ព័ត៌មានជាតិ
កម្ពុជាប្រកាសពីតម្រូវការកម្លាំងពលកម្មជិត៥ ម៉ឺនកន្លែងសម្រាប់បម្រើទៅលើវិស័យធំៗចំនួន៣
កម្ពុជាបានប្រកាសពីតម្រូវការកម្លាំងពលកម្មក្នុងស្រុកប្រមាណជិត៥ម៉ឺនកន្លែងសម្រាប់បម្រើទៅលើវិស័យធំៗចំនួន៣ រួមមាន វិស័យឧស្សាហកម្ម សេវាកម្ម និងកសិកម្ម ក្នុងនោះវិស័យឧស្សាហកម្មមានតម្រូវការច្រើនជាងគេរហូតដល់ទៅជាង៣ម៉ឺន៤ពាន់កន្លែង។
យោងតាមក្រសួងការងារនិងបណ្តុះបណ្តាលវិជ្ជាជីវៈបានឱ្យដឹងថា បច្ចុប្បន្ននេះក្រសួងមានតម្រូវការកម្លាំងពលកម្មចំនួន៤៧ ៧១៧កន្លែងសម្រាប់បម្រើទៅលើវិស័យធំៗចំនួន៣ក្នុងនោះវិស័យឧស្សាហកម្មមានតម្រូវការចំនួន៣៤២៩២កន្លែង វិស័យសេវាកម្មមានចំនួន៤៥៦១កន្លែង និងវិស័យកសិកម្មមានចំនួន៨៨៦៤កន្លែង។ ក្នុងនោះនៅខេត្តរតនគីរី មានតម្រូវការផ្នែកកសិកម្មចំនួន៤៦២១កន្លែង ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម៧៣០០កន្លែង។ខេត្តក្រចេះ មានតម្រូវការផ្នែកកសិកម្ម៤០០០កន្លែង។ រាជធានីភ្នំពេញមាន៩២០៣កន្លែងក្នុងនោះផ្នែកឧស្សាហកម្ម ៧៨០៨កន្លែង និងផ្នែកសេវាកម្ម១៣៩៤កន្លែងនិងកសិកម្ម១កន្លែង។ ខេត្តស្វាយរៀង មានចំនួន៨៦៩៦កន្លែង ក្នុងនោះវិស័យឧស្សាហកម្មមាន៧៨៣៤កន្លែង និងសេវាកម្ម៨៦២កន្លែង។ ខេត្តពោធិសាត់មានតម្រូវការកម្លាំងពលកម្ម៩៣
៧កន្លែង ក្នុងនោះវិស័យឧស្សាហកម្មមាន៥៨៤កន្លែង និងសេវាកម្មចំនួន៣៥៣កន្លែង។ ខេត្តកណ្តាលមានតម្រូវការកម្លាំងពលកម្មវិស័យឧស្សាហកម្ម៣២៨០កន្លែង។ ខេត្តតាកែវ មាន៤២៧៧កន្លែង ក្នុងនោះវិស័យឧស្សាហកម្ម៤១៨៤កន្លែង និងសេវាកម្ម១២៩កន្លែង។ ខេត្តកំពង់ចាមមានតម្រូវការ២១៨៦កន្លែងក្នុងនោះវិស័យឧស្សាកម្ម២០៥០កន្លែង និងសេវាកម្ម១៣៦កន្លែង។ ខេត្តព្រះសីហនុមានតម្រូវការកម្លាំងពលកម្ម១២២០កន្លែងក្នុងនោះផ្នែកវិស័យឧ
ស្សាកម្ម៧៧៣កន្លែងនិងសេវាកម្ម៤៤៧កន្លែងនិងខេត្តផ្សេងៗមាន១៩៩៧កន្លែងក្នុងនោះឧស្សាហកម្មមាន៥១៥កន្លែង សេវាកម្ម១២៤០កន្លែង និងកសិកម្ម២៤២កន្លែង។
ក្រសួងការងារបានបន្តទៀតថា កម្លាំងពលកម្មជិត៥ម៉ឺនកន្លែងនឹងត្រូវបែងចែកទៅតាមប្រភេទមុខរបរចំនួន១០រួមមាន
អ្នកបញ្ជាម៉ាស៊ីនដេរចំនួន១៥០៤២កន្លែងកម្មករចំការដំណាំចំនួន៨៨៦៣កន្លែង អ្នកបញ្ជាម៉ាស៊ីនធ្វើស្បែកជើង៧៨៧១កន្លែង កម្មករក្នុងផលិតកម្មចំនួន៥៨១៩កន្លែង អ្នកបញ្ជាគ្រឿងចក្រនិងម៉ាស៊ីនផលិតផលិតផលគីមីចំនួន១១០០កន្លែងកម្មករវេចខ្ចប់ដោយដៃចំនួន១០២៩កន្លែងអ្នកបញ្ជាម៉ាស៊ីនវេចខ្ចប់ច្រកដាក់ដបនិងដាក់ស្លាកសញ្ញា៩១១កន្លែង មន្ត្រីឥណទាន និងកម្ចីប្រាក់៦៦២កន្លែង អ្នកបោគកនិងអ៊ុតដោយប្រើដៃចំនួន៥៥៨កន្លែង
អ្នកតម្លើងបរិក្ខាអគ្គិសនីនិងអេឡេចត្រូនិចចំនួន៤៩៨កន្លែងនិងមុខរបរផ្សេងៗ៥៣៦៤កន្លែង៕
អត្ថបទ៖ សំអឿន
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៧ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ