Connect with us

នយោបាយ

លោក Antony Blinken ៖ អាមេរិកចង់បានខ្លាំងណាស់នូវទំនាក់ទំនងជាវិជ្ជមានជាមួយកម្ពុជា

បានផុស

នៅ

លោក Antony Blinken រដ្ឋមន្រ្តីការបរទេសអាមេរិក បានអះអាងថា សហរដ្ឋអាមេរិកពិតជាចង់បានខ្លាំងណា​ស់នូវទំនាក់ទំនងជាវិជ្ជមានជាមួយប្រទេសកម្ពុជា។ លោក បានអះអាងបែបនេះនៅក្នុងសន្និសីទសារព័ត៌មានខ្លីមួយនៅរសៀលថ្ងៃសុក្រនេះនៅសណ្ឋាគារ Raffles Hotel Le Royal រាជធានីភ្នំពេញ មុនលោកចាកចេញពីកម្ពុជានៅយប់នេះទៅកាន់ប្រទេសហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខក្រុមអ្នកសារព័ត៌មានជាតិ និងអន្តរជាតិ លោក Antony Blinken បាននិយាយបែបនេះថា៖«យើងបានបញ្ជាក់ហើយពីបំណងដ៏ខ្លាំងក្លារបស់យើង នោះ គឺការចង់បាននូវទំនាក់ទំនងជាវិជ្ជមានរវាងសហរដ្ឋអាមេរិក និងប្រទេសកម្ពុជា។ ខ្ញុំចង់ធ្វើរឿងជាច្រើន ដើម្បីបញ្ហានេះ»។ ប៉ុន្តែ លោកក៏បានលើកឡើងថា ការចង់បានបែបនេះ គឺជួបនឹងការព្រួយបារម្ភមួយពាក់ព័ន្ធនឹងការគោរពសិទ្ធិមនុស្ស និងលទ្ធិប្រជាធិបតេយ្យនៅក្នុងប្រទេសកម្ពុជា។ យ៉ាងណាក៏ដោយ បញ្ហាសិទ្ធិមនុស្ស និងបញ្ហាលទ្ធិប្រជាធិបតេយ្យនេះ រដ្ឋាភិបាលកម្ពុជា ម្តងជាពីរដង បានគូសបញ្ជាក់ហើយថា វាមិនមានអីត្រូវព្រួយបារម្ភនោះឡើយ ព្រោះកម្ពុជាកំពុងតែអនុវត្តយ៉ាងល្អចំពោះបញ្ហាទាំង២នេះ។

គួរបញ្ជាក់ថា លោក Antony Blinken បានមកធ្វើទស្សនកិច្ចនៅក្នុងប្រទេសកម្ពុជាកាលពីយប់ថ្ងៃទី០៣ ខែសីហា ឆ្នាំ២០២២ ដើម្បីចូលរួមកិច្ចប្រជុំរដ្ឋមន្រ្តីការបរទេសអាស៊ាន និងអាមេរិក និងកិច្ចប្រជុំពាក់ព័ន្ធផ្សេងទៀតដែលកម្ពុជាធ្វើជាម្ចាស់ផ្ទះ។ លោក បានលើកឡើងថា នេះ គឺជាលើកទី១របស់លោកដែលមកធ្វើទស្សនកិច្ចនៅកម្ពុជាក្នុងនាមជារដ្ឋមន្រ្តីការបរទេសអាមេរិក។ លោកបានកោតសរសើរចំពោះការទទួលស្វាគមន៍រូបលោកប្រកបដោយភាពកក់ក្តៅ និងរាក់ទាក់ជាទីបំផុតពីសំណាក់ប្រជាជនកម្ពុជា។

កាលពីថ្ងៃព្រហស្បតិ៍ លោក Antony Blinken បានចូលជួបសម្តែងការគួរសម និងពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។ ជំនួបនៅកម្ពុជានេះ សម្តេចប្រមុខរដ្ឋាភិបាលកម្ពុជា បានស្នើអាមេរិកតាមរយៈរូបលោកឱ្យមានការពិនិត្យឡើងវិញអំពីការដាក់ទណ្ឌកម្មទៅលើប្រទេសរុស្ស៊ី ដែលទណ្ឌកម្មនេះ មិនប៉ះពាល់ត្រឹមតែរុស្ស៊ីនោះទេ ប៉ុន្តែប៉ះពាល់ដល់សេដ្ឋកិច្ចពិភពលោកក្នុងនោះ រួមទាំង កម្ពុជាផងដែរ។ពាក់ព័ន្ធទៅនឹងការស្វែងរកអដ្ឋិធាតុទាហានអាមេរិកបាត់ខ្លួននៅក្នុងអំឡុងពេលសង្គ្រាមវិញ សម្តេច ហ៊ុន សែន បានអះអាងថា កម្ពុជាបានធ្វើការជាមួយសហរដ្ឋអាមេរិកជាច្រើនឆ្នាំមក ហើយកម្ពុជានៅតែបន្តសហការលើបញ្ហាការងារមនុស្សធម៌នេះ។

ដោយឡែក ចំពោះបញ្ហានៅក្នុងប្រទេសមីយ៉ាន់ម៉ាវិញ សម្តេចនាយករដ្ឋមន្រ្តី ហ៊ុន សែន បានមានប្រសាសន៍ប្រាប់លោក Antony Blinken ថា កម្ពុជា មានការសោកស្ដាយ និងភ្ញាក់ផ្អើលចំពោះការអនុវត្តទោសប្រហារជីវិតសកម្មជន៤រូប កាលពីថ្មីៗនេះ នៅប្រទេសមីយ៉ាន់ម៉ា។ កម្ពុជា ក៏បានធ្វើប្រតិកម្មតាមរយៈការចេញសេចកីថ្លែងការណ៍ប្រធានអាស៊ាន នៅថ្ងៃទី ២៥ ខែកក្កដា ឆ្នាំ២០២២។ ទោះជាយ៉ាងនេះក៏ដោយ  ក៏កម្ពុជា នៅតែប្ដេជ្ញាចិត្តខិតខំជួយឲ្យប្រទេសមីយ៉ាន់ម៉ា វិលទៅរកភាពប្រក្រតី និងដំណើរការតាមមាគ៌ាប្រជាធិបតេយ្យឡើងវិញ៕

ដោយ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

កូវីដបំប្លែងខ្លួនឆ្លងលឿន កំពុងវាយលុកប្រទេសជិតខាងកម្ពុជា ដល់ថ្នាក់មានអ្នកស្លាប់

ព័ត៌មានអន្ដរជាតិ៨ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ១០ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១០ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម