សន្តិសុខសង្គម

ជ្រូកព្រៃដេញខ្វេះបុរសម្នាក់របួសក្រលៀន និងភ្លៅធ្ងន់ធ្ងរ

បានផុស

៣ years មុន

នៅ

ថ្ងៃសុក្រ ១៧ ធ្នូ ២០២១

ដោយ

បុរសម្នាក់ជាអ្នកចាំចម្ការត្រូវបានជ្រូកព្រៃដែលជាប់អន្ទាក់ដេញខ្វេះបណ្ដាលឲ្យរងរបួសធ្ងន់ បន្ទាប់ពីព្រានព្រៃហៅឲ្យជួយសម្លាប់ ពេលជាប់អន្ទាក់ត្រែត្រូវជ្រូករើបម្រាស់ដាច់ខ្សែ។

ហេតុការណ៍នេះបានកើតឡើងកាលពីល្ងាចថ្ងៃទី១៦ ខែធ្នូ ឆ្នាំ២០២១ នៅភូមិអន្លង់ភូមិកាំងចាម ឃុំកាំងចាម ស្រុកថាឡាបរិវ៉ាត់ ខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ រី ប្រធានសហគមន៍ឃុំកាំងចាម បានប្រាប់នៅព្រឹកថ្ងៃទី១៧ នេះថា ជ្រូកព្រៃនេះបានជាប់អន្ទាក់របស់ព្រានព្រៃម្នាក់ ហើយព្រានបានមកពឹងអ្នកចម្ការដំឡូនៅក្បែរនោះ ឱ្យមកជួយវាយសម្លាប់ជ្រូកដែលកំពុងជាប់អន្ទាក់។ ពេលទៅដល់ ខណៈកំពុងយាកាំបិតកាប់ ជ្រូកព្រៃបានហក់ដាច់ខ្សែអន្ទាក់ដេញខ្វេះ ដោយម្ចាស់អន្ទាក់រត់រួចផុត បែរជាមកខ្វេះអ្នកជួយបណ្តាលឱ្យរងរបួសក្រលៀននិងភ្លៅខាងស្តាំយ៉ាងធ្ងន់ធ្ងរតែម្តង ។

លោកប្រធានសហគមន៍បានបញ្ជាក់បន្ថែមថា ជនរងគ្រោះមានឈ្មោះ អ៊ីន ត្រឿន មានទីលំនៅភូមិកេស ឃុំកាំងចាម ស្រុកថាឡាបរិវ៉ាត់ ខេត្តសឹ្ទងត្រែង។ ក្រោយកើតហេតុ ជនរងគ្រោះត្រូវបានបញ្ជូនទៅមន្ទីរពេទ្យបង្អែកខេត្តសឹ្ទងត្រែង ធ្វើការសង្គ្រោះបន្ទាន់។

បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកខេត្ត ដោយមានការយកចិត្តទុកដាក់ព្យាបាលពីក្រុមគ្រូពេទ្យ៕

អត្ថបទ៖ ងិនលីម