ព័ត៌មានជាតិ

បញ្ជូនជនជាតិចិន វៀតណាម ក្លែងបន្លំជាគ្រូពេទ្យចុះយកសំណាកជំរិតប្រាក់ ទៅតុលាការ

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

ជនជាតិចិន និងវៀតណាមប្រុសស្រីចំនួន ១៤ នាក់ ដែលបានក្លែងបន្លំជាគ្រូពេទ្យចុះយកសំណាក ត្រូវបានបញ្ជូនទៅតុលាការ នៅព្រឹកថ្ងៃទី ៣០ ខែមីនា ឆ្នាំ ២០២១នេះ។ ករណីចាប់ជំរិតដោយជនសង្ស័យមួយក្រុមប្រើល្បិចនិងស្លៀកសំលៀកបំពាក់ជាគ្រូពេទ្យចុះយកសំណាកជំងឺកូវីដ១៩ កាលពីម៉ោង ៦ ល្ងាចថ្ងៃទី ២០ ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមានគ្នា ១៤ នាក់ បានធ្វើសកម្មភាពចូលចាប់បុរសជនរងគ្រោះ ឈ្មោះ HUANG WENG XUAN ជនជាតិចិន នៅក្នុងសណ្ធាគារ ដឺព្រីនស៍ ស្ថិតនៅផ្លូវលេខ៧៨ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយប្រើល្បិចថា នាំយកទៅធ្វើចត្តាទ្បីស័ក ហើយជនសង្ស័យបាននាំជនរងគ្រោះទៅបង្ខាំងទុកនៅសណ្ធាគារ SKAYLINE ស្ថិតនៅ ផ្លូវ១៣៤ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ ដោយជំរិតទារប្រាក់ចំនួន៣ម៉ឺនដុល្លារអាមេរិក ជាថ្នូរនិងការដោះលែង។

រហូតដល់ថ្ងៃទី២៣ ខែមីនា ឆ្នាំ២០២១ ទើបក្រុមជនសង្ស័យបានដោះលែងជនរងគ្រោះ ក្រោយពីជំរិតទារប្រាក់បានសម្រេច។

ក្រោយពីក្រុមជនសង្ស័យជំរិតទារប្រាក់បានសម្រេចហើយនោះ ជនរងគ្រោះ ក៏បានរាយការណ៍ប្រាប់សមត្ថកិច្ចជំនាញ ធ្វើការស្រាវជ្រាវ ស៊ើបអង្កេត រហូតកំណត់អត្តសញ្ញាណ ទើបកម្លាំងនាយកដ្ឋាននគរបាលព្រហ្មទណ្ឌ សហការជាមួយស្នងការដ្ឋាននគរបាលរាជធានីភ្នំពេញ ឃាត់ខ្លួនជនសង្ស័យចំនួន១៤នាក់ ក្នុងនោះមានជនជាតិចិន៧នាក់ និងជនជាតិវៀតណាម៧នាក់ នៅចំណុចសណ្ឋាគារ ប៉ូស៊ីកាណូប៊ូទិក ផ្លូវ១៤៤ សង្កាត់ផ្សារកណ្តាល១ ខណ្ឌដូនពេញ រាជធានីភ្នំពេញ៕