ព័ត៌មានជាតិ
សម្ដេចតេជោ ហ៊ុន សែន ៖ សង្រ្គាមវាងាយបង្កើតណាស់ ប៉ុន្តែការរំលត់ភ្លើងសង្រ្គាមទើបវាជារឿងលំបាក
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើកឡើងថា ការបង្កើតសង្រ្គាម គឺជារឿងងាយស្រួលទេ តែការពន្លត់ភ្លើងសង្រ្គាមទើបជារឿងដែលលំបាក។
ការលើកឡើងរបស់សម្ដេចតេជោ ហ៊ុន សែន ធ្វើឡើងក្នុងពីធីជួបសំណេះសំណាលជាមួយកម្មករ-កម្មការិនី ក្នុងស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង (លើកទី២) នៅព្រឹកថ្ងៃទី ៩ ខែមិថុនា ឆ្នាំ ២០២៣នេះ។
សម្ដេចតេជោ ហ៊ុន សែន ថ្លែងបែបនេះថា «សង្រ្គាមវាងាយបង្កើតណាស់ សម្រេចចិត្តត្រឹមតែប៉ុន្មាននាទី គឺសង្រ្គាមផ្ទុះហើយ ប៉ុន្តែការរំលត់ភ្លើងសង្រ្គាមទើបវាជារឿងលំបាក លន់ នល់ សម្រេចចិត្តធ្វើរដ្ឋប្រហារទម្លាក់សម្ដេចព្រះ នរោត្ដម សីហនុ ព្រះបិតាជាតិរបស់យើង ព្រះបរមរតនកោដ្ឋ គឺសម្រេចចិត្តក្នុងតែប៉ុន្មានតែប៉ុណ្ណោះ ប៉ុន្តែផ្ទុយទៅវិញផលវិបាកពីការសម្រេចចិត្តនេះ បានធ្វើឲ្យប្រទេសមានសង្រ្គាម ដែលសម្លាប់ប្រជាជនពេលនោះរាប់សែននាក់ របួស ពិការរាប់ម៉ឺននាក់»។
សម្ដេចតេជោ ហ៊ុន សែន បានថ្លែងបន្តថា បន្ទាប់មក ប្រទេសកម្ពុជា បានចូលដល់របបប្រល័យពូជសាសន៍ ប៉ុល ពត ដោយប្រជាជនជាង ៣លាននាក់ ត្រូវបានសម្លាប់។ ក្រោយមកទៀត ថ្នាក់ដឹកនាំកម្ពុជាបច្ចុប្បន្ន បានរំដោះប្រជាជនចេញពីរបប ប៉ុល ពត តែសង្រ្គាមនៅមានបន្តរហូតដល់ឆ្នាំ ១៩៩៨ ទើបប្រទេសកម្ពុជា ទទួលបានសន្តិភាពពេញលេញ។
សម្ដេចតេជោ ហ៊ុន សែន ថ្លែងបញ្ជាក់បែបនេះថា «ហើយបានចាប់ផ្ដើមពីចំណុចដែលលំបាកបំផុត ទម្រាំមកដល់ពេលនេះ ទម្រាំរកបាននូវសន្តិភាព តា អ៊ុំ ពូ ត្រូវយកក្បាលទៅដូរទើបមានសន្តិភាពរហូតដល់សព្វថ្ងៃនេះ តាបានយកក្បាលទៅដូរច្រើនហើយ ទីមួយយកក្បាលទៅដូរដើម្បីរំដោះប្រជាជនឆ្នាំ ១៩៧៩ បើសិនជាពេលនោះតាមិនយកក្បាលទៅដូរទេ សួរថាឥឡូវនេះ ជាចំណុចជាក់ស្ដែងមួយថាតើ អ្នកណានឹងធ្វើកិច្ចការងារនោះ មិនមែនជាបញ្ហាលេងសើចទេ»។
សម្ដេចតេជោ ហ៊ុន សែន បានអរគុណដល់ប្រជាជនកម្ពុជានៅទូទាំងប្រទេស ដែលបានចូលរួមថែរក្សា ការពារសន្តិភាព និងបានអំពាវនាវឲ្យបន្តថែរក្សាការពារសន្តិភាព បន្តទៀត ដែលជាគ្រឹះនៃការអភិវឌ្ឍលើគ្រប់វិស័យ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ