ព័ត៌មានជាតិ
រដ្ឋបាលក្រុងសិរីសោភ័ណ និងក្រុងប៉ោយប៉ែត ចុះត្រួតពិនិត្យ ផ្អាកអាជីវកម្ម KTV ក្លឹបកម្សាន្ត
បន្ទាប់ពីរដ្ឋបាលក្រុងប៉ោយប៉ែត ចេញសេចក្តីជូនដំណឹងបាន២ថ្ងៃកន្លងទៅ រដ្ឋបាលក្រុងសិរីសោភ័ណ ខេត្តបន្ទាយមានជ័យ ក៏បានចេញសេចក្តីជូនដំណឹងបន្ថែម និងចុះត្រួតពិនិត្យ ដាក់បញ្ជាជាក់ស្តែងឲ្យម្ចាស់ ឬអ្នកទទួលខុសត្រូវ ផ្អាកអាជីវកម្ម KTV ក្លឹបកម្សាន្ត ខារ៉ាអូខេ ឌីស្កូ រង្គសាល បៀរហ្គាដិន ជាដើម។
ក្នុងសេចក្តីជូនដំណឹងនោះ ចុះថ្ងៃទី២៤ ខែកុម្ភៈ ឆ្នាំ២០២១ លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រសាសន៍ប្រាប់ឲ្យដឹងថា នេះជាស្មារតីចូលរួមទប់ស្កាត់ នៃការឆ្លងរីករាលដាល នៃជំងឺកូវីដ១៩ និងចូលរួមអនុវត្តវិធានការរបស់រាជរដ្ឋាភិបាល និងក្រសួងសុខាភិបាល ម្ចាស់អាជីវកម្ម ក្លឹបកម្សាន្ត និង ខារ៉ាអូខេ ទាំងអស់ ក្នុងក្រុងសិរីសោភ័ណ ត្រូវបន្តផ្អាកអាជីវកម្ម និងអនុវត្តឲ្យបានម៉ឺងម៉ាត់ រហូតដល់មានការជូនដំណឹងជាថ្មី ស្តីពីការបន្ធូរបន្ថយ ឬ កែសម្រួលវិធានការ នៅពេលខាងមុខ ។
សូមរំលឹកថា កាលពីថ្ងៃទី២២ ខែកុម្ភៈ ឆ្នាំ២០២១ រដ្ឋបាលក្រុងប៉ោយប៉ែត ក៏បានចេញសេចក្តីជូនដំណឹង ក្នុងន័យដូចខាងលើ ដល់ម្ចាស់កន្លែងបើកអាជីវកម្ម កន្លែងកម្សាន្តសប្បាយ ក៏ប៉ុន្តែពួកគេ មិនស្តាប់ និងអនុវត្តតាម ទើបនៅយប់ថ្ងៃទី២៣ ខែកុម្ភៈ មន្ត្រី និងកងកម្លាំងចម្រុះរបស់គណៈបញ្ជាការឯកភាពរដ្ឋបាលក្រុង បានចុះដល់ទីតាំងណែនាំ ជូនសេចក្តីជូនដំណឹង និងធ្វើកិច្ចសន្យា ហើយព្រមានថា បើមិនអនុវត្តតាមការណែនាំនេះទេ រដ្ឋបាលក្រុង នឹងចាត់វិធានការតាមច្បាប់ហើយ៕
អត្ថបទ ៖ វ៉ាន់ ណាង
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ