ប្រទះឃេីញសពក្មេងប្រុសម្នាក់ក្រោយបាត់ពីផ្ទះ២ថ្ងៃ

ក្មេងប្រុសម្នាក់ដេីរបេះត្រកួនបាត់ខ្លួនអស់រយះពេល២យប់២ថ្ងៃបែជាប្រទះឃេីញផុសអណ្តែតឡេីងក្នុងទឹកបឹងបង្កការភ្ញាក់ផ្អេីលកាលពីវេលាម៉ោង១០ព្រឹកថ្ងៃទី២១ ខែធ្នូ ឆ្នាំ២០២៣ នៅក្នុងបឹងមួយកន្លែងភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

ក្មេងរងគ្រោះមានឈ្មោះ ហុង លីហេង ភេទប្រុសអាយុ៨ឆ្នាំ មានឪពុកឈ្មោះ ហាក់ ហេង អាយុ៣៥ឆ្នាំ រស់នៅភូមិត្រពាំងល្វា សង្កាត់ចោមចៅទី២ ខណ្ឌពោធិ៍សែនជ័យ។

តាមសម្តីឪពុកក្មេងរងគ្រោះបានរៀបរាប់ថា កន្លងមកកូនប្រុសរបស់គាត់តែងតែដេីរជាមួយសត្វឆ្កែមួយក្បាល ទៅបេះត្រកួន លុះមកដល់ថ្ងៃទី១៩ ខែធ្នូ ឆ្នាំ២០២៣ កូនប្រុសរបស់គាត់បាននាំសត្វឆ្កែដេីរចូលទៅក្នុងរបងដែលខាងក្នុងមានបឹងត្រកួនទៀត​ រហូតមកដល់វេលាម៉ោង៦ល្ងាច ឃេីញតែសត្វឆ្កែមកផ្ទះវិញដោយមិនឃេីញកូនរបស់គាត់នោះទេ។

ប្រភពដដែលបានបន្តថា លុះគាត់ចូលទៅរកឃេីញតែស្បែកជេីងមួយគូរនៅមាត់បឹង ទេីបនាំគ្នាចុះរាវរកតែមិនឃេីញក៏រាយការណ៍ទៅអាជ្ញាធរ និងកម្លាំងឆ័ត្រយោង៩១១ មុជទឹករកអស់រយះពេល១ថ្ងៃតែមិនឃេីញ រហូតមកដល់វេលាម៉ោង១០ព្រឹក ថ្ងៃទី២១ ខែឆ្នាំដដែលទេីបសពផុសអណ្តែតឡេីង។

បច្ចុប្បន្នសពក្មេងរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី៕

អត្ថបទ៖ សុខា