន្ទីរសាធារណការខេត្តកណ្ដាលបានឲ្យដឹងថា តាមរយៈការរៀបចំវគ្គបណ្ដុះបណ្ដាលនេះ នឹងអាចបង្កើនការយល់ដឹងដល់ម្ចាស់អាជីវកម្មទូកដចម្លង និងអ្នកបើកបរលើផ្នែកសុវត្ថិភាពផ្លូវទឹកនិងជំនាញបើកបរនាវាស្របតាមបច្ចេកទេស។
យោងតាមលទ្ធផលនិងបទពិសោធន៍ការងារកន្លងមក ការដឹកជញ្ជូនតាមផ្លូវទឹកមានបញ្ហាប្រឈមមួយចំនួន។ ជាក់ស្ដែង កាលពីឆ្នាំ២០២២ មានឧបទ្ទវហេតុលិចទូកដចម្លង នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ដែលឧបទ្ទវហេតុនោះបានធ្វើឲ្យសិស្សសាលាស្លាប់ ១១នាក់។ ករណីនេះកើតឡើង ដោយការធ្វេសប្រហែសរបស់អ្នកបើកបរ ហើយនៅលើទូកដចម្លងមិនមានភ្លើងបំភ្លឺ គ្មានពោងសុវត្ថិភាព និងសម្ភារៈជួយសង្គ្រោះ។
ទាក់ទងការគ្រប់គ្រងកំពង់ចម្លងដែលកំពុងធ្វើអាជីវកម្មនៅក្នុងខេត្តកណ្តាល លោក ម៉ឹង យូឡេង បានបញ្ជាក់ថា ជំហានដំបូងមន្ទីរមិនទាន់អាចចុះអនុវត្តភ្លាមៗ គឹអំពាវនាវដល់ម្ចាស់ធ្វើអាជីវកម្មកំពង់ចម្លងត្រូវមកចូលរួមវគ្គសិក្សាសិន ដើម្បីបានយល់ពីតម្លៃនៃការដឹកជញ្ជូន និងជ្រួតជ្រាបពីបញ្ហាបច្ចេកទេសក្នុងការការត្រួតពិនិត្យនាវា ការបញ្ជានាវា ធានាសុវត្ថិភាពការដឹកជញ្ជូនសដើម្បីចៀសវាងគ្រោះថ្នាក់ជាយថាហេតុ។ ក្រោយផ្តល់ការបណ្តុះបណ្តាល មន្រ្តីជំនាញនឹងចុះត្រួតពិនិត្យតាមទីតាំងប្រកបអាជីវកម្មកំពង់ចម្លង ហើយបើរកឃើញថាម្ចាស់អាជីវកម្មទូកដចម្លងណាមិនអនុវត្តបានត្រឹមត្រូវតាមបច្ចេកទេសដែលបានណែនាំ នឹងអាចឈានទៅដាក់ពិន័យនិងបិទអាជីវកម្មតែម្តង។
យោងតាមមន្ទីរសាធារណការនិងដឹកជញ្ជូនខេត្តកណ្តាល បច្ចុប្បន្ននៅក្នុងខេត្តកណ្តាលមានអាជីវកម្មកំពង់ចម្លងចំនួន ៨១ កន្លែង និងកំពង់ផែមានចំនួន ៤៤ កន្លែង។
ក្រសួងសាធារណការនិងដឹកជញ្ជូន តាមរយៈអគ្គនាយកដ្ឋានដឹកជញ្ជូនផ្លូវទឹកកំពុងជំរុញរៀបចំច្បាប់ស្តីពីការដឹកជញ្ជូនតាមផ្លូវទឹកនិងកំពង់ផែឲ្យបានឆាប់ ដើម្បីគ្រប់គ្រងការធ្វើដំណើរតាមផ្លូវទឹកឲ្យមានសុវត្ថិភាព។
នៅក្នុងសន្និសីទវឌ្ឍនភាពរបស់ក្រសួងសាធារណការកាលពីពេលកន្លងទៅ លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា ឧបទ្ទវហេតុលិចទូកដចម្លងនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ជំរុញឲ្យក្រសួងត្រូវតែពន្លឿនបង្កើតច្បាប់ដឹកជញ្ជូនតាមផ្លូវទឹក និងច្បាប់កំពង់ផែឲ្យបានឆាប់បំផុត។ លោកទទួលស្គាល់នៅចន្លោះប្រហោងដែលក្រសួងមិនបានចុះទៅត្រួតពិនិត្យឲ្យបានដិតដល់។ ណាមួយដោយសារមិនទាន់មានច្បាប់ដើម្បីអនុវត្ត។
“តើទូកដសព្វថ្ងៃដែលបើកសេវាចម្លងអ្នកដំណើរ មានអាវពោងសុវត្ថិភាពគ្រប់គ្រាន់អត់? បើលិចទៅមានអាវពោងការពារអ្នកដំណើរអត់? ចឹងទេយើងត្រូវមានច្បាប់គ្រប់គ្រង”។
ចំពោះឧបទ្ទវហេតុលិចទូកចម្លងនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាលដែលបានបណ្ដាលឱ្យសិស្សសាលាស្លាប់ចំនួន ១១ នាក់ លោក ស៊ុន ចាន់ថុល បន្ថែមពីការចូលរួមរំលែកទុក្ខ លោករំពឹងថានៅពេលច្បាប់ដឹកជញ្ជូនតាមផ្លូវទឹក និងច្បាប់កំពង់ផែដាក់ឲ្យអនុវត្តស្របតាមស្ដង់ដារបច្ចេកទេស នឹងទប់ស្កាត់មិនឲ្យមានហេតុការណ៍អាក្រក់នេះកើតឡើងជាថ្មី៕
ក្រុមទម្លាក់យោងម្នាក់ ក្នុងចំណោមបក្ខពួក៣នាក់ ត្រូវនគរបាលខេត្តកំពង់ស្ពឺឃាត់ខ្លួន
គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់
ព្រះវិហារ ដ៏ចំណាស់អាយុជាង ១០០ឆ្នាំ ក្នុងវត្តដំណាក់ កំពុងទទួលបានការជួសជុល អភិរក្ស
កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ
តំបន់ទឹកស្ទឹង ដែលរីងហួតហែងនៅប៉ែកខាងក្រោម ចាប់ផ្ដើមមានទឹកហូរកាត់រឹមៗហើយ
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
ន.ប.ប.ប បំភ្លឺថា ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស
ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង
-
សន្តិសុខសង្គម៥ ថ្ងៃ agoជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ agoប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ agoសមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ agoUpdate៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ agoសមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ agoសមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ agoស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ