ព័ត៌មានជាតិ

សម្តេចមិនទទួលការសុំទោស និងឱ្យមេធារី ដំណើរការផ្លូវច្បាប់លើលោក ជា ប៉ូច

បានផុស

៣ years មុន

នៅ

ថ្ងៃអាទិត្យ ២១ ឧសភា ២០២៣

ដោយ

សម្តេចតេជោ ហ៊ុន សែន មិនទទួលការសុំទោស និងឲ្យមេធាវីដំណើរការផ្លូវច្បាប់លើលោក ជា ប៉ូច ដែលរៀបចំផែនការទម្លាក់ប្រមុខរដ្ឋាភិបាលសម្តេចតេជោ ហ៊ុន សែន។

នៅលើបណ្តាញតេឡេក្រាម ប្រមុខរដ្ឋាភិបាលសម្តេចតេជោ ហ៊ុន សែន បានបញ្ជាក់ថា រឿង ជា ប៉ូច បានកើតឡើងច្រើនថ្ងៃហើយរាប់ទាំងជា ប៉ូច សរសេរលិខិតមកសុំទោសខ្ញុំកាលពីថ្ងៃ១៥ ឧសភា ២០២៣។ ទាំងសារសម្លេង ជា ប៉ូចទាំងលិខិតជា ប៉ូច សុទ្ធតែទទួលស្គាល់ពាក្យទម្លាក់ហ៊ុន សែន ឲ្យបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាប់ទៅជា ប៉ូច ថា ពាក្យទម្លាក់មានវិធីច្រើនយ៉ាងតាមរបៀបបោះឆ្នោតដូចការពន្យល់របស់ប៉ូចក្នុងលិខិតថ្ងៃ ១៥ ឧសភា ២០២៣។ តាមវិធីរដ្ឋប្រហារយោធា តាមការប្រើប្រាស់បដិវត្តពណ៍ដែលគេប្រើនៅច្រើនកន្លែង ច្រើនប្រទេសដែលមានឈ្មោះខុសគ្នាតែមានគោលដៅទម្លាក់ឬផ្តួលរលំដូចគ្នា រហូតដល់ការធ្វើឃាតឬគ្រប់សកម្មភាពឲ្យតែកំចាត់មនុស្សដែលខ្លួនត្រូវកំចាត់ឲ្យខាងតែបាន។

លោក ជា ប៉ូច

ប៉ូចអាចប្រើពាក្យផ្សេងទៀត ក្រៅពីពាក្យទម្លាក់តែប៉ូចនិងបក្សមានចរិតបែបនេះជារៀងរហូតមកហើយក្លាយជាវប្បធម៍សងសឹកមិនចេះចប់ទាំងមេទាំងកូន។

សម្តេចតេជោ បានអះអាងថា «ខ្ញុំមិនទទួលយកការសុំទោសនោះឡើយប៉ូចគិតខ្លួនឯងទៅតើគួរធ្វើបែបណា?» ដើម្បីខ្លួននិងក្រុមគ្រួសារឬសុខចិត្តសែង ខ្មោចអាក្បត់ជាតិ ៣ ជំនាន់យកទៅកប់។ នៅមានរឿងដែលអាក្រក់មួយទៀតដែលមនុស្សក្នុងបក្សរៀបចំឡើងជាលិខិតបដិសេដ្ឋលើការផ្សាយរបស់ហ្វ្រេសញូ Fresh newsដែលដាក់ថ្ងៃ ១៤ ឧសភា ២០២៣ ដើម្បីឲ្យជា ប៉ូចចុះហត្ថលេខា។

យោងតាមពង្រាងលិខិតនេះគេមានគោលបំណងវាយប្រហារលើអង្គភាព Fresh news និងរក្សាកិត្តិយសគេទាំងបំពានដោយមិនខ្វល់ពីយុត្តិធម៍នោះឡើយ។

តាមព័ត៌មានដែលយើងទទួលបានលិខិតនេះ ត្រូវបានព្រាងឡើងដោយលោក សេង ម៉ាឌី ដែលខ្ញុំសុំលោកសេង ម៉ាឌី ធ្វើការពន្យល់។

ខ្ញុំសុំមេធាវីរបស់ខ្ញុំត្រៀមរៀបចំដំណើរការតាមផ្លូវច្បាប់ទាំងពីរករណីទាំងករណីជា ប៉ូច ទាំងករណីលិខិតបដិសេធតែត្រូវរង់ចាំរហូតថ្ងៃ ៣០ ឧសភា ២០២៣ ដើម្បីជា ប៉ូចធ្វើការសម្រេចចិត្តនិងគណបក្សធ្វើការបកស្រាយអំពីលិខិតបដិសេធ។

សូមភ្ជាប់ជូនសំដីជា ប៉ូច លិខិត ជា ប៉ូច និងលិខិតបដិសេធ។