សេដ្ឋកិច្ច

កម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ

បានផុស

២ ខែ មុន

នៅ

ថ្ងៃព្រហស្បតិ៍ ២៨ ឧសភា ២០២៦

ដោយ

កម្ពុជាទទួលបានប្រាក់ចំណូល ១៥៤ លានដុល្លារ ពីការនាំចេញជ័រកៅស៊ូ នៅក្នុងរយៈពេល ៤ ខែ ២០២៦ កើនឡើង ១៨% ធៀបនឹងរយៈពេលដូចគ្នា កាលពីឆ្នាំមុន ឆ្លុះបញ្ចាំងពីការរក្សាបាននូវស្ថិរភាពទីផ្សារតម្លៃជ័រកៅស៊ូ។ នេះបើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូ ប្រាប់កម្ពុជាំថ្មីថា ថ្វីត្បិតស្ថានភាពសេដ្ឋកិច្ច នយោបាយ នៅលើពិភពលោកជួបបញ្ហា ប៉ុន្តែការនាំចេញនៅក្នុងវិស័យកៅស៊ូកម្ពុជា បន្តមានស្ថិរភាពល្អ ខណៈតម្លៃល្អ និងផ្ទៃដីដាំដុះកើនឡើង។ តម្លៃកៅស៊ូលក់បាន ១៧៥៦ ដុល្លារ ក្នុងមួយតោន កើនឡើង ៣,៧%។

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី ២៧ ឧសភា ២០២៦ បានជំរុញឱ្យក្រសួងកសិកម្ម ក្រសួងឧស្សាហកម្ម និងក្រសួងពាណិជ្ជកម្ម តភ្ជាប់រោងចក្រផលិតកែច្នៃ ជាមួយសហគមន៍ផលិតជ័រកៅស៊ូក្នុងស្រុក ដើម្បីបង្កើនតម្លៃបន្ថែមសម្រាប់ប្រជាពលរដ្ឋ។

យោងតាមក្រសួងកសិកម្ម នៅក្នុងឆ្នាំ ២០២៥ កម្ពុជាទទួលបានចំណូល ៦០៤ លានដុល្លារ ពីការនាំចេញជ័រកៅស៊ូ ថយចុះ ៩,១% ធៀបនឹងឆ្នាំ ២០២៤ ថយចុះដោយសារតែតម្រូវការប្រើប្រាស់ក្នុងស្រុកកើនឡើង។

គិតមកទល់ពេលនេះ កម្ពុជាមានផ្ទៃដីដាំដុះកៅស៊ូសរុបជិត ៤៥ ម៉ឺនហិកតា ផ្ដល់ទិន្នផលប្រមាណ ៤២ ម៉ឺនតោន ដែលពីមុនជ័រកៅស៊ូមានការនាំចេញទាំងស្រុង ខណៈបច្ចុប្បន្ន កម្ពុជាមានលទ្ធភាពកែច្នៃ និងលក់ក្នុងស្រុក៕

អត្ថបទ៖ ឡេង ដេត

Related Topics:ជ័រកៅស៊ូ