ព័ត៌មានជាតិ
វិស័យសំណង់ ទទួលបានទុនវិនិយោគជិត ៣ ពាន់លានដុល្លារ រយៈពេល ៧ ខែ ឆ្នាំ២០២៣
នៅក្នុងរយៈពេល ៧ ខែដើមឆ្នាំ២០២៣ កម្ពុជាទទួលបានគម្រោងវិនិយោគលើវិស័យសំណង់និងស្ថាបត្យកម្មប្រមាណជិត ៣ ពាន់លានដុល្លារ។
លោកហង្ស សុតសំភារ អគ្គលេខាធិការនៃគណៈស្ថាបត្យករកម្ពុជាបានឱ្យដឹងនៅក្នុងពិធីសម្ពោធពិព័រណ៌វិស័យសំណង់ វិស្វកម្ម និងពិព័រណ៌វិស័យម្ហូបអាហារសណ្ឋាគារនិងបដិសណ្ឋារកិច្ចខ្នាតអន្តរជាតិនៅថ្ងៃទី ១៤ កញ្ញានេះថា ក្នុងរយៈពេល ៧ ខែឆ្នាំ ២០២៣ មានការវិនិយោគលើវិស័យសំណង់ និងស្ថាបត្យកម្មចំនួន ២០៣៦ គម្រោង ក្រោមទុនវិនិយោគជិត ៣ ពាន់លានដុល្លារ។
បើគិតចាប់ពីឆ្នាំ ២០០០ ដល់ខែកក្កដាឆ្នាំ២០២៣ ក្រសួងបានទទួលគម្រោងចំនួន ៦៣,៩០៣ គម្រោង មានទុនវិនិយោគសរុបចំនួនជាង ៧២ ម៉ឺនលានដុល្លារ (៧២,៣៧៤,៦១៩,២១៥ ដុល្លារ)។
លោកហង្ស សុតសំភារ បានបញ្ជាក់ថា គម្រោងអគារខ្ពស់ៗចាប់ពី ៥ ជាន់ឡើង ដែលទទួលបានការអនុញ្ញាតឲ្យសាងសង់ពីដើមឆ្នាំ ២០១៨ ដល់ខែកក្កដា ឆ្នាំ២០២៣ មានសរុបចំនួន ១ ៥៦១ អគារ និងគម្រោងអគារខ្ពស់ៗគិតចាប់តាំងពីឆ្នាំ ២០០០ សរុបមានចំនួន ២ ៦០៩ អគារ ក្នុងនោះនៅរាជធានីភ្នំពេញមានចំនួន ១ ៧១៨អគារ នៅខេត្តព្រះសីហនុមានចំនួនអគារ ៦៩៣ អគារ នៅខេត្តបន្ទាយមានជ័យមានចំនួន ១៥៥ អគារ និងនៅខេត្តផ្សេងទៀតមានចំនួន ៤៣ អគារ។
ចំណែកសំណង់លំនៅឋានមានចំនួន ១៨៤៤០ គម្រោង ក្រោមនទុនវិនិយោគ ១៥,៤៤៦,៤៥២,៧០៣ ដុល្លារ។
ទាក់ទងការគ្រប់គ្រងការប្រកបវិជ្ជាជីវៈ និងការប្រកបអាជីវកម្មក្នុងវិស័យសំណង់និងស្ថាបត្យកម្ម អគ្គលេខាធិការនៃគណៈស្ថាបត្យករកម្ពុជាបានផ្តល់វិញ្ញាបនបត្រអនុញ្ញាតឱ្យប្រកបអាជីវកម្ម (ចុះបញ្ជីដំបូងនិងបន្តសុពលភាព) សម្រាប់ក្រុមហ៊ុនបានចំនួន ២ ២៨១ ក្រុមហ៊ុនក្នុងនោះមានក្រុមហ៊ុនក្នុងស្រុកចំនួន ១ ៣៦៦ ក្រុមហ៊ុន និងក្រុមហ៊ុនបរទេសមានចំនួន ៩១៥ ក្រុមហ៊ុន។
បើគិតចាប់ពីពេលអនុវត្តនៅឆ្នាំ២០០០រហូតដល់ខែកក្កដា ឆ្នាំ២០២៣ ក្រសួងបានផ្តល់វិញ្ញាបនបត្រអនុញ្ញាតឱ្យប្រកបអាជីវកម្មសម្រាប់ក្រុមហ៊ុន ចំនួន ៣ ៤០៣ ក្រុមហ៊ុន (ក្រុមហ៊ុនក្នុងស្រុកមានចំនួន ២ ១៦៣ ក្រុមហ៊ុន និងក្រុមហ៊ុនបរទេសមានចំនួន ១ ២៤០ ក្រុមហ៊ុន)។
ទន្ទឹមនឹងនេះក្រសួងបានផ្តល់អាជ្ញាបណ្ណត្រួតពិនិត្យនិងបញ្ជាក់សំណង់ចំនួន ៥ក្រុមហ៊ុន ក្នុងក្រុមហ៊ុនក្នុងស្រុកមានចំនួន៤ក្រមហ៊ុន និងក្រុមហ៊ុនបរទេសចំនួន១ក្រុមហ៊ុនដែលបានចាប់ផ្តើមអនុវត្តពីឆ្នាំ២០២១មក។
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?