ព័ត៌មានជាតិ
មជ្ឈមណ្ឌលព្យាបាលកុមារបេះដូងជប៉ុន ថ្មីមួយទៀត នឹងបើកឲ្យដំណើរការ នាដើមឆ្នាំ ២០២៥ ខាងមុខ
មជ្ឈមណ្ឌលព្យាបាលកុមារបេះដូងជប៉ុន ថ្មីមួយទៀត នឹងត្រូវបើកឲ្យដំណើរការនាដើមឆ្នាំ ២០២៥ ខាងមុខនេះ ដែលមានទីតាំងស្ថិតនៅបរិវេណមន្ទីរពេទ្យជ័យជំនះ ក្រុងតាខ្មៅ ខេត្តកណ្ដាល។
មជ្ឈមណ្ឌលព្យាបាលកុមារបេះដូងជប៉ុន នេះ ជាជំនួយរបស់អង្គការបេះដូងជប៉ុន ដែលជាអង្គការអន្តរជាតិស្ម័គ្រចិត្ត ផ្ដល់សេវាព្យាបាលជំងឺមហារីកកុមារដោយឥតគិតថ្លៃ និងមួយចំណែកទៀត បានមកពីការចូលរួមបរិច្ចាគថវិកាពីសប្បុរសជនក្នុងស្រុក ក្នុងការរួមគ្នាកសាងមជ្ឈមណ្ឌលនេះ ឲ្យលេចចេញជារូបរាងឡើងមក។
អង្គការបេះដូងជប៉ុន បានចាប់ផ្ដើមផ្ដល់សេវាវេជ្ជសាស្ត្រដំបូងនៅប្រទេសមីយ៉ាន់ម៉ា ហើយក្រោយមកពង្រីកខ្លួនចូលមកកម្ពុជា និងឡាវ នាឆ្នាំ ២០០៤ ដោយលោកវេជ្ជបណ្ឌិត Hideto Yoshioka ជាស្ថាបនិកជនជាតិជប៉ុន។ មជ្ឈមណ្ឌលថ្មីនេះ មានគ្រូពេទ្យជប៉ុន និងខ្មែរ ដែលមានឯកទេសច្បាស់លាស់ជាច្រើនរូប ជាពិសេសសម្បូរទៅដោយវេជ្ជបណ្ឌិតជំនាញផ្នែកមហារីក ដុំគីស វះដុះគីស រោគស្ត្រី និងកុមារ។
សូមជម្រាបថា មុននឹងឈានទៅដល់ការបើកដំណើរការមជ្ឈមណ្ឌលថ្មីនេះ ដំបូងឡើយ អង្គការបេះដូងជប៉ុន ក៏បានបើកដំណើរការ មជ្ឈមណ្ឌលព្យាបាលកុមារ បេះដូងជប៉ុន នៅឆ្នាំ ២០១៦ ស្ថិតនៅស្រុកពញាឮ ខេត្តកណ្ដាល រួចមកហើយ។ ជាក់ស្ដែង មជ្ឈមណ្ឌលនេះ បានព្យាបាល និងពិនិត្យថែទាំសុខភាពដល់កុមារកម្ពុជា ចំនួន ៩៨,៣៦៣ នាក់ និងវះកាត់ព្យាបាលបានចំនួន ៨,៦៨០ នាក់ នេះបើគិតចាប់ពីខែតុលា ឆ្នាំ ២០០៩ រហូតមកដល់ ខែធ្នូ ឆ្នាំ ២០២៣ នេះ។
គួរបញ្ជាក់ថា តាមការស្រាវជ្រាវរបស់អង្គការសុខភាពពិភពលោក WHO បានលើកឡើងថា នៅបណ្ដាប្រទេសជឿនលឿនមានសេវាកម្មព្យាបាលកុមារកើតជំងឺមហារីករហូតប្រមាណ ៨០% ប៉ុន្តែសម្រាប់ការព្យាបាលនៅបណ្ដាប្រទេសកំពុងអភិវឌ្ឍន៍មានប្រមាណតែត្រឹម ៣០% តែប៉ុណ្ណោះ។ ដូច្នេះ ក្រោយពីចំណាយពេលជាង ១៥ ឆ្នាំ ទើបអង្គការបេះដូងជប៉ុន បានក្លាយជាចំណែកមួយនៅកម្ពុជា ពិសេសការព្យាបាលកុមារមានជំងឺមហារីក ជូនដល់កុមារកម្ពុជាយើងឥតគិតថ្លៃ៕
អត្ថបទ ៖ សួស សិត
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៤ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី